WWW.TUNGZANGNEWS.COM

 
Constantinople Phualpi Bulphuh Ancient Orthodox Christian Ki Vaipuakna Phungpi makai ahi Patriarch Kirill(Russian Orthodox Church), Roman Catholic Lutang Pope Francis tawh Jerusalem ah Kimuding in Hong kihel zolo Moscow (Reuters) –Mai nipikaal sung Pope leh Leitungbup Orthodox makaipi ki muhciang in koici leh Tangtawng tapidaw pawlpi Nisuahlam(Greek Orthodox) leh Nitumlam( Roman Catholic) tapidaw pawlpi tegeel kinai zawthei dingcih thulu bulphuh ding uhhi.

 

Kum 1000 valbang a kikhensa hih Christian ki vaipuakna tegel ki naizawk nading pen a ki muhnading mun Jerusalem khuapi inzong saikhaban khollo zaw in, Greek Orthodox Christian ki vaipuakna sungah a lianpen ahi Russian Orthodox Church makaipi Ecumenical Patriarch Bartholomew in hong koici pomding cih thupi zaw cihi.

 

Russian Orthodox Church (ROC) pen Nisuahlam Orthodox Christian kivaipuakna ah a a lianpen ahihna leh a khual atual ah thuneihna lian mahmah ahihmah bangin Francis leh Bartholomew kikal ah vaitampi kinga hi.

 

Tunai Ukraine gambuaina thu ah ROC leh adang ki vaipuakna nih in Russian panpih in, adangkhat leuleu in nitumlam leh Vatican lam nehzaw ahihna hangin ki telkhialhna om dektak cihi. Hih lamet hetloh thupiang hangin abeisa hunlai bangin Catholic leh Orthodox kikal ah unau hihna panin dogaal hihna hongphawksak kik cihi.

 

ROC nuaiaa pawlpi khat ahi Ukraine Orthodox Christian ki vaipuakna in, Ukraine gambuaivai ah Vatican tawh kithutuak in dinguh ahihman in thu nuammawh hongpiangdek hi ci’n kum 47 phapan ROC gampua palai Metropolitan Hilarion in genkhia hi.

 

1054 kum Pawlkaakna Lianpi (the Great Schism of 1054)mangsia panin kigawmkik nading cih sunmang nei in kivaihawmna ah tupna tawh ki gamlalai himah leh alangnihtuak hanciam in Christian thunungta lamsang beklo, Jesu in nungzuipi te tungah a kamvaikhaksa kikhenthangna thu phawkkawm in ih semkhawm dingci hi.


Geelna Khitangkhil Banglo

Kivaipuakna nih suutpomkhawm kikding cihciangin, kheeltheih dingaa kilawmteng laihding, gentehna in kivaipuakna lutangpi te thuneihna teng sehhawm dingmaw, biakpawini te hun kibangsak ding cihbang ahizongh in a beisa kum sawmlomte ah, thukham siapite in suulkibang teng ah tonkhawmding in hanciam zeel uhhi. Tuni tan in, Vatican leh Ecumenical Patriarchate kikaal ah ki thutuakna lampi sialcihtak in a siallaitak uh hi.

 

Ahizong in, leitungbup Orthodox thuzui awn 250 lakah pawlpi mi awn 165 a pha Russian pawlpi in a mauteel leh deihna bangbek tawh kipuah dingin thukawng lenkip uh ahihman in ki masawn theinailo hongsuak hi. Russian kumpi Putin tawh ki nahvawh in kumpi sumbuuk pan huhna leh sehsuahte tawh a beisa kum 25 sungin Russia leh adang gam kigawm 60 valsung ah biakinn thak 25, 000 lamthak uh ahihman in amau leh amau kimuan naciang a nei uh hongsuak hi.

 

A langkhat panin enkik lehangh, tangtawng phungphatlai in Nisuahlam Orthodox phualpi ahi Byzantine Empire khuapi Constantinople pen tu hunciangin Islam biakna khauhtak tawh ki makaihna Turkey gam Istanbul khuapi hongsuak ahihman in kumpi in pawlpi thuzui mimal 3,000 val a khangtheilo phialdingin gaakcip uhhi.

 

Orthodox ki vaipuakna in Moscow leh Rome kikaal sepkhop bawlkhop dingtawh kisai nungkum ki hokhopna pen gahsuah mahmah ci uhhi.

 

Tualsung Pawlpite

A taktak in, tutung Orthodox kivaipuakna lutangpi Patriarch Kirill leh Pope Francis ki maituah in thu kikupna vai ah a hongpiangvat Ukraine tualgaal vaiipen a hangkhat hilel aa, Tangtawng Orthodox Christian kivaipuakna muhsak na ah Pope Francis pen leitungbup Christian sehthum suah sehnih phial apha thuzui awn 1200 tungbek ah thunei hi in, Orthodox kihel Leitungbup Christian dangte tungah makaipi thunei ahihna kipsakpihna tawh ciamteh nuamlo ahihman uhzongh hizaw hi.

 

Ahih hangin, Vatican in tangtawng pek nungzuipi Peter pan kipan in leitungbup Christian pawlpi omkhempeuh te makai phungpi thuneihna dinmun pen kuakua in bangbang in a genzong in nialtheihthu ahihloh lam genbeh kullo cihsan uhhi.

 

Russian Orthodox ki vaipuakna lutang Ecumenical Patriarch in, Orthodox ki vaiuakna dangte sawlna leh ngetna omlo pi in Orthodox khempeuh aitang in Pope Francis tawh kimu cihna hituan lo ci uhhi.

 

Tu tadih in Rome kivaipuakna makai Pope leh Constantinople Orthodox ki vaipuakna makai kikal kihona cihciangbek hiphot ding cihi.

 

Moscow ki vaipuakna makai

Russian Orthodox Pawlpi in abeisa kum zalom 13 sungah a khatvei kibawl nading Leitungbup Orthodox khawmpi 2016 ah vekpi thukimna tawh ki gawmkik dingvai thukawng kikhiak zawding cihi.

 

Hih Leitungbup Orthodox khawmpi vaihawm dingthu pen Catholic Pawlpi in a nihveina Vatican Council (1962-1965) thukhensat natawh ki vaipuakna nih tegeel ki gawmkhawmkikding ngetna dungzui in ki dingkhia ahihi.

 

Council thukikup hunding tungta phial ahihhang in, Catholic leh Orthodox kikaal muhtheih in ki gawmkhop na dingvai ah Orthodox pawlpi 14 in thuzui te neekkhawm zattang theihding vai, neekkhawm ni leh hunthupi ciaptehna tetawh kisai ah ki kangkikkik uh ahihman in a hun laakbeh kullai ding in hoihsa uhhi.

 

Catholic leh Orthodox kikal liangko kikim khut kilen in tonkhawm nading in sepbeh ding tampi kisam lai hicih mu uhhi.

 

ZH

 


Comments




Leave a Reply