WWW.TUNGZANGNEWS.COM

 
God Blessed Zomi@2014

Na phawk kha ngei uh hiam? Na lung ngai kha ngei uh hiam? Abeisa 2013 kum in imakaaipi Dr Cin Do Kham in ongnuasia in mangbang in khitui naptui tawh ikidim a, ahizong in tun 2014 kumlang  kha 5 bek cingpan himah leh, Pasian in hibang in Zomi te masuan onghonsak hi.

·      Lamka Khuapi ah the third word Zomi Convention limci tak in ongbawlsak zo a,Leitungbup phial pan Leitunglam, Kha lam Zomi mipil minthang kheempeuh kituah khawm liailiai in vaithupi ihawmzo hi.

·      Imakaaipipa Dr Kham in ongnusiat ciang lungleenglua in idinkhawl anihveina GZA khawmpi nopcitak leh picing tak in Topan ongbawlsak zo hi.

·      Zomi te masuan ding Pasian in geelnuam ahihman in Kawlkumpi zang in Census kici mikisimna ongbawlkhia uhhi.

·      Mi tampitak in onglanpan in hamsatna tampi tak om himah leh Imakaaite vaaihawmna ahi 914-Zomi ah Zomi 98% ikigawm khawm liailiai thei a Leitung kiu li pan asum apaai tha le ngal tawh ma ipangkhawm liailiai hi.

·      Kumtampi tak kawlkumpi ten ongnenpeeksak Zomi mintawh ineihsun ZCD in khuakim phial ah Zum hongzo a, gambup khawmpi te leh Jubilee pawipi te nasia tak in ikhaamzo hi.

·      Zomi Innkuan USA in kumtampi haaibang ingaak ahi UN ah teektanna taktak vaai hawmsa tampi kawmkaal ah ingahkhia zotaktak ta hi.

·      WZC makaihna tawh Leitung pianzawh katheih masakpeen ahi suakta tak a mipi te tawh politics genkhopna political talk show  inei kawikawi zota hi.

·      Sak le Khang, Sim le Mar vaai ihawmkhawm diamdiam theita a, Leitung gamvaai naseem politician te leh Kha lam nasem Pastor kithuhual tak in na isemkhawm diamdiam theita hi.

·      TA,ZOMUS,Siamsin te makaihna tawh Kawlgam khuapi lianpeen Yangon khuapi ah iminam mintaktak pulaakkhiat theihna leh ingeina laam,puan te lahtheihna hunhoih ingaha , ilak khia ziahziah theita hi.

·      Kum dang sang in leitung lam Kha lam ah Degree ngah itamphadiak a, amun mun aciang ciang ah Lukhu neelkaai ngahna thu bekbek iza phangphang hi.

·      Pasian mizat nasem te zong kumdang sang khual anaakzin peenkum hiding in kangaih sun hi. Kawlgam apusuak tawh gampua pan kawlgam aluut tawh Vanlaai ah kipelh zengzeng mai hi.

Hih te kheempeuh  ibiak Pasian ongpanpihna vive hia, eite thahaatna hang hilo hi. Topa eilam ongpang ahihman in eite langkhat ah kuamah apangzokei hi. Tua ahihman in Tukaal Ibiak Inn ciat ah hih laai asimkha kheempeuh in “God Blessed Zomi” ci in awng ziahziah ding hihang.

Thang Khawm Pauzomi 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.com,Thang.pau@perdue.com
www.perdue.com ,www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply