WWW.TUNGZANGNEWS.COM

 
ZAM Thupuak
ZAM :: Zomi Association of Malaysia



2014 Kawlgam Census aa zatding ZAM mintawh sum ong kikhaak (Thein 20) te zatna lahna

ZAM Makaipi, Thuvanpi leh Malaysia aa om Zomi khempeuh, amasa pen in tukum Kawlgambup census, mi kisimna ah GZA in tang aa tuan aa Zomi aa kilote Zomi kicih ding lamlahna ong neihman in minam bup in lungdamna i ko nuamhi.


Thu lengsuk lengto tuamtuam hangin i nammin nangawn a lo khia ngamlo inn lam aa omte van nading in ZAM makaihna tawh Malaysia aa om Zomite in Kawlgam sum in Thein 20 (Sang 20) panpihna nong khak man un minam bup kilungdam mahmah ahihlam kong pulak nuam leuleuhi.


Malaysia pan aa sum khak nading muanna tawh nong seh man un zong angtang mahmah kahihna mimal lungdamna zong kong pulak nuamhi. Sum Thein 20 pen khaak nih suah aa nong khaak uh ahihman in sum zatna ah zong khennih kisuah in kong pulak dinghi.

Khaak masak, Thein 10 (Chin Taungtan Bus Gate tungtawn in)
Hih nong khak uh kangah laitak in GZA Zomi Census Committee om nailo ahihman in GZA pan Makai ong om thei Sia Mung (Rev Dr. Do Suan Mung) leh Sia Zambawi (Rev. Dr. Go Cin Zam) tawh kikum in zat nading aa kilawm teng piakkhiat khit ciang sum tang omlai teng Sia Zambawi tung ka aphi.

Piakkhiatna
Singapore pan aa ong pai Dr. Hau Za Cin ii Kawlgam sung vanleng sap Ygn - Kale - Ygn US$ 310 x Ks.900 (sum khekna) = Ks. 279000/00
Tdm - Kale mawtaw sap = Ks. 80000/00
Vinyl leh Sticker bawlna aa sum kisamlai (ZYA-Kawlpi) = Ks. 60000/00
Sia Enno, Sia Mung leh U Khin Yee thugenna disc 200 = Ks.100000/00
Sum piakkhiat gawm = Ks.519000.00 (Hihteng pen kei khuttung pan aa piakkhiat ahihi)
Sum omlai = Ks. 481000.00 (Sia Zambawi, GZA Associate Secretary tung ap in ama'n GZA Zomi Census Committee tung na apsawn dinghi)

Khaak nihna, Thein 10 (Chin Taungtan Car Gate mah pan)
Ward 59 pan aa hausa upate annekpihna(Khauhsuai thoh150xKs1500) = Ks. 225,000.00
Suangzang-Heilei-Suangphei-Pakzang paina mawtaw sap = Ks. 120,000.00
Muizawl paina mawtaw sap = Ks. 60,000.00
Tungzang paina mawtaw sap Ks. 70,000.00 (Ks.10000 for cancellation)
Gamngai paina mawtaw sap = Ks. 60,000.00
Khualzinna mawtaw sapna kigawm = Ks. 310,000.00
Sun-an Suangzang = Ks.13,000.00
Muizawl = Ks. 15,000.00
Gamngai = Ks. 15,000.00
Kigawm = Ks.43,000.00
Sticker thak bawlna (Tdm ah) Ks. 120,000.00

Khaaknihna beina vekpi kigawm Ks. (225,000 + 310,000 + 43,000 + 120,000) = Ks. 698000.00 (Hih teng pen kei khuttung pan aa ka piakkhiat pah ahihi)

Sum om lai Ks. 302000.00 teng GZA Zomi Census Tedim Committee Rev Thang Van Lian tung ap in ama'n Dr. Cing Pum Neam (Tedim sumkeemnu) tung ah apsawn dinghi.

Lungdam kohding tampi omhi

Mawtaw pen Pa Nangno (Pu Kim Khai tapa) aa kizang hi aa mi dangte laakzah ong lakloh ban ah amahmah ong makai, ong hawlpah ahihi. GZA Census Tedim Committee pan Rev. Thang Van Lian in hunbit ong makaih ahihman in kipanglum tuam mahmahhi.
GZA Census Tedim Committee pan Pa Hang Khan Khai in pai nading khua hausa teng ong van kholhsak masa ahihman in vai ong lemtuam peuhmah suakhi.
Atung aa lungdam kakoh pak teng pen kei kihel khaakna aa ong panpih teng hi aa kei kihel khaaklohna ah Committee dangte in zong amau ii munciat ah semding in ka lam enhi.
Adiakdiak ZAM makaite tung lungdam kong koh nopna in, na sum na paaite uh Singapore pan komau veina leltawh apaite tung nong totsak uhciang i gam i lei ah maitang ong neisak nahi uhhi. No ong sumkhak om kei leh, ko kiphatmawh banglo ong kiphawkkha pha mello hi aa no sumteng nong totsak uhciang bel ong kingaihbawl mahmahhi. (Kei bang na kineisak peuhmah ing)
Mailam kum tampi sung i omom napan minam ading, hih minam a piangsak Pasian aa ding a piakhia zo, a sem zo, tha a pia zo den ding ong siam tahen.

