WWW.TUNGZANGNEWS.COM

 
Dear: Zomi khempeuh.

           Zomi khempeuh gualzawhna leh hi bangin sem khawm diamdiam, pan khopna in hoih tak minam pi ding kipho lakna taktak ahi hi. Ni sawm leh ni khat sungin Tungzang khuapia , minam kisim nading Campaign ah mipi 700 valte lungdamna leh Zomi hihna, Myanmar Census tawh kisai-in khua' kiim khempeuh kisam in kihel kim thei ciat uhhi. Hih Zomi te' hihna leh kipho lakna tawh kisai-in Zomi te mailam ding thangah huai leh lawpna tampi Topa'n hong musak ahih manin minam ading thungenin ma pang ciat ni' Zomi te!

       Zomi I hihna, minam khat I hihna leh Zomi te thute zong Pasian thugen mah bangin tangko zel ding thupi kasa mahmah hi. Hihna atel aom hangin atello zong om hi, Pasian thu zong i theih hangin hoih takin cialpi na om kei leh vantung gam tun nading thu zong kitel lo zel thei hi. Minam khat I hih mah bangin minam kalsuan zia, minam vai maban te leh minam khat kipum khat theihna thute mikim tungah tui bangin buak kiim zo leng Zomi te kino suah mahmah dingin ka lam en hi. Zomi akihel khempeuh Niangtui leh Moh kivak khual pana sapna tawh paite vok khat tawh sun an nekpih uh hi.

     Gualzawhna dingin eite hanciamna tungtawna, Topa'n hong piak ahi hi. Tungzang khua ah milip kisim sungin zong amunmun pan laihawm tampi om hi, 914-ZOMI cih loh nading thuging virus tampi om hi. Tua Lai kihawm/ lai ki at thute khempeuh hoih mahmah tase leh Zomi cih kammal it huai leh deihngiat uh ahih manin laidal cinglo dek phial zahin Zomi ki-at diamdiam uhhi, hih pen Topa' hoihna hang hi. Pasian muanga kalsuan I hih mah bangin Zomi te kilungtuak ngiatna te in thaman i ngah ding ahi hi.

Gam khangto sate zong eimah bangin tualniam uh hi, khantohna I delh laitakin lampial khial kei ni' makai leh mipil ten lamman I ngah nadingin mipi tawh kikhut kilen in mainawt to ziahziah ni' hi bangin vaite apian theih nading in Tungzang kipawlna pan TGA mintawh Sia Hangpi ZIUSApanin huhna Ks200,000 hong ngah saka tua zom ah Tungzang khangno kipawlna TYA in kiallap in huhna $1,000 kai khawma Zomi Zogam ading Pasian masuanin na I sem ciat hi. 

Anuai ah et theih dingin pawl khat Video in kong khah uha lunglut ten na et sak unla khialhna leh kilawm lo om leh kimai sak ni' maw' Lungdam.


https://www.youtube.com/watch?v=U4ETEdhZegM

https://www.youtube.com/watch?v=NZ0S5zHB2B4

https://www.youtube.com/watch?v=2NdJkwr6Y7o

https://www.youtube.com/watch?v=S6ncva00w8M

Zomi hihna sungah.
Pau Thawn Kap
Tungzang khua (2014)
 


Comments




Leave a Reply