WWW.TUNGZANGNEWS.COM

 
Tulaai Leitung Thuthang Tuamtuam Updates May 28, 2014

Tulaai Leitung Thuthang Tuamtuam Updates May 28, 2014

· T A B te hawm Days of Development Khol 1,Hawm 2,page ( 2 ) na May/June ah 914-Zomi gelh ten kha nih sung in a laih kei vua leh sum Kyats/ 50000 pia in kha nih thong kia ding cih suah Uhi. Office phone:0947175176, G /S phone:0949278906. Hq-Vangteh khua hi. Hih pen Editor maw? TAB Zum pan maw ? Gen cianna omlo hi. Hih peen Zomi deihlo te nasepna hi a Guallel a cihna ding theilo akhuaksa lua a ahaipianpian ta pawlkhat igelh ahihman in hihbang a khuak manlo I Zomi pihte ihuh zawh zah a huhding ei Minam pi Zomi te khutsung ah om hi. Siatna apian ciang dawi mangpa anuam mahbang in hihbang thukhat ong om ciang dawi mangpa tate zong lawp thei mahmah uh ahihman in kha gaaldo ciat ni. Hih thu amanlo ahihna genzong kullo in mihingkheem peuh itheihsa ahihi. Zan lam ciang hih Zomi deihlo pawlpeen Rohingya dinmun asuak uh hita ahihman in ongkisun takpi ding a bomb khawng sukham in buaina ongbawl laai mai khading uhhi.



· Kawlgam gaalkaap leh Kachin gaalkaap KIA te akikap nawnloh nading in Langnih tuakpan makaai ding a kiteelkhia makaai 5 tuak Mitkyina khuapi sung a om KIA kizopna zumpi sung ah May 28, 2014 ni in nasia tak kikum khawm uhhi.

 

· Mualtung miten igengen Federal akici peen ingah taktak theih nading in 2008 Kawlgam pingpei thukhunpi ilaih masak kul ahihi ci in 8888 makaai Ko Min Ko Naing in May 28, 2014 ni in genkhia ahihman in Mualtung mite lungsim mankhia lian a Mualtungmi te in Suai kaai ziahziah uhhi.

 

· Thailand gam sung Gaalkaap in thuneih na alaakzawh leitung gambup in nasiatak gensia ahihman in May 28, 2014 ni in amat uh gam makaai 253 lakpan 124 khahkhia uha, Lubawk zawdeuh teng keemlaai uhhi. Zan 12 pan zingsang nai 4 dong kuamah pusuak theilo cin khiamsuk uhhi.

 

· China gam ah Phone leh Internet zang in China gam anawngkaai sak tam ahihman in Khakhat sung China kumpi nasia tak khaktan ding in May 28, 2014 ni in taangkokhia hi. Adiak in WeChat Internet azang mipi Awn 800 vaalte khaktan nopna hi ci in genkhia uhhi. Akibang mah in nidang in zong Face book leh Tweeter te zong khaktan ngei uhhi.

 

Lungdam ei
Thang Khawm Pau Zomi
http://zomipausektak.blogspot.com/2014/05/tulaai-leitung-thuthang-tuamtuam_28.html

--
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.com, Thang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply