WWW.TUNGZANGNEWS.COM

 

Zomi Innkuan USA
Executive Committee


Thupulakna
May 6, 2014

Zomi Khawmpi USA 2014

1. March 29, 2014 ni a kibawl, Zomi Innkuan USA kipawlna, Board of Directors pawl Thukikupna sung a thukhensatna zui in, ahong tung ding July 4th Holiday Week-end ciangin “Zomi Khawmpi USA 2014” pawipi kibawl ding hi.



2. Zomi Khawmpi USA 2014 pawipi pen July 4~6 ni sung tengin, US gam sung a Zomi-te khuapi, Tulsa khuapi ah kibawl ding hi. Khawmpi innteek dingin Zomi Innkuan Oklahoma kipawlna leh, khua sung Zomi Pawlpite, Khua kipawlna tuamtuamte a kipan, Tulsa khuanu khuapate, nungak tangvalte kicial hi.


3. Zomi Khawmpi USA 2014 pawipi pen ngeina bangin abukim mahin bawl ding in Executive Committee in kivaihawm hi. Khawmpi sung ah anuai a pawi tuamtuamte picing takin kibawl ding hi.
(A) Zomi Innkuan USA Cup Soccer Tournament
(B) Zomi Idol USA Competition
(C) Zomi Concert USA
(D) ZoLia & ZoTaang Contest
(E) Zomi Forum
(F) Zomi Siamsin & Youth Forum



4. Zomi Innkuan USA Cup Soccer Tournament (tukpeng kidemna) a vaihawm dingin US gam sung a om Zomi tukpeng siapite zawnin Committee khat phuh ding a kihanciam laitak ahi hi. Tutung tukpeng kidemna bawl dan ding pen Committee in a kicing in hong taangkopah ding hi. Hih vaite ZIUSA Sports Secretary Tg. Hau Khan Tuang (Tuangpi@469-254-3341) in avaan laitak ahi hi.



5. Zomi Idol USA Competition (lasak kidemna) a vaihawm dingin Committee khat kicialkhin a, atuam in Thupulakna kibawl ding hi. Committee in lasak kidemna ding tawh kisai vaihawmna khempeuh a kicing in hong taangkolai ding hi. Hih vaite avaan dingin Lia Suan Ngaih Lun (Suihlun@918-206-0498) kicial hi.



6. Zomi Concert USA lasakpawi a vaihawm dingin Committee a kicial laitak ahi hi. Hih vaite Music Secretary in Pa Thang Do Hang (Hangpi@305-401-1513) in avaan laitak ahi hi. Zomi sung a tumging siam siapite cialin Zomi Concert Band khat kicial a, asawtlo in hong kitaangko ding hi.



7. ZoLia & ZoTaang kiteelna a vaihawm dingin Committee a kicial laitak ahi hi. Hih vaite avaan dingin EC Member Lia Vung Sen Lun (Lun@918-933-6418) in avaan laitak ahi hi. Vaihawm dante asawtlo in hong kitaangko ding hi.



8. Zomi Forum (Gam leh Minam vai holimna) hun limci khat kivaihawm ding hi. Khawmpi Zinmangpite leh gam leh minam vai tawh kisai makai mipil misiamte in thu hong sung, thu hong hilh ding uhhi. Hih vaite avaan dingin EC Member Pa Tual Khan Suan (Suanpi@615-715-5147) kiseh hi. Zomi Forum tawh kisai vaihawmnate asawtlo in hong kitaangko ding hi.



9. Tutung Khawmpi pen Siamsin leh Khangnote kibulphuh a, US gam sung a om Zomi University sangnaupang khempeuh leh a khuakhua a om Zomi khangno makaite kizawn ding hi. Siamsin leh khangnote kikhawlhna leh holimna hun thupite kivaihawm ding hi. Hih vaite avaan dingin Secretary of Youth Affairs, Tg. Nang Khan Dong (Dongno@817-500-3163) kiseh hi. Siamsin & Youth Forum tawh kisai vaihawmnate asawtlo in hong kitaangko ding hi.



10. Khawmpi Zinmangpi in ahong pang dingin Kawlgam leh Vaigam pan Zomi Makaipite kisam ding hi. Zomi Concert ah lasa dingin Kawlgam Vaigam panin Zomi lasiam minthang pawl khat kisam ding hi.



Zomi Khawmpi USA 2014 pawipi asiim dingin US gam sung a om Zomi khempeuh, itna ngaihna tawh hong kisam hi.


Executive Committee
Zomi Innkuan USA, Inc.


GSKhup
President

Tulsa, OK.
May 6, 2014

 


Comments




Leave a Reply