WWW.TUNGZANGNEWS.COM

 
ZAM Kumcin leh Palai Kiteel hun ding hong naita


Kum leh nite’ hong bei zelzela, ZAM Palai kiteel hun ding zong hong naito hiaihiai tahi. Hih kiteelna tawh kisai, akisam bang bang vaipuakna hong nei dingin, anuai-a, Election Committee mi 9 teng kiseh hi.

(1) Rev. Dr. Cin Sian Pau (Convenor) 017-329 1810 
(2) Rev. Thawng Ngaih Khup 010-264 3312 
(3) Rev. Gin Do Khup 017-344 7847
(4) Pa Gin Khua Thawng 010-890 7181 
(5) Pa Dai Za Kam 017-991 0457 
(6) Rev. Thang Do Khen 017-611 5611
(8) Sia Francis Khampi 016-269 1351 
(7) Sia Nangtak 017-432 6561 
(9) Sia Hau Thang 016-284 0189

Candidate (Teeltheih) ding Numei/Pasal khat ii neih loh phamawh thukhunte:

1) UN Card nei hiding.

2) Mangpau or Malay pau hoihtak a pauthei hiding.

3) Akilawh thei natna nei mi hilo ding hi. Gtn: TB,Hepatitis B or C leh Cancer cihte…!

4) ZAM thukhun leh dante’ athukim a azui ding mi, mi nam ading veina leh deihsakna anei taktak mi hiding.

5) Teelcing peuhmah Full-Time hidinga, mundangah nasep semkawm mi hilo ding hi. Teelcing angah ni aki pan asem theipah hiding hi.

6) Candidate dingte, amau leh amau hong ki candidate tawm theilo dinga, Pawlpi or Khua makaite’ theihpihna tawh hong candidate sak mi hiding hi. (Theihding: Teel theihding mi “Single” hileh kideih zaw hi!).

7) Teelcing mi peuhmah kiteelna hunsungah ami pumpi mahmah aom te’ bek kiteel thei ding hi.

8) Hih kiteelna sungah ateel thei ding (mee pia thei ding) Pawlpi pan tanggmi 1 leh Khua kipawlna pan tangmi 1 ta hidinga, Candidate teel theih ding pen, Pawlpi pan hita leh Khua kipawlna pan hita leh numei/pasal aom theizahzah kisang ding hi. Pawlpi makai siate leh Khua makai ten kizasak sawn ciat ni!

9) Candidate (teeltheih)ding mi min sazian piak theih na dingin, atunga Election Committee mi 9 te’ tungah anunung pen May 25, 2014 Sunday ni ciang ki letkhan ding hi.

10) ZAM Kum 8 cinna & Kiteel ni dingin, June 06, 2014 Friday ni hiding hi. Ahun ding zingsang lam nai 11:00am-5:00pm dong hi dinga, Sun an zong kivaihawm ding hi.

Theihding:

a) Counter pan Registration kibawl dinga, thu ngai ding leh Mee (vote) khia dingte, atuam in kitusak ding hi.

b) 2014-2015 kum ZAM Palai teelcing te’ Kiteel niciang Mipi mai-ah “Kiciamna” leh thungetsakna Election Committee te’n hong makaih ding hi.

c) Kiteel niciangin, Khua makai leh Pawlpi upa/siate’ zing sang nai 11:00 am hun alaplote’ Mee (vote) kikhia sak nawnlo ding hi. Abeisa kumte’ tawh kibanglo ding ahih manin, hih hun sunga kihel khempeuh hunlap sawm hamtang ni.

d) Kiteel niciang Mee (vote) khia dingin Khua kipawlna leh Pawlpi panin tang mi 1 ta pello (pello) a, ih paikim ciat nadingin zahtakna lianpi tawh kong zaw uh hi.


Contact Person

Candidate alunglut peuhmah in Dr. Cin Sian Pau leh Francis Khampi tungah min sazian ki piathei hi.

ZAM iNFO

 


Comments




Leave a Reply