WWW.TUNGZANGNEWS.COM

 
Tulaai Leitung Thuthang Tuamtuam Updates June 11, 2014

·      Kawlgam Maguay Vanlaam gaalkaap phualpi pan Kachin te dodan ding kisin a leeng zialzial kawlgam gaalvaan leeng MIG-29 kici Russia bawlte khat June 11, 2014 ni in kangtum hi. Ahawl minih bel sih leh sih ci in Huihlukhu tawh leengkhia uha, tawmtuak liam in nungta sam uhhi.

·      Kilawmtaatna bawlkawm ding leh India te kivaai puakzia encian ding in Kawlgam Tuilam gaalkaap te June 9,2014 ni in India gam tuitaw  lam a om India Tuipi gaalkaap phualpi tungkhinzo uha, ni 4 sung taamding uhhi ci in India gampan kihsawm thei Hindu thuthang in June 11, 2014 ni in genkhia hi.

·      Kawlgam ah MP kiteel takciang PR kici Mee tang hawmsiam cih kalsuanzia zatding nithum sung Kawlgam Amyotha Hlutdaw ah akikup khit uhciang, June 11, 2014 ni in deih leh deihlo meetang tawh thukhen uha, 117-deih,85-deihlo cih ahihman adeihtamzaw cihtawh khensat uhhi. Adiak in Mualtungmi part teng leh NLD te in deih kilkello himah leh Hlutdaw ah tahetlo uh ahihman in amauthu kingaihsak nailo suak hi.

·      Yangon Tamoi a om Penang Kawl Tuulpi ( Phungzi ) pa omna Kawl Biak Inn pi Kawlgam bup Buhdha biakna kipawlna te sawlna tawh Palik,Lutol tampitak June 10,2014 ni zan in luut uha, Lutol noteng man in abiak inn khakcip uhhi. Hih biak inn peen Penang Siampu pa leh kawlgambup Buhdha biakna kipawlna te aneih akituh tawntung kici hi. Hihthu hang in Penang Siampu pa ( Amin nawngkaai bualbual ) in U thein Sein leh kawlgam uk te kiang ah kakhia ding ci hi. Politics paizia manloh man in kawl le kawl kinuai masa uh, Azawhloh uhciang, Minam kaal Biakna kaal kinuaisak uh, Tun Biakna kibang leh amau biakna ngiat sukhamding kithawi leuleu uhhi.

·      Iraq gam sawtpitak aukcip US te matkhiat Saddam Hussein tennakhuapi ahi  Tikrit khuapi kumpi langdo Islamic tapong te in June 11, 2014 ni in sim uha, Buluah uhhi. Atawmpeen mi 21 that uha, 40 vaal liam in Turkey gammi kumpi naseem 50 vaal man uhhi. June 10 ni in zong Mosul khuapi la uha, mipi 500,000 in inn le lo nusia in taaikeek uhhi.

·      Afghanistan Taliban te matcip US gaalkaap Sgt Bowe Bergdahi leh Taliban US te mat mi 5 kikheekna hang in US kumpi sung ah President Obama leh alawmte kimawhsak mahmah nahang in June 11, 2014 ni  in Secretary of Defense Mr Chuck Hagel in Innpi ah gencianna nei hi. Aman agenna ah hihvaai peen President Obama geelna sapna tawh kivaaihawm hi a, hoih kasa a, kapanpih hi ci in gen hi. House Speaker John Boehner inbel Leitungbup ah US gam I bitna tawm mahmahta ahihman ithuak thuak kulmaita ve cih niangnuang hi.

·      June 12,2014 ni ciang akipan ziahziah ding 2014 World Cup Tukpeeng pawipi dawn ding in kagam akigingsa akipan lianding in ninthem teng kihahsiang khinzo a Ready ta hi ci in June 11, 2014 ni in Brazil TV pan President Dilma Rousseff in genkhia hi. US gam ah sun leh second shift semte adding etnading lemcang lo sese

·      DR Congo  gam leh Rwanda gam gamnih kikaal gaalkaap kimatsakna hang in June 11, 2014 ni zingsang lampan kipan in gamnih gamgi dung ah kikaap ciatciat uhhi. Vanlam bel hilian naailo napin leilam ah bel abuaibuai uh hita hi.

Lungdam

Thang Khawm Pauzomi

http://zomipausektak.blogspot.com/2014/06/tulaai-leitung-thuthang-tuamtuam_11.html


--





Thang Khawm Pau ZOMi
Bowling Green , Kentucky
USA
Cell- 270 -217 9593
Personal -joseptpau@gmail.com
School -tpau0001@kctcs.edu 

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply