WWW.TUNGZANGNEWS.COM

 
A. Sxen (China) mite hang in Ukeeng kaamsia ta


Leitung ah leeng theitui, Lenggah tui, Lengmaw tui' Beetui , Haai gahtui cih bang singgah nam tuamtuam tui te abeisa hun in kibawl ahihi. Tuhun nai leuleu teh Sxen ( China) te in itheih ngeiloh na tampi thei in bawl khia thei ahih mah bang in Ukeeng tui cih khat minthang sak dihdih uh hi. Singapore, Taiwan, Hongkong khuapi ah Ukeeng sa pen milian mizahtak anneek pih na ah kizang Sxen ansai minthang bek ah kingah kici ngei ahihi. Tu in Ukeeng asa neek bek hilo in Ukeeng ahingpi in avun hawk in sing gatui' Zu khauh mahmah tuisung ah diahsuk a, asihkhit teh atui hawp cih thukhat omhi. Zomi te in uivomsii leh Zawng khuak sialneek thei in Zuhang sungah gultiisan hingtangpi indiah in asih teh atui dawn tawh kibang pian hi. Gahhing te tungah kitatsiahi ganhing te akaamsia mahmah hi ganhing it leh aheh pih te tungpan kiza hi.

B. Pakistan Air Force in North Waziristan nuaai tingteng

Pakistan Air Forec ( PAF) te in Pakistan Maal gam lam aa ,om Waziristan te gal vanleng tawh Zanhal khat ni in kap nuaai suk tingteng uh a, gamsung mi thau tawi mi 80 si in akimnai om khuapi nih Miranshah Mir Ali leh Boya khuapi te dong in buai na thuak kha uhhi.

C.Mandaly saksiah Laisimbu 3500000 piakkhong hawm ding

Myanmar Maallam gam Mandaly saksiah siamsin sang naupang te Primary pan kipan Middle school dong sang naupang te ading in Siamsin bu 3500000 akhon khawng in kihawm khia ding ci thu kiza hi. Mandaly huamsung ah Primary siamsin naupang 5200000, Middle ah siamsin 310000 om ahih man in Primary ading in laigelhsa bu3000000 kimawk hawm ding cih Myanmar maallam siamsin thusapi nihna U Myo Than in gen khia hi. Sang ap na sumla, Sum gen, Huhna sum te khuanu khuapa tetung ah ngen cih aom leh thu kibawl ding hi ci hi.

Behlap:
Hihbang kici na munsan bel angatpi in pang thei zawsop hi.Chin State ading bel tudong bangmah gen nei nailo in om bikbek lai hi.

D. Aizawl leh Mandaly kikal Bus line taisak ding

Mizoram pan in Myanmar gamsung lut in Mandaly dong Bus line tai sak ding cih thuthang om zo ahihi. Banghun ah kipan ding a, Koilampi tengtawn ding cih kigen nailo hi. Lampi pen Aizawl leh Ciau ahoihsa hi in Ciau pan Mandaly dong lampi hoih nailo ahihi. Ciau pan in koilai mun Ciau kantan ding a, koilai tawn ding, kua Company bus te in mipua ding cih kithei nailo ahihi. Tua man in Census hunlai a, vanleng tual huih ging henhan bang in Zomi te hong kipingpei mengmeng ahih lam theih huai kicihi. Bang hiamcih leh Census pen August kha ah kitangko ding hita ahih man in mipi te in ii ngaihsut phak pakpak loh thu tawh hong kibil nuai thei hi.

Hau Thang

 


Comments




Leave a Reply