WWW.TUNGZANGNEWS.COM

 
Tulaai Leitung Thuthang Tuamtuam Updates May 14, 2014
·      Rev. Nang Sawm Piang, Principal, Tedim Christian College, Yangon, in Doctor of Theology (Old Testament – Thuciamlui Lai Siangtho) program a beisa 2013 kum in Asia gam Lai Siangtho sangte lak-ah ahoihpen khat a kigen Trinity Theological College (TTC), Singapore pan in zokhinta hi. Tua hi a, May 17, 2014 (3:00 PM) hun in a 64 veina TTC Graduation Ceremony (Boih Piakna) ah lukhu neelkai lakna nei tading hi.

·      Full Gospel Assembly International Pawlpikem ahi Rev. Dr.Dam Suan Mung leh Rev.Vung Za Niang (FGATulsa Pawlpi kem) te sungpan piang,unau thum lakpan a upen zom Tg.Vungh Suan Khai @ Khaino in abeisa May 12,2014 ni-in Oklahoma State University (OSU) panin, Bachelor Of Science Degree in Mechanial Engineering tawh gualzawhna hong ngah ahih manin lungdampih na i pulak hi.Sangtuah pawi pen Tulsa khuapi sung The Pavilion Hall sungah nitak nai 6:30pm-9:30pmdong thupitak in kibawl in,tutung in kawlgammi(Zomi) sungpan amah bek ongki hel kha hi.

·      Rakhiang gam Maungdaw khua nawl ah Bangladesh gamlam pan ongkipan Rohingja minam thau tawi pawlkhat leh Kawlgam gaalkaap gamgi cingte May 13 ni  in minutes 15 taang kikaap uha, aliam abaai omsamlo in Bangladesh gamlam ah taaikik uhhi.

·       Malaysia gam sung a Passport neilo naseem a om Kawlgammi te lungmuang tak a omtheihna Card piading in gamnih kithukim khin a June kha pan Kualalumpur, Jahor,Penang,Petaling khuapi te ah card piaktheih nading zum kihongding hi ci in Home Minister Ahmed Rahit in May 14 ni in genkhia hi.

·      Mualtung mi thautawi kilemna vaaihawm pawl NCCT leh China Palaai Wan Yin Fan May 14 ni in holimna nei uh a, China te in Kawlkumpi leh Mualtung mi te kilemnading ah panpihding cih leh China gam a leet Kachin gaaltaai te huhding in Mr Wan in kaciam pia hi.

·      China te in South China Sea sung Vietnam tawh akituh namun vuah meitui atawhna hang un Vietnam gambup ah China muhdahna lungphona nasiatak in May 13-14 sung nei uha, China mite Vietnam gampan hawlkhia in China te neihsa company 12 haltum sak uhhi. Vietnam gam sung a om China mite khuaveng Cambodia lam zuan in taaikeek uhhi. Hih buaina hang in May 14 ni in China nasemmi khat si a 90 liam uhhi.

·      Turkey gam Istanbul khua khanglam Soma khua a Suangmeihol tohnakhuk puahkhapna hang in misi 274 kimuta a  adang 120 kiim lei in vuknelh laai hi. Hih mi 120 te hinglaai khading in kilam en ahihman in kumpi thunei te in naakpi tak hotkhiat ding ahanciam laaitak uh ahihi. Turkey taangthu sung ah ahuaisia peen puahkhapna leh mi tamsi peen ahihman in nithum sung dahna lahna in zum kikhak mang ding in PM Recep Tayyip Erdogan in May 14 ni in taangkokhia hi.

·      Thailand gam ah PM lui Yingluck kituan khia in PM thak Yingluck party mi mah kikoih ahihman in hih party pan hilo in nautang pan PM thakkhat akikoih nading in kumpi langpang party te in Bangkok khuapi sung a om PM zum kiim ah lungphona zomto suak uhhi. Hih mipi te lungphona mun ah May 14 ni in bomb leh thau nasiatak ging ami 3 si in 20 vaal liam uhhi.

·      April 16 ni South Korea ah Tembaw kibung sak in mi 281 asisak Tembaw hawlpa ahi Lee Joon-seok kum 68 leh Tembaw naseem mi 3 te May 14 ni in Korea thukhen zum te in Mi sisuah (Manslaughter) mawhna tawh thukhen uhhi ci in taangkokhia uhhi.

·      Brazil te Tukpeeng Lamlak pipa ahi Mr Scolari 65 in 2003-2008 sung Portugal Tukpeeng lamlak asep sung in Kumpi tung siahpiak diklo hi ci in Portugal Central Department for Criminal Investigation te in naakpi tak in kan uha manlian naailo napin mankha ding ci in taangkokhia uhhi. World Cup naimahmah kawmkaal ah hibang a ahihna uh peen Brazil te nawngkaaisak nuam hi ci in Brazil Team ten gensia uhhi.

Lungdam ei

Thang Khawm Pau Zomi 


-- 

Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments

09/01/2014 09:28

I bookmark your website and will come back in the future.

Reply
03/02/2017 13:01

Google ALLO APk is the best messaging app ever. ALLO is the best messaging app designed by Google for making your conversation easier and expressive.

Reply
05/02/2017 09:10

Now they can get the Bihar TET Admit Card 2017 through the online Bihar Tet Admit Card 2017

Reply


Welcome to your site! This is your homepage, which is what most visitors will see when they come to your site for the first time drastic emulator apk

Reply
07/05/2017 13:16

walmart credit card login Walmart offers a number of Payments methods to purchase your dream product online from the Walmart Store itself

Reply



Leave a Reply