WWW.TUNGZANGNEWS.COM

 
KOLKATA/NARAYANGURI, India (Reuters) – Tulaitak leitungbup a mimal tampeen kihel aa democracy kiteelna ah PM teelcing dingaa muanhuai pen ahi Hindu minampi(nationalist) Makai Narendra Modi in zandeuh NE India Assam state aa tualgaal tawh thukizom a genna ah, Bangladesh pan hong leetphei Rohingya te khauhtak dalzawh nading genkhia ta hi.

Ki teelpi hun nipi kaal 5 sung sawt in, ki teelna huhau in beh tualgal, namneu taulgaal leh biakna lam Hindu-Islam tualgaal cihbang tawh a kizom den ahi India kiteelpi na ah NaMo makaih langtuh party Bharatiya Janata Party (BJP) in gualzo dingin muan’na kinei hi.

Nungkaal Kigin Ni tualgaal thupiang ah Boda singnuai pawl in Muslim 30 a kaplup khit ciangin, India gaalkap te Assam leh Banglar gamgi dungah ki gualsuk uhhi. Bodo gamnei te genna ah hih Muslim tepen Bangladesh pan hong peem ta vive hi cihi.

Modi in Banglar Muslim te hong peemtaatna West Bangal leh Bangladesh kigi dung hoihtakin gaakding hihang ci’n tangko tahi. A diakin hih peemta teng theih dingin kei kumpi teelcing hi cih nongzaak phetun na puanlom nazial khol pah un cilian hi.

West Bangal state kumpi in peemta teng votetawh gualzawhna gusimnuam na hangin pemta te hici lutsak uh ci’n gencian hi. "Na mipi kiko na na awlmah kei uh aa, peemta te na awlmawh bawl zaw mawkmawk uhhi, India nuntaak khuasakna thakteng hong guuksak nuamte hilel uhhi” ci’n peemta teng ciahkik tapeuh un cihi.

Palik te thupuak ah, Beki gungei Narayanguri tualthah vai ah mi 34 si hi ci’n genhi, kum 30 pha numei khat tuitung ah a sisa in mubeh lai uhhi. Misi a tamzaw Muslim vive cihi.

Tualthahna tawh kizom in mi 15 kimanpah hi, Assam khamtungzang Bodo tualmi te in ka pupa luahsa gam uh peemta te in hong buluh hi ci’n kumpi tungah komplen zel uhhi. 2012 kumin zongh, ki nawkna piangin mi sawmval si in tulzali gaaltaii uhhi. A zaizaw thuneih na deih in India kumpi langdo pawl ah Asaam singnuai pawlzongh a hatpawl aa kigen uh cihi.

Congress party makaipi leh Prime Minister Manmohan Singh in Assam tualthahna mawhpaih in, a dang Makai khatin Modi kammal in ki deidan na liansak zaw ding cihi.

BJP party tangko pa genkikna ah hih tualgaal pen sutding cilehang, tangthu khau saupi hicih theihtek ihihman in hibang in Modi pum ngawhpen kilawmlo hi ci’n dawngkik hi.

Modi kammal tawh kizom in Bangladesh's Information lam pan genkhiatna bangmah kiza nailo hi. Assam state palik zumpan thuging ah Bodo MP te’n Rohingya peemta te free vote a ngahloh takciangin peemta hihna paulap in tualgaal thosak uh cihi. Mi tampi kithatna Narayanguri khua ah tuni dongmah galkap Santali dinglai uhhi.

Leitungaa a lianpeen democracy gamtat nasep na kiteelpi na tukha 12 ni in kizo siang dingaa, 16 ni in gualzo te kitangko khia dinghi.

Kiteelna khawk pawlkhat tungtawn in parliament tutphah vekpi 543 lakah BJP in vom sahawm in tanggai ding in lamet na om hi mahleh seh 5 suah seh 3 bel ngahzolo ding hihtuak.

India gambup milip awn 1,200 (1.2 billion) lakah 12% pen Muslim hi.


ZH

 


Comments

Thanks for sharing your work. I now need to add some interactivity to the offline map, so that a user can get info after clicking on a point.

Reply



Leave a Reply