WWW.TUNGZANGNEWS.COM

 


A. Bangala- Myanmar gamgi ah Kawl palik that

17 May zing lam daak 9:00am kimpawl in Gamgi suangphuh No. 53 mun lam ah Kawlgam palik Bo Nwe Oo Muang makai in Bandula camp pan apai khiat zawh minutes 20 hun in ngal leh lam ( Bangala) pan in thau tawi pawl khat in khuvit in nuai kap uh hi. Tua mun ah palik bo Nwe Oo Muang avei lam kawng pan thau tang in khalet a, Anung zui Palik Thi Hah Aung, Hla Min Thet, Win Min Htwe, Nay Lin Oo teng aphual ah sipah uh hi.

 

B. Tonzang TEO zum vai Kuazaw thukisit, Kuazaw zaakhia ding

Tonzang khuapi huam Towmship Education Office zum 19 May zinglaam in meikangtum na vai in kua halhi ding mei koipan kipan cih palik ten kan san uh hi. Amanpha laibu leh file khempeuh vuutsuak hi. Hih thu vai in kuazaw thu kisit in kuazaw zaakhia ding cih kithei nailo hi.

 

Kumpi in siamsin sangnaupang te laigelh loh bu pan kipan laikung dong in akhawnkhong in abeisa hun in hawm khia ding ci ahizong in Zogam leh gammong mizawng taktak namun ah akhawn khong kitam hawm lo cih kiza hi. Tua ban ah sanglut manhding akisam lopi tak in khuapi pawl khat ah sum tampi lak nahang in Siamsin uk thuvan te leh khuanu khua pa te lungsim ki eel puaktuak na om hi. Tanli nuaisiah genloh Tan nga pan Tan giat kikal laibu laikung akhawng khong hawm khiat ding vai in tundong zekai sak lai ahih man in Kumpi vai hawm bang in anuai siah Siamsin uk thuvan te'n nasep hoih sem nailo hi cih gambup mipi in phunsan na om hi. Sang naupang te siamsin ki ap hun naita in aki ap hun in Sangsia ten sum amawk don leh tungsiah ah kiko to thei hi cih Education Department Director U Min Zaw in tangko khia zo hi.

 

C. Kawlgam mi khat tungpan Zaakaang kg 4.2 kiman

Thai gam Mesai khua ah Kawlgam mi khat tung pan zaakang 4.2 kg Bat sum 12 Million val aman ding kiman hi. Meisai Paoyang veng om inn khat ah thuzakna tungtawn in Thai Palik te in 18 May nitak daak 8:00 pm sat khit in avaluh uh leh Nai Aung kici kum40 inndei sung pan in zaakang mu khia uh ahih man kiman pah ahihi.

 

D.President's Interview with International Students

Gam tuamtuam pan in pilciim siamsin akahna Japan gam International Hiroshima University ah President's tawh thukidotna kimuh kopna Interview ding in Sangnaupang te kitel khia aa, Sang naupang tampi te lak ah Kawlgam ai awh in miguk lak ah aki hel sung pan Zomi Hau Mang kitel khia hi. June 3(Tue),2014 18:00-19:00 ni hun in Hau Mang leh President's kiho bawl ding uh hi.

 

E. Kawlgam sung kiukna leh Thukhun vai Lungphona omding

Daw Aung San Suu Kyi leh Ko Min Ko Nai te in Bo Sein Maan Tualpi (Yangon) leh Aung Peelee tualpi ( Mandaly ) ah 2008 Kawlgam thukhun puahphat bawlphat ding vai in thugenna nasiatak in bawl uha, mipi in tha ngah mahmah ahihi. Tua thuzom in 27 May 2014 Zinglam daak 10;00am in Yangon City hall mai ah mipi lungphona omding ahihi. Myin Thian myo leh Lahpohtaa myo in zong Yangon hun lian in lungphona bawl ding uh hi.

 

E. Nu omloh kikal a, apianna Pa tawh amawh nungak in apa ngai

Kum 46 apha khin ( mingenlo) papi khat in Malaysia gam Kajang khuapi ah ainn sung ah anupi (Azi) omlo kal in atanu kum 21 pha khin tawh ommawh khawm zelzel uh ahih man in Atanu in nuamsa lua in anu omloh kikal in apa ngai mahmah hi cihi. Khatvei apa neu sammet nasai ah nungak nu valut kha hi. Apa neu phone battery bei ahih man in Nungak nu phone khawm pak in midang khat hopih ding acih leh Nungak nu phone ah apian na apa in lim tuamtuam akhak na apaneu in mu kha ahih man in apa neu in Palik te ko a, a U pa mansak hi. Thu akidot ciang in apa in atanu tawh kum 18 pan kipan ommawh khawm den uh ahih man in ata nu ngai dan ahihi . Tu in Pohmah 376 tawh apata un kiman uh ahihi. Gilbeem ah kum 6 pan kum 20 kia thei ding cihi.

 

Hau Thang

 

 


Comments




Leave a Reply