Noteng tawh mapan khop nuam a saden,

Hang Khan Lian
Block 646#13-115
Jalan Tenaga
Singapore 410646

Lungdam kohna

Zomi Catholic (ZCCM, St. Joseph Church, Sentul) pan tukal Thupuak bawlna ding RM50 hong piakhia leuleu uh ahih manin lungdam ihko hi. ZCCM Pawlpi tawh na kizop nop leh: Francis Khampi 016 269 1351

ZAM kuan panpih

ZAM hong panpih, Sponsor hongpia pen midang hihetlo omhetlo a, ZAM Card bawl in kumsim hong Renew tangtang NANG nahi zawhi. ZAM tuniciang adinzawh nading in NGO pan ahi zongin, leitung muntuamtuam aom Zomi kipawlna khatpeuhpan ahi zongin Sponsor ki neilo hi. ZAM Card hongbawlteng pen ka Sponsor uh hipah nahih manun, ZAM Card abawl Zomi khempeuh tungah lungdam kongko uhhi. Tua ahih manin Zomi veve ihhihhang ZAM Card atawi Zomi te aki buaipih masa ahihlam nong telpih nading un kongthuum uhhi. ZAM Card atawite aki buaipih khitciang adang kipawlna tuamtuam Card atawi te aki buaipihzopan ahihi. ZAM tuniciang adinzawh nading in Card nongbawl a, nong panpih manun lungdam mahmah hi.

ZAM kumcin leh Palai kiteel hunding hong naita

Kum leh nite’ hong bei zelzela, ZAM Palai kiteel hun ding zong hong naito hiaihiai tahi. Hih kiteelna tawh kisai, akisam bang bang vaipuakna hong nei dingin, Election Committee mi 8 kiseh hi.
Candidate (Teeltheih) ding Numei/Pasal khat ii neih loh phamawh thukhunte:

  • UN Card nei hiding.
  • Mangpau or Malay pau hoihtak a pauthei hiding.
  • Akilawh thei natna nei mi hilo ding hi. Gtn: TB, Hepatitis B or C leh Cancer cihte…!
  • ZAM thukhun leh dante’ athukim a azui ding mi, mi nam ading veina leh deihsakna anei taktak mi hiding.
  • Teelcing peuhmah Full-Time hidinga, mundangah nasep semkawm mi hilo ding hi. Teelcing angah ni aki pan asem theipah hiding hi.
  • Candidate dingte, amau leh amau hong ki candidate tawm theilo dinga, Pawlpi or Khua makaite’ theihpihna tawh hong candidate sak mi hiding hi. (Theihding: Teel theihding mi “Single” hileh kideih zaw hi!).
  • Teelcing mi peuhmah kiteelna hunsungah ami pumpi mahmah aom te’ bek kiteel thei ding hi.
  • Hih kiteelna sungah ateel thei ding (mee pia thei ding) Pawlpi pan tanggmi 1 leh Khua kipawlna pan tangmi 1 ta hidinga, Candidate teel theih ding pen, Pawlpi pan hita leh Khua kipawlna pan hita leh numei/pasal aom theizahzah kisang ding hi. Pawlpi makai siate leh Khua makai ten kizasak sawn ciat ni!
  • Candidate (teeltheih) ding mi min sazian piak theih na dingin, atunga Election Committee mi 8 te’ tungah anunung pen May 25, 2014 Sunday ni ciang ki letkhan ding hi.
  • ZAM Kum 8 cinna & Kiteel ni dingin, June 06, 2014 Friday ni hiding hi. Ahun ding zingsang lam nai 11:00am-5:00pm dong hi dinga, Sun an zong kivaihawm ding hi.
2014 - 2015 ZAM Term kumsung Palai nasep asemding in pasal 9 leh numei 2 ki telkhia dinghi.

UNHCR-CDU makaihna tawh NGO tuamtuam leh kipawlna makaite kimuh khopna

UNHCR Conference hall ah May 15, 2014 ni nai 9am pan 12pm ciang NGO tuamtuam tawh kipawlna makaite kimuh khopna kinei hi. Kimuh khopna sungah NGO 7 hong kihel thei uh hi.

Dignity for Children Foundation or Harvest (DCF) panin Ms. Christina hong kihel thei hi. DCF pan naupangte pilna sin theihna vai tawh kisai hi in UNHCR-EDU nuai a om gambel sang sia/sianu te khasim panpihna sum zong a mau tawn sak a kingah ahi hi. Zomi palai tampi sepna leh naupang tampi kahna sang zong ahi hi. Ph. 03-4044 1397.

Tzu Chi Foundation pan in Mr. Raymond hong kihel thei hi. Tzu Chi in damlo zatui zaha tawh etkolna leh sang naupangte pahpihna nei uh hi. Zomi tampi takin sum piak kullo a zato kilah theihna leh UN i ngah lawhna zong ahi hi. Sang naupangte panpihna tawh kisai in a ZEC sang hong panpih mahmah kipawlna zong ahi hi. Ph. 03-2142 156703-9226 1673.

