WWW.TUNGZANGNEWS.COM

 
Tulaai Leitung Thuthang Tuamtuam Updates June 4, 2014

·      Zomi sung ah I angtan pih mahmah leh imuan mahmah ahi Singapore Zomi Innkuan President Dr Hau Za Cin@Cinpu sungh nu ahi Pi Ciin Khan Niang@kum74 in June 3,2014 ni in ateena Kawlpi ka Inn veeng pan in Pakiang ah ongciah san hi. Kawlpi peen tulaai tak lumlua mahmah ahihman in kumtam sa te in thuaklah mahmah uhhi. Dr Cinpu te Innkuan leh adah akap kheempeuh tawh kibang in idah a, Topan khasiangtho in ongheh neem kimciat ta hen.

·      Zomi ten tuma kha nih laai pan kipan in Zomi tawh kisai kawlgam ah mikisimna huhau in inaakbuai pih mahmah, tu in zong akhawl naai ahikei hi. Mun khat peupeuh ipai ciang, Khua khat peupeuh ihawhciang Minam, Biakna vaai ah I code number te a hi 914-421-400 te na ompeel mawhding ahihman in na Code Number na mangngilh khakloh ding thupi mahmah hi. Tuhun ciang in 914-Zomi deihlo tata gulpi sia bang in kawi nguaunguau in kineih siam mahmah uha, Zomi ihihna ong mangngilh sakzo liang ding in Zomi ahilo Satan pawlte kithawi litlit ta uhhi. Iminam min ihihna Zomi thupi zaw maw, Ankuang khat cih ngaihsut dending mikim ikitaangsam hi. Zomi ahilo te leh ait taktak lo akineih te agial ongdawk pah hanhan lelding hi.

·      Kawlgam sung gamvaai tawh thongkia lui te kipawl khawm in June 7 nipan kipan kawlgam bup ah Pingpei thukhun 2008 sung a kihel ahi thukhun nambat 436 paih ding mipi hanthawtna hawmkhiading uhhi. Hih 436 thukhun peen banghiam cihleh 2008 thukhun anengnokhat nangawn akibawlphat ding leh Hlutdaw 75% I thukimna ban ah mipi tung thukimna kila leuleu in 50% sang tamzaw athukim leh kilaih theipan cih ahihi.Hlutdaw sung ah 25% Ngapik thautawi hipah in USDP 50% vaal uh ahihman leitung beidong kilaih theilo ding a Ngapik te bawl ahihi.

·      China gam Beijing khuapi sung Tiananmen Square 1989 kum China kumpi te in Democracy deih a lungphona anei mipi te banthah in amat mang kum 25 cin phawkna in Hongkong ah June 4, 2014 ni mipi atulsawm lom asim in nasiatak lungphona nei uhhi. China gam ah bel palik galkaap tamlua ahihman in daai zaw deuh uhhi.  Leitung gamtuamtuam te leh US te in China ten Human Rights athupit bawl nading un ngetna hanthotna bawl ciat uhhi.

·      US gam te in Syria gam sung pan gaaltaai micimawh te panpihna ding in UN tungtawn in $290 million kapia ding uhhi ci in Lebanon gam Beirut khuapi pan June 4, 2014 ni in genkhia hi. Leiban hau mahmah ci milah huh ziahziah ngaihsut huai kasa maimai

·      President Obama Europe gam akhualzinna ahi Poland gam Warsaw khuapi pan USA te in EU gamsung ah gaalkaap tha nasia tak behlap in $1 billion ciang sumtang a zatding geelna aneihna thu June 4, 2014 ni in genkhia hi.

·      KNU makaai Boyokekyi Mu Toe Si Pho te lawmta teng leh Presisent Thein Sein, Gaalkaap Ulian te tawh sawtkhopkhat June 4, 2014 ni in thukikum thei uha, Tukum beima teitei in kawlgam bup kilem suaikaihna apianzawh nading kinaak kup phadeuh uhhi.

Lungdam

Thang Khawm Pauzomi

http://zomipausektak.blogspot.com/2014/06/tulaai-leitung-thuthang-tuamtuam_4.html

--

Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593joseptpau@gmail.com, Thang.pau@perdue.com www.perdue.com , www.zomipau.wordpress.com
Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply