WWW.TUNGZANGNEWS.COM

 
Tulaai Leitung Thuthang Tuamtuam Updates May 4, 2014

·      Louisville khuapi Kentucky state USA gam aom Zomi te in Rev Pau Khan Khai leh Makaai te vaaihawm siamna tawh amasa peen Zomi te Pasian biakkhopna Pawlpi Zomi Christian Church-Louisville ci in kipankhia uha, May 4, 2014 ni in amasapeen Pasian biakpiak na neithei ta ding uhhi.

·      Malaysia gam Puchong Veeng aom Tesco Vanzuakna dungteng ah May 4, 2014 ni in Palik leh Immigration te kithuah in miman uha, kawlgammi 40  vaal man uhhi. Kei omlaai a bat leh hikiim tengah Zomi te tammahmah  hi.

·      Kawlgam 2008 thukhunpi puahphat theih nading in NLD leh 8888 makaai te kipawl khawm in vaaihawmpawl May 4, 2014 ni in committee dingkhia uhhi. UNA leh UNFC inlah athak khat nei, Kawlkumpi inlah  bawlphat akuulte enkikding committee khat nei, Kiteel kikding lah maaikum hiziauta theizo nawnkhang ei Ngapik Tactic zong maw

·      Phungzi keu(gay) Bishop  Gene Robinson kum 66 in kum tampi akiteenpihsa apapi Mark Andrew tawh kakikhen ta uhhi ci in May 4, 2014 ni in taangkokhia hi. Amau geel peen 2003 kumpan ki it kingai uh ahihman akiteeng uhhi ci hi. Bishop Gene Robinson peen 1985 kum in Numei tawh kiteeng ngeikhin a ta 2 neikhin in numei a hawmthawh in Pa tawh akiteeng hituak mawk hi. Sinkham huai lua

·      China gam khanglam Guangdong state sung Gaozhou khuasung a kidawh mipai na lei khat May 4, 2014 ni in thakhat in kicim ahihman in mi 11 si a, pawlkhat liam uhhi.

·      April 16 ni a South Korea gam ah akibung Tembaw pi tungtuang misi May 4, 2014 niciang 244 cingta a 58 mangthang laai ci in thunei te in taangkokhia uhhi. May 4, 2014 ni mah in President Pak Geun-hye in asite innkuan te khutleen in thapiakna thuumna vanei kawikawi hi.

·      Yemen gam Shabwa state Maifaa khuakiang a kibusa Al Qaeda migilo pawl I phualpi Yemen gaalkaap ten nasiatak in May 4, 2014 ni dociatciat uha, Al Qaeda migi 37 kigozo hi ci in taangkokhia uhhi.

Lungdam ei

Thang Khawm Pau Zomi 


-- 

Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply