WWW.TUNGZANGNEWS.COM

 
A. Nikhat Daak 8 sung nasep Kyats 5600 ngahna ding lungpho na.
Leitung bup nasem te ni (Mayday) in Yangon om Setyung nasem te in Nikhat daak 8 sung nasep tha man atawm penpen kyats 5600/- kumpi in a ciangtan sak nading leh Nasep nei Company te in apiak nading in lungpho na bawl uhhi. Tua ban leitung bup nasep hun ki ciangtan sa kheng val in nasep na tha man OT thaman apialo kitam mahmah lai hi. Adiak in inn sung nasem te, Ansai te, in ni khat daak 12 hunsung sem uh a, Khakhat khat vei zong thawlngak hun pia lo ASEAN gam sung ah kitam mahmah lai hi. Tua ban ah nasem te tawh kipawl 2008 thukhun te bawl phat ding in tangko kia uh hi.


B. Mon State ah Mon lai hoihtak sin ding'
Mon state sung ah Monlai hoihtak in sin ding in gel uh hi. Hih Mon laitawh kipawl in World education te pan pih na tawh vaiding uh aa, Sangsia te mi khat khasum kyats 50000/- tawh cial zawh ding han ciam na nei uhi. World Education (THAILAND) pan in Patrick Kearn in Mon gam ah Mon lai sin ding thapiak na aneih ban ah' Makai kipawlna nei uh hi. Tua Monlai sin kipawlna vai hawm te in Mon Party pan 7, Siampi 5, leh Siamna ciimna nei 11 kihel uh hi. Mon gamsung ah Sang Sia 800 val om cih kithei hi. Kawlgam sung ah minam khat kampau Khat akizang, akitel State pen Mon state bek ahihi.

C. Zogam sung Census vai May ni4 ah CNACC in thu tangko ding.
Abeisa Kawlgam bup Inn leh mimal kisimna tawh kipawl in May 4 ah CNACC in thu tangko na bawl khia ding uh cih kithei hi. Census encik pawl in Zogamsung ah Innkuan 83621 om cih gambup thuthang tangko na 22 April in kithei khia zo hi. Tua ban ah Sagaing gam sung, Magwe gam sung, Rakhine gam sung om minam pih te kihel nailo te zong kantel na nei uh hi. CNACC in Zogam sung mimal kisimna encik ding in Myonee khat ciang in mi 3 pan 5 dong kikoih uh hi cih kithei hi.

D. IE (Internet Explorer) zat huai lo cih ki tangko.
US in IE ( Interner Explorer) tu laitak zat huai loh na thu tangko kia hi. US-CERT (Com-puter Emergency Response Team) in IE browser bawl khia na hf version 6 pan version 11 sung mi seksol te om uh hi cihi. IE pen"Operation Clandes-tine Fox" min tawh Virus lutding in hacker te in akoih na thu Fire Eye company in zong thukip hi cih thu ko pang uh hi.

 


Comments




Leave a Reply