WWW.TUNGZANGNEWS.COM

 
Thuthak Tomkimcing 20 May 2014

A. Dahpih na' (RIP)

Rev. Dr. S. Pu Pau Khan En (President of GZA)' pum langkhat ahi Sianu Pi Zen Kho Do in 2014 May 20 nikai daak 5 pawlin Asia Taw Win pan in a nuntakna hu hong beisan hi. Tua mah bang in Malaysia ah zong Pa On Khan Kam Thang kum 50 ( An langh ) in zong ainn kuanpih leh khualeh tui mite nu sia in van gam hong zuatsan hi. Pa On Khan Kam Thang 21 May 2014 zinglam 9:30-11:00 ZAM hall ah hun nunung zatkhop na nei ding hi.

 

B. 8th' ASEAN Defence Minister's Meeting

A (8) veina ASEAN kivenhuh Mangputal meeting 20 May 2014 Myanmar gam Nay Pyi Taw ah bawl uh hi. Myanmar ai awh in General Wei Lwin zong meeting kiheel hi. Meeting 8:00-11:45am hungsung aneih khit teh 17 may in Laos gam ah vanleng tawh akia Ltd,General Douang chany Phichith dahpihna bawl uh hi. Tuazom in Kumpi Thein Sein om na zumphual va pha uh a, zahtakna va bawl uh hi.

 

C.Letpadaung ah China minih kimat vai in Palik nih liam

Letpaduang project huamsung om SeGyi khua ngei ah Sxen ten nih in huih bangzah niin hiam cih ateh uh leh khuami te 20 in um cih in 18 May in man uh a, Siamsin na sang ah khum uh hi. Nitaak daak 6:20pm hun in Mawtaw hawl pa khah khia in Sxen te nih akhum amatlai nahang in Palik te ahon khia ding in va kuan uh hi. Khua mite leh Palik te kibuai uh a, Palik Sein Myint leh Kuang Myat Thu liam in zato tung hi. Khua mite'n palik te zat mawtaw 5 leh Cycle 12 denzan nikneek sak uh a palik teng gual lel in ciah kik sak uh hi.

 

D.Thai gam thu neihna galkap te'n la thau ging selo

Abeisa kha tampi sung Thaigam kiukna kitokpoi na teng Thai galkap te in tawmvei Martial Law tawh thuneih na 20 May 2014 zinglam in buluah uh a mun thupi pawl khat umcih in la uh hi. Tua mun ah bangmah thusia piang se lo in Naupang te naleng Thai galkap te thaupi tung khawng ah lungnuam tak in kimawl sak in dai mahmah hi. Sisan luanna, khitui luanna, kahna kisat kivuakna omlo cih kiza hi.

 

E. Zolai sinna Sangtuah pawi kibawl

Zogam Tedim khuapi huam Huapi khua ah abeisa Kalnih sung in Zolai sinna nei uh hi. Tua sung ah Zolai sin siamsin sang naupang 90 pha uh hi. Nuamtak in sin thei uh a, Nuamtak simthei gelhthei uh hi. 18 May 2014 Sangtuah pawi bawl uh hi. Sang Naupang te pawi man khit teh Laipian Pau Cin Hau in kum 15 tawntung natna pan damna angah na gamdaih Pasian paaina abawl namun Ngennung gamsung suangphuh mual ah pai uh a lungdam koh na bawl cih kizahi.

 

F. A haa tang 20 akizom in abot khia nu si

USA gam ah kum 64 apha khin Judy Gan kici tanih neisa pi teek khat in Connecticut state sung om Doctor Rashmi Patel kiang ah a haa akizom tak in tang 20 bot khia sak hi. Tua leh piteek nu si miau ahih man in 18 June 2014 in Doctor Rashmi Patel thusitna thudot thuak ding a license kumpi laksak thei ding kici hi. Doctor ahuh Nurse in 911 asap hun in Gan tawmtawm nak litlit lai hi cihi.

 

Hau Thang

 


Comments




Leave a Reply