WWW.TUNGZANGNEWS.COM

 

ZAM Thupuak
ZAM :: Zomi Association of Malaysia



ZAM Kumcin leh Palai Kiteel hun ding hong naita
Kum leh nite’ hong bei zelzela, ZAM Palai kiteel hun ding zong hong naito hiaihiai tahi. Hih kiteelna tawh kisai, akisam bang bang vaipuakna hong nei dingin, anuai-a, Election Committee mi 8 teng kiseh hi.

(1) Rev. Dr. Cin Sian Pau (Convenor) 017-329 1810 
(2) Rev. Thawng Ngaih Khup 010-264 3312 
(3) Rev. Gin Do Khup 017-344 7847
(4) Pa Gin Khua Thawng 010-890 7181 
(5) Rev. Thang Do Khen 017-611 5611
(6) Sia Francis Khampi 016-269 1351 
(7) Sia Nangtak 017-432 6561 
(8) Sia Hau Thang 016-284 0189

Candidate (Teeltheih) ding Numei/Pasal khat ii neih loh phamawh thukhunte:

  • UN Card nei hiding.
  • Mangpau or Malay pau hoihtak a pauthei hiding.
  • Akilawh thei natna nei mi hilo ding hi. Gtn: TB,Hepatitis B or C leh Cancer cihte…!
  • ZAM thukhun leh dante’ athukim a azui ding mi, mi nam ading veina leh deihsakna anei taktak mi hiding.
  • Teelcing peuhmah Full-Time hidinga, mundangah nasep semkawm mi hilo ding hi. Teelcing angah ni aki pan asem theipah hiding hi.
  • Candidate dingte, amau leh amau hong ki candidate tawm theilo dinga, Pawlpi or Khua makaite’ theihpihna tawh hong candidate sak mi hiding hi. (Theihding: Teel theihding mi “Single” hileh kideih zaw hi!).
  • Teelcing mi peuhmah kiteelna hunsungah ami pumpi mahmah aom te’ bek kiteel thei ding hi.
  • Hih kiteelna sungah ateel thei ding (mee pia thei ding) Pawlpi pan tanggmi 1 leh Khua kipawlna pan tangmi 1 ta hidinga, Candidate teel theih ding pen, Pawlpi pan hita leh Khua kipawlna pan hita leh numei/pasal aom theizahzah kisang ding hi. Pawlpi makai siate leh Khua makai ten kizasak sawn ciat ni!
  • Candidate (teeltheih) ding mi min sazian piak theih na dingin, atunga Election Committee mi 8 te’ tungah anunung pen May 25, 2014 Sunday ni ciang ki letkhan ding hi.
  • ZAM Kum 8 cinna & Kiteel ni dingin, June 06, 2014 Friday ni hiding hi. Ahun ding zingsang lam nai 11:00am-5:00pm dong hi dinga, Sun an zong kivaihawm ding hi.
Theihding:
Counter pan Registration kibawl dinga, thu ngai ding leh Mee (vote) khia dingte, atuam in kitusak ding hi.
2014-2015 kum ZAM Palai teelcing te’ Kiteel niciang Mipi mai-ah “Kiciamna” leh thungetsakna Election Committee te’n hong makaih ding hi.
Kiteel niciangin, Khua makai leh Pawlpi upa/siate’ zing sang nai 11:00 am hun alaplote’ Mee (vote) kikhia sak nawnlo ding hi. Abeisa kumte’ tawh kibanglo ding ahih manin, hih hun sunga kihel khempeuh hunlap sawm hamtang ni.
Kiteel niciang Mee (vote) khia dingin Khua kipawlna leh Pawlpi panin tang mi 1 ta pello (pello) a, ih paikim ciat nadingin zahtakna lianpi tawh kong zaw uhhi.



ZSM pan zaksakna
Zomi Genvai kipawlna (ZSM) laibu len khua makai te, Pawlpi makai te leh Pasian nasem sia/ma te, a munmun pan minam ading mapang in gimpi tawlpi a, ZSM kipawlna sum hong kaihkhop sak makai khempeuh te ih zumpi panin kong hopih uhhi. Khua kipawlna, Pawlpi leh innkuan, mimal tungah Topan hong damsak tahen.

Eite in amunmun panin gimpi tawlpipi in hanciam in ZSM kipawlna ah ih mipi te honglut in dongtuak te ih panpih khawm theih na dingin ihsep na te hangin 2014kum thak pan tuni ciang Zomi sinsen luang (13) bangin hanmual zuan khinta uh aa , amau te luang te hanmual ah ih kha zo hi.

