WWW.TUNGZANGNEWS.COM

 
Tulaai Leitung Thuthang Tuamtuam Updates May 6, 2014

·      Kaawlgam sung ah khasum kumkhat teng 20 pan atungsiah angah mikheempeuh kumpi tung ah siah piatading ci in Kawl kumpi te in May 6, 2014 ni in taangkokhia uhhi. Siah laakna tawh kisai in nam 5 kibawlkhinta cih pulaak beh uhhi.

·      US Tuipi sung tawk kawikawi campany khat in Atlantic tuipi sung ah Suai (gold) Ounces 1,000 $1.3million manding leh Nguntang pawlkhat May 6, 2014 ni in mukhia hi ci in taangko uhhi. Hih suaite peen 1857 kum a Panama pan New York khuapi manawh apai Tembaw pi kibung tungpan amuh uh ci uhhi. Hih tembaw kibutna hang in mi 425 si hi.

·      May 26-27 pan kumpi kiteelna ah aluutding Egypt gaalkaap maangpi lui Mr Si Si in meesuai kawm TV pan thugenna May 6, 2014 ni in nei a ken kumpi kangah zenzen lehbel Ukna kilaaksak Morsi party ahi Muslim Brotherhood ten mun kiukhat zong ngahnawn kenteh ci in taangkokhia hi.

·      Thailand Prime Minister Yingluck Shinawatra alangpang te in thuneihna thumanlo in ngah cihtawh thukhunpi zum ah thu abawlna pan apentheihnading in May 6, 2014 ni in a sitni tetawh Court ah na mapai seisai hi. Azenzen in amawhna akimuh leh aza pan kiheemkhia ding a amah adeih mipi te in nasia tak buaina bawlding cih ahihman in Thailand gam te masuan namtui khollo hi.

·      Ukraine gam nisuahna lam Slovyansk khuakim ah Russia deih thautawi te leh Ukraine gaalkaap te May 6, 2014 ni in nasiatak kikaap uha, Russia deih thautawi 30 si in Ukraine gaalkaap 4 si uhhi ci in thunei te in genkhia uhhi.

Lungdam ei

Thang Khawm Pau Zomi 


-- 

Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply