WWW.TUNGZANGNEWS.COM

 
Tulaai Leitung Thuthang Tuamtuam Updates May 10, 2014

·      May 10, 2014 ni in Zomi anuai abangteng in USA gampan Lukhu neelkaai ongngah uhhi.

1.Tg Dr Vungh Khan Mung (MBBS, MDY) in Oklahoma University pan MBA Honors tawh ongzo thei hi. Amah peen Pa Dai Lian Pau tapa hi a Apu Thawng Za Vungh peen Buanli khua ah Tapidaw asuak masa peente ahihi.

2.Lia Mary Cing Kham in Tulsa University pan in Bachelor of Art in English,BA leh Minor in Linguistic and Music tawh gualzawhna ongngah hi. Sanggam nu Mary Kham peen Phamsa Zuapa Dr Cin Do Kham tanu hi a Saaipimual khuate ahi uhhi.

·      Kawlgam Election Committee te in kaalhelh kiteelna By-election bawlnuam kuanta uh ahihman inMay 15 niciang Yangon khuapi sung a om Sky Star Hotel ah party 65 tetawh kimukhawmding ci in May 10, 2014 ni in taangkokhia uhhi.

·      ASEAN lubok te khawmpi Nypidaw khuapi ah May 10, 2014 ni in nuamtak in kipanthei in zothei uhhi. Kawlgam innteek ahihman China vaai kitamkup theitam maw akici kawmkaal ah China leh akiim gamteng buaina China tuipi vaai kikum thei uha, thukimna khat ngah thei uhhi.

·       Ukraine gam nisuahna lam a om Donetsk khuapi leh Luhansk khuapi te ah Russia deih thautawi te makaihna tawh May 11 ni akipan gamtuam saatvaaiding mipi lungsim laakna kipanta ding ci in May 10, 2014 ni in taangkikhia uhhi. Ahizong in himun teng nasiatak doding ci in Ukraine kumpi te gen uha, langnih kikapna zong omzeuhzeuh hi.

·      Tutna zaliatna pan akituankhia Thailand Prime Minister Yingluck Shinawatra  apanpih pawl a hi Puansan silh pawl ci in akithei phadiak mipi te atulsawm lom a sim Lungkimlohna lakding in May 10, 2014 ni in Bangkok khuapi kiimteng ah kikaaihkhawm litlit in khuapi umcih litlit ta uhhi. Yingluck leh apawlte adeihlo pawl in zong Bangkok khuapi sung ah lungphona aneihlaaitak ahihman in hih group nihte ongkituak leh oh hoi!

·      Nung kha sung a Indonesia a kipawl Parliamentary Election  azo alel taangkokhiatna Election committee te in May 10, 2014 neita uha, tulaaitak kumpi seemte alangdo ahi Indonesian Democratic Party te in gualzawhna ngah uhhi. Ongtungding Jun 9 niciang President kiteelna omleuleu ding ahihi.

Nu te thupha mikim tung ah ongtung ta hen!

Lungdam ei

Thang Khawm Pau Zomi 

 


Comments




Leave a Reply