WWW.TUNGZANGNEWS.COM

 
Thuthak Tomkimcing 25/26/27 May 2014

A. Kawlgam ah aniam pen nasem te nikhat $ 10 ngahlo

US phualpi sat Research and Markets te in kawl gamsung ah mimal sumlut zia te encik uh hi. Sumlut zia en cik te in nasep zia nam tuamtuam te ahi Gan khawina , Lou khawhna, Bus, Taxi, te tawh khual zinmi puakna, Pilna lam, Sumzon nalam, Tha ngah na leh tha neem na en cik uh a, aniam mahmah nasem te in nikhat in $ 10 nuai vive bek nasep thaman lut bek in mu uhi. Tuaman in cidamna, pilna, leh adang nasep nate ah zekai den in mu hi.

 

B. Azi tawh a muanmawh mi thum heipi tawh to in that

Tonzang gamsung ah lokho akuan Madam khua mi Hau Khaw Pau kum 44, Khampat khua mi Veng (3) teeng Lun Cin Thang kum 61, Suangphut khuami Tuan Khaw Lian kum41 te 24 May pan in lou khuan na lam ah hingman uh hi. Hih mi 3 aman teh Madam khua hausa pa Zam Khua Sei in Tonzang palik ko in gamsung ah azon uh leh asi sa in mu uh cihi. Asihna thu in Madam khua ah Tuang Khaw Zam kum 33 in azi tawh hih mi 3 muangmawh ahih man in gamsungah hei pi tawh 23 May 2014 ni tolum ahihi cihi. Tuang Khaw Zam Tonzang palik te man hi.

 

C. Kalay Santa han thuah vai ding BEHS No-4 ah thu nget om

Kalay santa han kituahnvai ding tawh kipawl in BEHS No.4 ah kawl phungyi lian teng makai in zinglam daak 8:00 hun thu kimop na nei uh a, nitaklam daak 2:00 pan kipan misi kha te mawtaw tawh han thakah nawn/puak na kipan uh cihi. Hanlui Santa ah nasia tak in misi te kiang thugen a, Kuamah khasia kei un kumpi in na omna uh kituah ding ci ahih man in na kituah uh kul ding hi. Naguh Nataang uh dam in hong kipua ding in tu in minsap ma saksak mawtaw tung na kah un ci in misikha pua khia cih kizahi.

 

26/ May 2014.. Thuthak tomkimcing

A. Singapore ah innsang nih kizop leii kibawl te tuibualna hipah

Singapore' Sky Habitat Bishan kici Condo ah inn dawl 38 asang in kilam hi a, 2015 ah zosiang ding uh ahihi. Hih innsang nih te inndei 574 om in hi a, Isreal- Canadian Architech Moshe Safdie design ahihi. Inndei khat sungah Lupna thum leh kisilna, lengna inn dei , Anhuanna, tui leh mei kimtak in koih uh hi. Innsang nih hi-in tui bualna akibawl mun sangpen leii ah dawh uh a, leitung ah Swimingpool asang penpen in kiciamteh hi.

 

B. Anaconda kici Tuipi sung ah lianpen gulpi

Adung asauna 20ft val asau, agihna 200 pound apha Anacondo kici gullianpi khat Brazil gam gunpi sung mun khat ah om hi. Animal Planet te pawl in video leh maan in nazaih kha uh hi. Gu neilo nam ahih zenzen hang in hat mahmah a, alian mahmah ganhing te nomvalh ziau zo ding in golpi'n golbenban ahihi. Animal Planet pan nasem Mr Jeremy Wade in lamet loh pi in mukha tuakkha a, amahzong lauvetlo in Maan leh Video zaih in haksapi tak in tuisung ah nasem hi cihi.

 

C.Kum 9 pha numei khat phekap na pan aciah teh kibuan

23 May 2014 ni in Yangon Myuokalapah ah Numei no khat in nitak lam in kawl biakna siampi lian te an puak in vaipai ahihi. Aciah lam teh innciah suak lo in alamkim ah thaikap/phekap kimawl te mu in tua mun ah muhnopsa in a en in tu thapai ahihi. Zan 11:00pm hun teh a ihmut suak in inn ciah nuam a, amah guak lah lau in ciah ngamlo ahihi. Phekap kala( Vaimi) kum 20 khat in hong kha ning ci in numei no nu tonpih in vakha hi cihi. Tua leh lamkal atun teh Vaimi pa in tua numei no buan tingteng in aman teh sum kyats 200 pia cihi. Tua nitak in Vaimi pa taimang in tudong kiman zo nailo cihi.

 

D. DKBA Galkap mang khat inn' Kawl galkap ten thumvei luh

Bayaatungso ah DKBA galkap mang Saw Aye One omna inn sung abeisa 12 May nitak daak 7:45 hun in Khalahyah 32 te in mawtaw nih leh galkap 20 tawh kuan in galhiam tawi sa in bu luh uh ahihi. February 11 leh March 19 ni zong thakhat in lut in luh uh a, tu in athumveina hi ta ahih man in DKBA galkap mang Saw Aye One in zong lungkim loh na Nay Pyi Taw ah galkap zumpi ah lai akhiat hang in thuk kikna om nailo ahihi. Upmawh dan in KIA, leh TNLA te kap nawn lo in DKBA tawh kikap theihtheih nading aphinphin tawh kibang pian kici hi.

 

25 May 2014. Thuthak Tomkimcing

A. Kawlgam siamsin sang ah lu tunneinai sang naupang kideihlo

2014-2015 Siamsin nasang kihong baih ta ding ahihi. Abeisa hun in Kawl gamsung muslim tezong sang kah uh hi a, alutun sa vive in Yangon, Tongo, Mandaly, leh Rakhine gamsung ah tam mahmah ahihi. Tukum teh lutun neeinai sa in sangkah sak ding sang lut sak ding mipi pawl khat in deihlo in phunsan in a ciakciak khin zo ahihi.

 

B.Leitung an aliim pen te ah Mohhingga kihel

USA aminthang thuthang tangkona New York time in leitung ah akine anliim nam tuamtuam agelh na sung pan in Kawlgam sung khutman pan apiang akibawl Mohhingga zong kihelsak hi. A kihel na athu in bangci hiam cih leh azawng ahau in duh kim, khumlua omlo, allua omlo, sathau tam kihel lo $ dollar 1 tawh gilvah in kine thei, an nam ahih man in atawm man leh aliim mahmah in minthang ahihi.

 

C. Ooredoo Myanmar in thudiktel genna

Ooredoo Myanmar in 25 May 2014 ni in Yangon ah thudiktel genna thuthang kan te tung ah pulak hi. Ooredoo Myanmar CEO Mr. Ross Cormack in August kha sung nikalthum na kim ah phone line te ki ngah ta ding a, ciangtan omlo in deihzahzah kingah ding ahihi cihi. Khat te kyats 1500 /- in kilei thei ding ahihi ci hi.

Thuumna; Ka computer Windows kia in nikizom lai kigelh theilo ahih man in laisim te tung ah kongthuum hi.

 

Hau Thang

 


Comments




Leave a Reply