WWW.TUNGZANGNEWS.COM

 
 
Hih anuaia guhsia kihaal leh luguh leh pumpi kikhen gawpte Kawlpi Zomi uliante gamtatna hi.

Pasian nasemte kihta kei ung, amau samsiat zong si beek kei nung, Pastor bang hilel hiam ciin District zum nangawn ah Pasian nasemte simmawhna kampau uhi.

 

Hankuang sunga akila nailote nangawn dokkhia-in alomhalna anuai ah om a, misi Singlamtehte zong balkhia satkhia-in misi dumkuak khat ah lomsiat uhi.

 

Santa Han a kivui pawlpi 62 om a, misi tuahnuam kuamah omlo hinapi pawlpi shield gu a minthuh pawloi 12 leh ZBCM om hi. Sia Zam Kap Lian inzong, Dowai a kivui ding a'ut kuamah omlo hinapi Santa, Tahan, Taungphila Hante kisusialo ding hi ciin kamciam ka piak ciang un utlopipi hong mang uh hi a, tulai Zomi/Chin uliante in fund zonna dingin hantuah ding vai na hawm sim uh a, hanmun iplahte in Kawlpi han 10 ah project geelin han phiat ding sawmin mipi dotna khatvei beek omlo, tua project nangawn galkap hun, ut utlo kisailo a kisuai, Democracy hun ah galkapte lo laksak nangawn akipiak kik laitakin mipi neih hanpen USDP uliante in aana tawh alaksak phiatsak a, khitui luangin kap ziahziah a han tuahsak pen kilawmlo bek thamloin Pasian in awilo ding hi. Akhansung nuamsa tuanlo ding hi ciin gen hi.

 

Han tuah nailo tampi om a, lei vuknelh gawp uh a, la/tuah nuam taleh akimu zo nawnlo zong om hi. Atuah zolote huhna kingen taleh uliante in sum omlo ci uh a, sum omlo tan 10 sang lam zo dingin kiumlo hi. Tan 10 sang pia napi leitang leisak zolo kumpi leh USDP party zong kuamah in um lo hi.

 

Thusia penpen ah mihing muhna ah ateivang phalo Haupu (Zo - anuaia ding zelzal pen amat uhi) in azi anu asungnu leh atate siluang 4 tak nei a, tuah nuam hetlo ahih manin azi ata hancing a, akinawt ciangin heh lua khasia lua ahih manin vakitom gawpin uliante in palikte mansak uhi. Lalpu akicipa in zong bangdingin misi koih hithiat lello nahiuhiam cigawp hi.

 

Atei phalo akicite nangawn in hanphiat hoihsalo ahih leh anavakte utlo zawsan lai ding hi. Pasian leh Pasian nasemte akihtalo Zomi ulian hausa ineihte in Kawlte mai-etna leh project omleh sum tampi ngah ding lam-etna tawh Kawlpi khantohna ding paulapin Zomite khitui luanna ding mah hong bawl uh a, Zomite tangthu a amang ngeilo ding thu khat ahi hi. Khitui luanna leitang ah thupha om ngeilo ding hi.

 

Santa han pen Satan pawlte phual suak ta hi.

 

Lang Khan Khai

 


Comments




Leave a Reply