Tua hi a, kha 4 bang hong khengkhin ta ahih manin ih khutsung ah laibu ih tawilai takin kipawlna lutsa te sungpan deihloh penin tuahsiatna khatpeuh hong om kha leh vaisah thei ahih manin laibu len khempeuh in ZSM zumpi ah nong ap kik nangun zahtak na lianpi tawh kong thum uhhi.

Nausuak neite’n JPN ah naungek laipi la hamtangding
Malaysia ah nausuak nei nu leh pa te in UN card nei in nei kei zongin nausuak laipi pen JPN ah lak hamtang kul hi. Nu leh Pa in UN card ih neih khit hangin tua laipi pen lak hamtang kul a, tua lai omlo in nau-ngek pen UN card hong piaksak lo dinghi.

Koi ah la ding, bang hun sung in la ding?

GHKL a suak na hih uh leh zato pi ah kila thei pah hi
Nausuah zawh ni(14)sungin na lak leh sumbei lo ding a, kaalnih akhen khit leh sumbei ding hi.
Nausuah zawh kha 6 aphak khit leh buai huai pha mahmah ta hi.
Azenzen in kha(6) pha khin aa nausuak lai lah neilo, UN card lah neilo in nau aci anat leh naupang pen zato te in etsak lo uhhi.

Lungdam kohna

  • Zomi Catholic (ZCCM, St. Joseph Church, Sentul) pan tukal Thupuak bawlna ding RM50 hong piakhia leuleu uh ahih manin lungdam ihko hi. ZCCM Pawlpi tawh na kizop nop leh: Francis Khampi 016 269 1351
  • Sian Hawm Sang (Buan khua) in ZAM Thupuak bawlnading in RM50 phalna taktawh hong piakhia ahih manin lungdamna kong pulak uhhi.
  • Tual Sian Pum (Kaptel) in ZAM Thupuak bawlnading in RM20 hong piakhia ahih manin ki lungdam mahmah hi.
  • Khai Lam Suan (Muallum) in ZAM Thupuak bawlnading in RM50 hong piakhia ahih manin ki lungdam mahmah hi.
Australia Sponsorship mi cingta

Australia gamsung ah meltheih tanau neilo te hong panpih ding kipawlna pan mi adeihzah ngahta uh ahih manin sazian thak ki piathei nawnlo hi. 23 May kha dong Appointment a ngahsa, sazian a piasa teng amansiang dong abanban in Form Fillup dingin hongki bansap toto dinghi.

Australia pan hongsamding meltheih tanau akician anei a, Form Fillup danding hamsatna aneite ahihleh a ngeina mahbang in a mi ding aom laiteng septheih bangin hongki panpih totolai dinghi.

Sponsor neite’n Appointment na laknopleh

Sponsor nei a, Form Fillup ding hamsatna aneite’n Sia Cinpi (Phone: 016 618 0041) tungah Appointment ki latheilai hi.

Form Fillup ding akisam teng

  • Na Nulepa leh Sanggam laiguizom te min leh suahkum
  • Zi neikhinte’n na Sungpa, Sungnu, Zi te unau leh na tate ii min leh suahkum
  • Malaysia gamsung ah na omna Address akician sitset
  • Na UN tangthu (inn pan nataini, Thai gamgi kanni, Malaysia tunni)
  • Zi neikhin te na kitenni
  • Abeisa kum 10 sung omna Address (2004 kum pan abanban in gualsukding)
  • Abeisa kum 15 sung nasepna leh na Boss min (1999 kum pan abanban in gualsukding)
  • Australia pan hongsamdingpa ii Minpi, Address leh Phone Number
  • Australia Passport Size (mikhat pong 8 kisam a, anung ah namin leh UN Number kiciantak in gelhding)
  • Malaysia gamsung naungeksuak naneihleh Birth Certificate copy 1, UN Card copy 1
  • Na sangkah kipatcil kum leh Tan bangzahciang zo? Nazi, na tate sangkahkum zong avek in kisam hi.
Passport Photo

Koikoi ah zatding ahi zongin Passport Photo zaihding peuhmah in puannak gawlan (Collar) anei nasilh hamtang un. Puan ngawngpum T-shirt khawngtawh ihki zaihziauziau pen etlawm luakhollo hi.

