WWW.TUNGZANGNEWS.COM

 
Ih theihsak mahbang in Kawl Kumpi in 2014 kum beima in By Election khat bawlsawm leuleu a, Tedim South Constituency pan Pyidaungsuh Hluttaw, Amyotha (Hlumyosuh/Upper House) Hluttaw ah MP panmunlen ding kiteelna kibawl sawm hi. Hih MP panmun pen tu Term (Kum 5 Term) a beikum 2015 kum ciang ding ahi hi. Kum khat omlai cih theih hi.

Hih 2014 By Election Tedim South Constituency ah MP muntuh ding in Party tuamtuam pan midang ahi hethet lo Zomi teng mah kituh lunglung ding a a nuai a Party teng leh MP teng kiseh/kithtawi  cihthu ahihi.

ZCD- Pu Chin Sian Thang

USDP-Pa Hang Khan Khai ( Ekhai)

NLD- Pa Thang Do Lian (Hollywood)

CNDP- Pa Neng Do Thang( Phunom)

NUP- Prof: Sawm Pau

Tutung a Tedim South lam a kiteel ding MP panmun leh, Pyidaungsuh Hluttaw (Upper House) ah ma apang ding hi a, Mipi deihna bangin Thukhun a bawl ding, Thukhun a puah ding panmun ahi hi. Adiak in 2015 kum Kiteelpi ma-in Thukhunpi kilaih zawhna ding ci-a, Daw ASSK mahmah in ahanciam laitak hun leh, tua hanciamna pem Hluttaw (Parliament) sung mahmah pan a mapang ahih manin, hih bang dinmun ah Zomi-te tang'in Daw ASSK tawh liangko kikim a ma apang zo ding, Thukhun a kum thei ding, Thu a sung thei ding MP kician khat a kisam mahmah ihhi hi. Kum khat valdeuh sungbek a omlai hangin, Kawl gam ki-ukna tawh kisai leh mailam Kawl gam kilam zia ding tawh kisai Thukhunpi leh Thu leh La a kigeel ding laitak, Critical Moment a hih manin, hih hun leh dinmun pen Zomi-te in ih zatsiam mahmah ding kisam mahmah kici thei hi.

Hih atung a party teng I etsuksuk ciang NLD party leh ZCD peen Alliance khat ahihban ah NLD leh UNA kithukimna tawh kituak in ZCD party demna ding mun ah demloding uh ahihman in MP mun atuh sawm Pa Thang Do Lian ( Hollywood ) peen amaphuahtawm NLD ahihkei buang leh kiteelna ah aluutloding uh ahihi. ZCD leh NLD makaaipi Daw Aung San Suu Kyi zong kiho khinta uhhi.

USDP icih leuleu peen adiak in Tedim leh Tonzang in MP mun ipiakzawh kum 3 vaal hita a, Thankikpi khatzong ongtut naailo party ahihman mipi in ngaihsut mahmah akuul ahihi. Tua ban ah Gaalkaap in anungpan thautawh a ukkawikawi azuihkawikawi hi a hih party milimlim peen akam uh khum in thau atawi kawm ama puanuaithau tawh thau 2 ta atawi ahihman un milauhuai vive ahi uhhi. Tua ban ah Democracy mantaktak kawlgam in ngahleh gilbeem kipuakding vive hilel ahihman kuakua ading zong in USDP party peen mee piaktaak teeltaak hikilkel lo hi.

NUP party leuleu ahihleh akisamlo party vaalkhat ahihi. Ahang in Democracy gaaldona leh kalsuanna ah Mualtung mi party makaai muanhuai mahmah te kitak a aphuh uh UNA omkhinzo ahihi. Tua ban ah kawlte in Mualtung mi te party atha haatluat ding gentehna in 1990 kum a Shan te khawng ongbatding alau manvua ongbawlna Party namkhat hiding inzong upmawh huai mahmah hi.  

CNDP party leuleu peen itheihding in Chin tawh kipan party peuhpeuh peen khut tung lumleh abang logo nangawn kiciantak a aneizolo party ahi uhhi. 1990 kum in CNLD cihkhat nei uh a mangthang hi. 2010 ciang CNP ongding uha, Cim Nuih Party kicih sak ahihman CNDP tawh laihkik uhhi.Tua ban ah igaal ahihpah loh hang Zomi te khantoh nading ongkhaktan , ongdem, nenniam ding ahanciam Pawi te tamna party ahihban ah Zomi te luangtampi onggolum a luangman tuniciang dong ongpia kilkel lo CNA te khutzat party hi a CNA party cileeng zong akikhiallo ding ahihman Zomi te ading in ngalkhua hang zah a alauhuai mahmah ahihi.

Hih atung a party tuamtuam tengpan MP dingte I et ciang Zomi vive hinapin ZCD losiah Zomi cih akihelna khatzong imukeiding hi. Tua ahihman hih Zomi MP tuhsawmte in MP asuahma  nangawn un Zomi te ongkin kilkello cih kimukhin hi. Zomi ongkin ong it uh hileh ZCD party adeih kei phial uhleh zong Zomi minpua party adangkhat dingding uh ahihi. Minam dang minpua a Zomi sung a na ongsepsawm hih MP dingte peen Zomi te deeksi ongdawn a minamdang te kiang isa ongzuakding te ahihman naak lauhuai mahmah mihingte ahihban vuah Mee ipiaphial zong in khahpi khatzong ongtut loding cih muhsa ahihi.

ZCD peen ZNC hunlaai pek in Zomi ten meepia in iteelngei himah leh 1990 Gaalkaap kumpi tu a USDP te in thuneihna buluah in thautawh ong-uk cip ahihman anasepding bangmah seemkhalo a tudong ahici om ahihi. Ahizong in 1990 kumpan tunidong Thautawi gaalkaap kumpi kita hetlo a asukato ah ado ngam party peen Chin state bup ah ZCD bek ahihi. Tua ban ah atung a igensa mahbang in Daw Aung San Suu Kyi,8888 te leh Democracy party tuamtuam te in 2008 Kawlgam thukhun Hlutdaw pan puahding ci in ageel laaitak uh ahihman hihmun ah Thu asung zoding/thei ding/ngamding leh Daw Aung San Suu Kyi tawh khut kileending in ZCD party pan Pu Chin Sian Thang bek kituak kilawm ban ah amahbek mah in aseemthei ding ahihi. Za ngah nopman peuh a minamdang te party khawng ah Zomi te ongzuaksawm te pawl kizangthei lo ding ahihi.

Tua ahihman in 2014 Myanmar By Election Tedim South Constituency  ah MP ding in ZCD party pan Pu Chin Sian Thang peen 100% mee ipiak ngeingei ding Zomi kheempeuh I mawhpuak leh akilawm peenpeen ahihi. Hih tutung a Pu Chin Sian Thang mee pia a MP ongsuahna in Zomi bek ahilo Kawlgammi bup aiding leh Kawlgam Democracy ongpian nading in mannei mahmah ding ahihman lunghianglo in Pu Chin Sian Thang bek Mee piading hihang ci in kongzawn hi.

Thang Khawm Pau Zomi 




Attach file ah PDF tawh nasimsak unla, Tedim gam ah A4 tawh Innkim ah akihawm zawh nading in onghuh nuam na om uhleh naseem khawm ni. 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.com,Thang.pau@perdue.com
www.perdue.com ,www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply