WWW.TUNGZANGNEWS.COM

 


A. Zogam highway lampi kisia zel


Khuapi guahzuk kipat hun leh Zogam nuntakna lampi ziikpi akisiat kipan zel hi. Zan hal pan kipan Taigen leh Hiangzing kikal lam pi kiciim zel ahih man in lambawl te in apuahsan laitak uh hi. Tedim leh Ciau kikal zong lampi kiciim hi aa, Mawtaw pai thei peuh leh cih tawh kibawl ziau zel den ahih man lampi hoih zo ngeilo ahihi. Lampung asang pekpek pan acial in bawl suk a, lampi acip loh nading in kibawl zolo, bawl nading sum kicing zeek ding omlo zong hi cihi.

B. Numei van leh Pasal van nei khawm khat ki at sak kisam

Magwe , Min Hla Myonee, Buii Kyi khua teeng Yin Myo Thu kum 9, in Numei van leh Pasal van nei khawm tuak hi. Daai leen sim in Pasal van pan in pai khia den hi. Thayet zato ki at ding pan in Yangon zato ah ki at sak zaw ding hi a, sum kicing neilo in lainat pih te tungpan aki at khom nading panpih na online leh Journal tuamtuam pan kitangko sak na omhi.


C. Turkey Leisung nasep na kiciim mi 250 val si khin

Turkey nitum lam Suangmeihol nasep na ah Khuaphe meitha piakna Transformer puak kham in leimiim kiciim a, mi 250 val si pah uh hi. Leisung ah nasem 787 awk cip uh a, donghuu nasem kisam ahih hang in vui khu lua in leisung om nasem te hot khiat theih nading hamsatna thuak uh hi. Aliam 80 val om uh hi. Dahpih na in ni 3 sung zum khak in Turkey gambup dialpi akimciang bek ah khai ding in tangko khia uh hi.

D. Khunuvum Mualtung National Park ah Gamdang mi tampi pai

Zogam Mualsang penpen Khunu vum mualdawn National park ah kum thum sung in gamdang mi 735 hong zin khin uh hi. 2012 kum in gamdang mi 113 hongpai uh a, 2013 kum in 460 hong zin uh hi. Tu kum sung March kha bei dong Khathum sung in 162 hong pai khin zo uh ahihi. Kumsim in gamdang mi atawm pen 500 kim hong zing ta ding hi cih Mountain Oasia Resort Hotel nei pa in gen khia hi. Khunuvum National park pen eka 176, 300 zai in tuipi pan in 10 500 ft sang hi. Khuavot mahmah in meeilum kai liailiai a, gamsa nam kim' paak nam kim om in Gamdang mi te'n muhnop sa mahmah uh hi. Hotel nei te'n in agen na ah uh Gamdang mi sumhau te in Zogam ah asum uh hong puakpuak nading kiim leh paam kep siam kisam hi cihi. Lampi om hileh Lennupa leh Lunglenkol acih nazong laibu sung asim kha gamdang mi te pai nuam uh cihi. Rih pen India lam pan pai leh nuam zaw sa uh hi cihi.


Hau Thang



TZN

 


Comments

04/23/2016 18:05

I want to learn this language soooo much!

Reply
07/20/2016 03:49

his is my first time i visit here. I found so many entertaining stuff in your blog, especially its discussion. From the tons of comments on your articles, I guess I am not the only one having all the leisure here! Keep up the excellent work.

Reply



Leave a Reply