WWW.TUNGZANGNEWS.COM

 
Tulaai Leitung Thuthang Tuamtuam Updates May 12, 2014

·      Yagon khuapi leh Madalay kikaal khualzin na lampi liantung ah May 12,2014 ni in Bus pi khat kibung a mi 14 si in 29 naakpi tak in liam uhhi.

·      New York khupi USA gam ah kibawlding Tualsuak minam te tawh kisai UN thukikupna May 12-23 nidong kibawlding a , Zomi leh Mon minam te kahding a , Kawlgam sung a minamte thu sungding in 8888 makaai U Min Jayja zong kahding hi.

·      Kilemna thu kikumding in Kawlgam kumpi lam leh KIA makaai te Mityina khuapi May 12,2014 ni in tungziahziah ta uha khua nu khua pa te in lungdamtak in namuak ziahziah uhhi. KIA lampan Pu Go Mung ( Gum Maw ) leh makaai pawlkhat zong tungkhin ta uhhi.

·      KNU makaai pawl leh Karen mipi te, Karen minam party tuamtuam te Pha-an khuapi ah May 12 ni in kawlgam gamthu tawh kisai, kilemna tawh kisai thukikupna nasiatak nei uhhi.

·      Kawlgam a kibawl Asean lubawkpite khawmpi ah May 12 ni in China gam leh akiim apaam buaina kikum napi uh in khauhtak in agensia ngam omlo ahihman in Vietnam leh China gamgi buaina ah Vietnam te guallel ta ci in China Foreign department te in May 12,2014 ni in taangkokhia uhhi.

·      Ukraine gam nisuahna lam Donetsk kuamteng Ukraine gampan paikhiat ding mipi deihna alaakna uh a 89% bang in paikhiatding thukim ahihman in Suahtaakna ngahta in Russia gam I gamkee khat hita hi ci in Russia deih makaai Denis Pushillin in May 12 ni in taangkokhia hi.

·      Nigeria gam ah April 14 ni a  kiman sangnaupang numei no 200 vaalte Kamite namat te uh nongkhah uhleh kakhahkik ding uhhi ci in Boko Haram migilo makaaipi Abubakhar Shekau in Piantit thukizaakna tungtawn in Video tawh May 12 ni in taangkokhia hi. Tuaban ah amat uh numei note Muslim lukhu khusak in Christian pan Muslim kasuak khinta uh cih Muslim lukhu khu ngeungau sa in thugen sak se laai hi. EU leh US misiam pawlkhat bel ahonkhia ding in Nigeria gam tungkhin uha Vanlam tawh zong san uhhi.

·      Thailand gam ah Kumpi deihpawl leh adeihlo pawl in May 12 nipan Bangkok khuapi sung ah lungphona neituak uha anihtuak un tai 9 bek kigamla uh ahihman ong kimat le uh tualgaalpiangding ci in mipi te lauthawng mahmah uhhi. Hih thu hang in sum zon sumzuakna kia mahmah a kawlgammi pawlkhat zong ciahziahziah uhhi. Thailand gam ah hibang buaina hang in gaalkaap kumpi in thuneina 18 vei la ngeikhin a tutung a peen ahih theih mahmah nawnloh mateng taangkeisam nung ci in genkhia uhhi.

·      Leitung ah Meetang tam kikhiapeen gam  ahi India gamte I kiteelnapi atawpna ni May 12 ni in  tawmkhat abuaina India gam tawlam ah mipite in mee khiathei uhhi. Tu niciang upmawhna ah BJP party in gualzawhna ngahding in kilam en hi.

·      April 16 ni a kibung South Korea tembaw naseem 17 lak ah mipi adon na  hang a asi mi 3 te South Korea kumpi te in gaalhaang ci in May 12 ni in ciaptehna kipsakna leh pahtawi na pia uhhi. adang 14 tebel mipi taaisan uh ahihman in honkhia uha thong ah khumsuak uhhi.

·      Yemen gam taw lam a kibusa Al Qaeda migilo te Yemen kumpi te in gaalkaap thatawh ado laaitak May 12 ni in US Vanleeng ahawlpalo te in anawlpan nazial a Al Qaeda migilo 6 kigozo ci in Yemen kumpi te in taangkokhia uhhi.

Lungdam ei

Thang Khawm Pau Zomi 

 


Comments




Leave a Reply