Women Aid Organization (WAO)panin Mrs. Shusan hong kihel thei hi. WAO pen numei kibuan, kisimmawh, nupa kitawng, zi leh tate om na ding neilo te ading leh counseling bawlna mun leh omna mun ahi hi. UN tawh kizom mahmah khat ahi hi. Ph. 7956 3488.

International Catholic Migration Commission (ICMC) panin Ms. Jacky Loo leh Santha hong kihel thei uh hi. ICMC pen RC kipawlna pan hi-in UN huang sungah a zum uh om hi. A diadiak in numei kibuan, kisimmawh, nupa kitawngte amau pahpihna nei hi. ICMC sungah Zomi tampi takin nasem uh a, ICMC tawh khut kilen in shelter mun 4 ah ki nei hi. Hotline 010 421 1274

Archdiocesan Office for Human Development (AOHD) panin Ms. Josie hong kihel thei hi. AOHD zong RC pawlpi pan hi-in mi cimawh, genthei te tampi ahuh ahi hi. Mondan pan Friday ciang sun 11am pan 12:30 an a mawkna a pia den uh hi. Kota Raya tawh kinai ahih manin nasem nuamlo tampi in phattuam lawh hi. Ph. 03 2078 1570.

Health Equity Initiative (HEI) panin Ms. Melisa hong kihel thei hi. HEI in mibang phalo te counseling neih sak den hi. Tulaitak UN tawilo nausuak te ading in zong vaitampi hong vansak uh hi. HEI ah kigin ni simin mi 2 tentan a kikah den ahi hi. Ph.03 2276 3253.

SUKA Society panin Ms. Jennifer hong kihel thei hi. SUKA in naupang kum cinglo thongkia te ahih kei leh kumcing nailo a a nu le pa thongkia te kumpi lahwahkah a suahtak theih na dingin hong phutpih uh hi. ZEC zong hong papih mahmah uh hi. Ph.012 297 2458.

Atung a NGO teng pen Zomi zumpi tawh khut kilen a nasem khawm den, hong panpih den kipawlna te zong ahi uh hi.

Mopawi Sapna

Tedim Township, Sezaang khua Rev. Dr. Cin Sian Pau leh Pi Dim Za Vung te tapa nauzaw Tg. Pau Lian Mang & Hakha (Khua Hlun) Pu Mang Vungh (Late) leh Pi Dar Zi (Late) te tanu nauzaw Lia May Thet Htar te nupa pumkhat suahna pawi ah nong uap nangun itna tawh kongsam uhhi.
Ani: 18 May 2014, Ahun: 5pm - 7pm, Amun: ZAM Hall

Farewell Sya David Mungno

Sya David Mungno in Term 2 sung ZAM (Zomi Zumpi) ah minam aa dingin Volunteer hong sep khit ciangin Pasian thupha tawh a innkuan un gamnuam ahi USA Taxas lam zuan in Malaysia pan, 13 May 2014, sun naikhat hunin hong lenkhiat san uh hi.

Sya David Mungno pen Luangel khua tualsuak mi khat hi a, Myanmar ah Secular lam pilna B.Sc., M.Sc ciang a zokhia khat ahihi. A lawmnu Mary Lam Cing pen Zampi khua pan Rev. S Awn Za Dal' tanu neu pen hi in, Secular lamah B.A ciang zo in, Biakna lamah B.Th., M.Div. ciang zo hi. Anupa un, UN tawh kinah vawh nasep vive sem uh a, Zomi tampite adingin apilna uh hong zangkhia uh ahih manin, zahtak huai leh mi thupi ahihna uh zong kilang mahmah hi. Pilna sang nei mi nih pumkhat hong suah a minam aa dingin hong kipiak khiat taktak uh ciangin nasep silbawlna hitaleh vaihawmna zong hong nuam banah mipite aa dingin zong khamuan huai in lungmuan huai mahmah hi.

Sya David Mungno tangthu pen a tom in hibangin kigen ziau thei hi. Mi lungduai, a thukhual, ciamnuih siam leh mi hehna dingin a kampau ngei lo mi lungsim hoih mahmah khat hihi.Amah tawh kikhol leng kimaitai den mawk hi. Mipil pawlkhat tawh a kilamdanna pen Sya David Mungno in Secular lamah Master Degree ciang bang angah liang hangin laitaan nei het lo mi nautangte tawh holim khawm in nui khawm thei hi. A kiniamkhiat thei mipil cihna hiin etteh huai mahmah hi. Ih biak Pasian in ompih tawntung hen la, Pasian gam leh minam aa dingin na tampi a sem zo semsem dingin Topa’n thupha hong piaksak ta hen.

ZAM Card tawi Zomi te ading nasep

Klang Valley sung aom Giant Supermarket ah nasemding pasal 31 leh numei 5 ki deihkin mahmah hi. A lunglut peuh in ZAM Palai nasepvaisai Sia Mangpu 019 510 6413 na hopihpah un.

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  zomiassociationmls@gmail.com



 


Comments




Leave a Reply