WWW.TUNGZANGNEWS.COM

 


A. White Card tawh party vaiding khia te dinkhawl ding.

Myanmar gamsung ah hongtung ding kum 2015 kiteel pi omding ahihi. Tua hun teh kiteelna alut ding party tuamtuam sung pan white card din mun ciang tawh gam mi hihna anei party te in party nei thei loding in thukhun thak om ta ding ahihi. Anei khin aom zenzen leh zong thukhun ombang in dinkhawl ding thu thak om khin ta hi. White card tawi peuhmah in vote zong pia theilo ding ki beisak in ki khak cip phot ding uh cih thu om hi.

 

B. Tedim Sangpi lutna sum 1000 kila piak kik sak ding.

2014-15 Siamsin sang 2 June 2014 in kihong kik ta hi. Tedim sangpi ah Syapi Pum Khan Langh in Sang naupang te lutman kyats 1000/- ta tawh Application from leisak ahih man in khuanu khuapa te in kumpi inzong laidal laikung akhawnkhong in hawm khia a, Kumpi nasem te kha sum zong kikhan kimlai Syapi Pum Khan Langh in khasum sanglo khuanu khuapa te tungpan Kyats tul 1000 sanglutman alak piak kik ding in 2 June 2014 Tedim khuazang Siamsin sya teng leh khuanu khuapa kimuh khopna pan thu khen tat uh cih kiza hi. Sya pi Langh pen TEO Sya Khual akhawl teh TEO leh Syapi sem khawm in om vai asah mahmah laitak ahihi.

 

C. 1876 call Center ah' Liangvai thaneem 30 nasep kipia ding.

1876 call Center ah pumpi tha neemna anei khe kimlo, mitvak lualo, khut kimlo, kampau awsiang lo' Bengbil khua za pakpak lo liangvai thaneem mi 30 nasep hoih kipia ding a, khakhat in Kyats 70000/- lawhsan ding in vaihawmna call center pan nei ta uh hi. June 10 pan 12 hunsung Sedona Hotel ah Liangvai thaneem te kimuh khopna om ding ahihi.

 

D. Sagaing khuapi Paan Kyia Moong Niangtui sai meikaang.

Zomi siamsin tampi tak siamsin na Sagaing khua pi Paan Kyia Moong 786 Niangtui dawr thupi tak in om meikang in kangtum hi. Zankim hun laitak meikang hi in huih anun hang in inndang lawh lo ban ah' CB bank tawh kizom hi in Bank mei in lawh khalo cih kizahi.

 

E.Close Season' Close Area vai kihong kik.

April 1 pan May 30 kikal sung Kawlgam tuipi neihna sung ngasa kibeng theilo ding ci in thu nei vaisai ten khak cip uh hi. 2014 June 1 pan kipan Ngasa beeng kik thei ding kihong leuleu a, Tembaw 65% in nasep theihna ngah kik uhhi. Mitampi tak mah in nasep nei kik suak hi. Ngasa mat loh ding hun pen Ngasa atui hun laitak' ano suah hun laitak kiman leh ngasa bei baih ding ahih man in aki khak hi cih' Ngasa leh Tuipi lam thusa Mangputal U Nyun Khin in gen khia hi.

 

Hau Thang

 


Comments




Leave a Reply