WWW.TUNGZANGNEWS.COM

 



Thuthak Tomkimcing 29 May 2014

 


A. Media nasem te ading alemtang mahmah iphone 6


 
Tuhun phone hoih ahih nak leh Media nasem tuam kiom tuanlo in hoihsak tek online ah tung pahpah hi. Tua man in mikhempeuh in aliim , athu, video tawh amanlang in media nasep na anuam semsem ding in iphone 6 Design 4.7x5.5 tu kumsung in 80 million bawl khia ding uh a , August kha teh mi khempeuh leitheih ding in zuak khia ding uh cihi.

 

B. Lyaing taya - Henyada meileng lampi leitang manh kipia

Lyaing taya- Henyada kikal meileng lampi ding kumpi in innmun logam asuhsakna munteng mipi te tung ah leitang manh sum Kyats 4 Billion pia ding ci'n Union Minister Mangpultal U Than Htey in gen khia hi. Leitangmun eka 1500 kiim pha ahihi. Zogam kaladan gun project ah leitang manh ding tudong Chin state MP te'n bang mah gen khiatsak minam te ding bawlsak nailo hi.

 

C. MP U Htey Myint neihsa Yuyanah Company in Kachin gam ah leitang eka 300000 mawk lak ,mipi sinso na piang

2007 kum in Yuyanah Company in Kachin Huukawng zanglei kuam eka tulzathum anei te phalna omlo in thunei te tawh kop in mawk laksak ahihi. Mun leh gam nei mimal 250 lak ah 120 in 2010 pan kipan in lungkimloh na kipan in aneihsa leitanguh ngahkik nading hanciam uh hi. Hih thutawh kipawl in Yangon Myanmar Media Library ah 28 ni thudiktel genna nei uhhi.

 

D. Zogam ah mun thupi thum innmun kah thei ding

Zogam ah tembaw khawlna ding akinei Paletwa khua Kaladan gun piau kiim teng, Rih khuadak leh Rih mun kiim teng, Khaikam khua / Taikua kiim teng innmun manh kah thei ding kicihi. Khaikam khua pen University leh Setmuhyung tawh kinai in Zogam ulian pawl khat in munnei khin kici hi. Paletwa leh Rih ahih leh Hotel minthang alam nuam pian te in kigin kholna tawh mun zong cih kiza hi.

 

E. Pakistan om Taliban te khennih kisuah in kitaam

Pakistan gamsung om Taliban galkapte sum leh galdo navai in thu kihual tonkhawm theilo uh a, Khen nih kisuah uh hi. Atai khia te Pakistan kumpi tawh kilemna bawl sawm uh a, Taliban bulpi te'n kumpi mah mungtup nei in do veve ding sawm uh cihi.

 

F. Nu leh Pa deihsakna omlo Pasal nei nu suangtawh denglum

Pakistan gam ah Farzana Parveen kici numei khat in Nu leh Pa phalna omlo in Pasal nei ahih man in anu leh pa te'n mipi muh in suangtawh deng in that lum uh hi. Farzana parveen asih in agilsung ah nau om khin hi a, kha thum pha zo hi cih apasal in BBC thukan te tung ah gen khia hi.

 

Hau Thang


 
 


Comments




Leave a Reply