WWW.TUNGZANGNEWS.COM

 
A. Kawlgam mei bawl nading Pound 1Million huhna ngah


Kawlgam sung ah khuaphe meibawl nading in Britian in Pound 1 million val huhna pia cih Kawlgam tawh kisai Britian gampua Palai zum pan in May 2 in theihsak na nei khia hi. Britian leh Asia Development bank te lungtuak thukim na tawh kizui in 2015 ciang mei tawh kipawl hawm leh gelna zat ding 1.026 Million huhna ah tampi khantoh pih tuam mahmah ding hicih Gavin McGillvrayin gen khia hi. Hihsum pan Zogam ading bangzah kawl kumpi in amaltak ding kitel nailo hi.

B. 914 code zanglo minkhumna Bangali Census bawl kik ding

Tu May kha sung in Bangali te in 914 code zanglo in min khumna bawl kik ding cih Ministry of Immigration and Populatian in thu pia kik hi. Tua bawl kik na ding ah dotna 40 hi cing a, Minam dotna ah Rohinya dotna omlo ding hi cihi. 914 code zanglo misimna hi in code neilo taktak cihna hita hi.

C. Kalay ah Petrol Man khangkik

Kawlpi ah Petrol mankhang kik hi. Litter khat 1100, khang in Galan khat ah 5100 kah to hi. Kumpi in Litter khat te 850 leh galon khat ah 3300 in kizuak hi cih thu thang agelh, acihhang in hihzah in leina ding omlo kicihi.

D. Malaysia leh O, Card leh Pu

Malaysia Kuala lumpur khuapi Mentary Court ah 3 May 2014 ni 10:30 pm hun in F leh G Block ah miman thei Talvom te lut in lorry 3 dim pitphet Mi pua suah zel uhhi. Amat nop taktak uh pen Mivom te mah ci zel hi. Vanleng neu te tawh atunglam pan in mei det suk uh a anuai lam pan in talvom leh Nu vom in mong mat zel uh hi. Vai khempeuh 1:30am hun in man bawl uh hi. Home cell kibawl pawl khat ah zong lut kha in bangmah acih sam loh ahih hang in Zan nasem hongciah Zomi pawl khat mat tuak kha om cih kiza hi. Bangzah kiman cih kithei nailo cihi.

E. Kum 6 sung ngabeng te kiang a kizuakpa a inn tungkik

Kum 11 aphak hun in Thai gam Bangkok khuapi pan akizuak Mg Tun Lin tuipi tung ah kum 6 sung thaman ngah lo nasem in Agent te'n azuak hi a, Kawlgam mite huhna tawh tai khia sim thei in Mesai tung thei hi. Tua pan in Myawady leiipi tung ah khuakha heihei kawm sa apaipai leh Cycle tungtuang mikhat in Lawm' pai nading na thei maw ka nung hong zui in cin sam a, Myawady Genvai makai U Hla Tun kiang puak ving veng hi. Tua pan in U Hla Tun in Anu min Apa min leh apian na khua hoihtak dong thei a, Mandaly khua suak hi in U Than Win tapa ahih na hoih tak a gen theih ciang in Mandaly U Than Win apa kiang puak uh a, Cidam tak in tung in apian na pa tawh kimu kik thei hi. Mg Tun Lin Kum 19 pha tahi.

Hau Thang




 


Comments




Leave a Reply