WWW.TUNGZANGNEWS.COM

 


 
Thuthak Tomkimcing 30 May 2014

 


A. Lotdaw thu kikupna lianpi Kha sum khan dingvai.


 
Gam leh nam ading thu tuamtuam Naiganyii Politic ki akupkup uh teh Parliament kha sum lawhcin vai zong kihel ahihi. Tu laitak Parliament khat in Kyats 3,00,000/- hi in Meeting kahsim nikhat Kyats 10000/- ta ngah beh uh ahihi. Khuavel dinmun tawh etciang in 300000/- pen $ 300 bek hi lawm lawm ahih man in makaihbu (မကိုက္ညီပါဘူး) ci ahihi.

Nidang in Parlaiment khasum 300 hi a khamh (shwe )cikal 3 lei zo ahihi. MP kha sum in Shwe cikal 3 leizo ding kisam hi ci uhhi. Mipi te nikhat tha tawh kalkhat (one week) khuasak theihna te khualvel din mun ah zong makaih siam kisam hi. Gampua om Bangmah theilo khat in nikhat nasep tha tawh kalkhat nungta thei hi. Gam mi hihna anei te kalkhat nasep tha tawh innkuan nitak khat kivak zo nailo ihihi.

B. Unau numei nih miseksol te'n abuan khit teh gui awk uh.

India gam Ultar Pradesh ah Unau numei nih singtung ah ki guiawk sa in kimu ahihi. Hih Unau nih te kum 14 leh 15 pha khin tuak uh ahihi. Hih Unau nih te namneu mi nam te hi uh a, a ommawh pih mi 5 pha in India Palik nasem vive hi cih' khua mite'n gen khia uh hi. Palik 3 te nasep khawl sak khinta uh hi.

C. Khut nih neilo napi'n tha hoihna alak siam Barbie Thomas

Kum 37 apha khin Nupi tanih nei Barbie Thomas in leitung thahoih kidemna te ah kihel zo in minthang mahmah hi. Ama khut te anih tuak in neilo hi a, annek hun kisil hun leh puan kilaih hun teh hamsa pipi in akhe te zang in ankeu te tawi in nasem mahmah ahihi. Kimawl uk mahmah in tha hoih na kidem sialsial in kihel tawn tung hi. Khut nih nei te mahbang in tha hoih mahmah na lakkhia siam mahmah hi. Pasian hongpiak nuntakna tawh khut nih nei te mah bang in ka tha hoih hi ka kipaak hi ci hi.

D. Yangon Dagon Seih kaan ah mipi teenna inn kishusia leuleu.

Yangon khuapi Dagon Seih kaan veeng 67 ah teeng inn 20 val tuni ainn uh kishuk siat sak niknek leuleu ahihi. Ashu sia te kumpi lam te hi cih mipi te'n gen khiauh hi. Yangon khuapi ah innsap zolo in khua nawl ah teeng te uh hi a, Gua beek teenpeek leh khuan in zaang in innlam in ateeng uh cihi. Alaih sakna ding kumpi in bangmah gen selo nailo in inn neilo in koih cip uh hi.

E. Depaayin buaina kum 11 cin na kibawl.

NLD -Daw Aung San Suu Kyi leh U Tin Oo te gam leh nam ading in avak kual na uh pan Depaayin ah 2003 May 30 ni in tuahsia in mi 60 val in sih lawh aa, 90 val liam na nei omngei ahihi. Hih buaina tawh kipawl in kum 11 cingta hi a, misi sayin kikan lo ban ah NLD in Kyinkhaiyee te mawhlawh puak sak hi ta mah leh USDP makai lam te in athu aki kankna mah ahihi cih san uh ahi. Asi aliam te ading in kumsim May 30 in citpiak na kibawl den uhi.

F. Pugam( pagan ) ah Khualzin mi kha nga sung in Tulsawm val.

Myanmar gamsung ah taangkhua khat in akiciam teh Pugam ( Pagan ) ah abeisa kum2013' kha nga sung sang in tukum khanga sung ah Khua zinmi leitung mun tuamtuam pan hong pai tulsawm val pha khin zo ahihi cihi.Abeisa kum 2013 kum in kha nga sung ah 95505 pha in tukum 2014 kum sung May kha ciang 10,8817 pha khin zo ahihi cihi. Hotel nei te sum lut mahmah ta hi.

 

Hau Thang

 


Comments




Leave a Reply