Minam min “Zomi”

Zomi te zumpi ahi ZAM ah Form aki phih (Fillup) khempeuh minam munah “Zomi” mahtawh hongki gelhsak tangtang hi. Zomi a zanglo leh adeihlo kipawlna te ah Form na phih (Fillup) leh amau deihdan hong gelhsakziau ding a, Australia natunciang na khantawn in tua minam min mahtawh hongki ciamteh suaksuak dinghi.

Mi kiman tammahmah

Tulaitak khuasung ah kimat kihen tammahmah hi. Adiakdiak in Kuchai Lama, Mid Valley Bus Stand, Pasar Seni, Kotaraya, Pudu Plaza kiimteng ah nisim in miman te omden hi. Zomi te khatlehkhat ki zasaksawn ni. Adiakdiak in UN Card a tawinailo te khuasung vaksuk vaktohna ah ih pilvangding thupi mahmah dinghi.

UN zumah Interview dingte

UN zumah Interview ding Appointment anei peuhmah in ahun lapsawm un. Na tangthu leh na tangthu pianni cihte hoihtak theihsawm sitset in. Tulaitak thudot khauhmahmah ahih manin Interview ding napaima in na tangthu hoihtak ngaihsunkik masa lecin ki sikluat omlo dinghi.

UNHCR Officer te ZCCM ah

UNHCR pan Officer te Sentul aom ZCCM (Zomi Catholic Community Malaysia) biakinn, St. Joseph ah 11 May 2014 ni 2-5pm kikalsung hawhding uhhi. Thudotna anei nuamte, maban te ah lunghimawhna aneite leh vaituamtuam adong nuamte’n hih hunhoih zattheihding in ki vaihawm hi. A ut khempeuh ki paithei hi. Apainuam te in Bus U223, U2A, U10, LRT tawh ahihleh Sentul Timor Station, KTM tawh ahihleh Sentul Station. Akician in na theihbeh nopleh: Francis Khampi - Ph: 016 269 1351

Khual gamla pan CO Class nakahleh

US nalending ciangin Tentan (Culture Orientation Class) hongki kahsak hamtang khading hi. Tua CO Class nakah ciangin Kuala Lumpur leh Selangor pualam pan ahi gentehna Ipoh, Johor pan nongpaileh nongpaina Bus Ticket, Train Ticket te hoihtak kem khinkhian in. CO Class natun ciangin Kamphen te kiangah laklecin asumbeizah hong piakikding uhhi.

ZAM Hall ki kawmthei

ZAM Hall pen Session khat (nai 4 sung) RM200 ki lading a, nai 4 khitciang azatbehtoh nopleh naikhat RM50 ki lading hi. Aki zangthei vanteng: Aircon, Tutphah 150, Sound System, Drum Set 1, Wired Mic 1, Wireless Mic 2, Usher Counter leh adang tuamtuam. Alunglut te’n hih Phone 010-823 0571 ah naki zom un. Note: Guihtheih khamtheih zat ki phallo hi.

ZAM ah Ngeina Puan ki leithei ta

ZAM zumpi ah ih ngeina Zopuan te ki leitheita hi. Aki ngahthei van te: Zopuan (pasal), Zopuan (numei), Puandum, Zodial, Zodial naikhau (silk), Puanlaisan, Tanghciin, Khephiau Dotbehnop aomleh Siama Ngaih Hau 010-823 0571

USA CO Class
F&B Business Park
18 Jalan Metro Pudu 2
Fraser Business Park
Jalan Pudu, 55100 KL
(Near LRT Chan Sow Lin)

Australia CO Class
A 14-6, Menara Atlas Plaza Pantai
Jalan Pantai, Rharu 59200 KL
Phone: 03 9235 5431

IOM Sisitna
IOM MH Malaysia
2nd Floor/Level 3, KPJ Health Care
No. 1, Jalan Pahang
53000 KL
Ph: 03-9235 5400

ZAM Palai sungpan kua tawh kizomding

Kimat kihen natuahkhakleh:
Sia Tuangpu : 016-254 4093
Sia Thaa Mung : 016-646 5375
Sia Kam Mung : 016-995 6231

Zato vai kisapna aomleh:
Sia Khoi Tuang : 010-286 6189
Sia Kam Sang : 016-918 9692
Sia Kep Lian : 014-369 4897

Nasep leh Bank Card vai:
Sia Mangpu : 019-510 6413

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  zomiassociationmls@gmail.com

 


Comments

05/23/2016 05:44

Thanks for posting this information. I merely intend to allow you know that I merely look into your website as well as I discover it really fascinating and also insightful.

Reply



Leave a Reply