WWW.TUNGZANGNEWS.COM

 

Zomi Innkuan USA
Executive Committee
 
DAHNA PULAKNA: PI ZEN KHUA DON IN HONG NUSIA
 
Global Zomi Alliance (GZA) kipawlna Makaipi, Rev. Dr. S. Pau Khan En (Sia Enno)’ it mahmah a zi; Pi Zen Khua Don in lam-etngam nailohpi mahin, damlohna tawh zatopi panin May 20, 2014 ni in a leitung nuntakna hong nusiata hi. Pi Zen Khua Don hong paisanna hangin adah akap, lungleng khuangai a om Zomi-te Makaipi Sia Enno leh leitung mun tuamtuam a om Zomi-te tawh a kibangin Zomi Innkuan USA kipawlna Executive Committee pawlzong nakpi takin kidah hi.
 
Pi Don pen mi thupi mahmah, zi-hoih zi-manpha bek hilo, a pasal Sia Enno in Zomi-te a makaihna ah hita leh Pawlpi a makaihna ah hita leh, ma apanna khempeuh ah a lawhcin theihna dingin vai adinpih tawntung lawm-hoih mahmah khat ahi hi. Pi Don hong nusiat manin Zomi-te in Makaipi khat a kisuplawh mahtawh akibang ahi. Pi Don luanghawm pen May 24, 2014 (Sunday) ni ciangin a Pawlpi in hanmual ah khata ding hi.

Pi Don hong nusiatna hangin adah akap, ih Makaipipa leh a innkuanpihte a kipan, a tu a tate, a meeltheih tanaute, a Pawlpi mite, a khua a tui leh a mipih sapihte tung ah anungta Pasian in hong hehnem henla, thathak hong guan-in, vai a dingkik zo dingin hong siam tahen ci in thu kangen uhhi.
 
Dahna tawh;
 
Executive Committee
Zomi Innkuan USA, Inc.
 
Tulsa, OK
May 23, 2014
 




__._,_.___

Posted by: "Zomi Innkuan USA, Inc." <ziusa@yahoo.com>
 


Comments

06/19/2016 13:21

Breaking news always a source of information for every one if we get latest news then we may feell we are updating our information pr data with some one.

Reply



Leave a Reply