WWW.TUNGZANGNEWS.COM

 
Tulaai Leitung Thuthang Tuamtuam Updates June 5, 2014

·      Kawlgam 2008 Pingpei thukhun puahphat nading mipi tung taangkona NLD leh 8888 te taangkona June 10, 2014 ni ciang Tanentari Division Meih khua ah neiding ci in kumpi tung mun angetna uh ah kumpi lamten pia nuam nawnlo hi ci in Ko Min Ko Niang in June 5, 2014 ni in genkhia hi. Hih bang a NLD leh 8888 te nasepna ah khaktan in alausak denkeei Kawl kumpi te HRW in hawksan hi.

·      Karen minam gaalkaap KNU pan palaai teeltuam pawl leh Upper Parliament Speaker U Swe Mann, U Aung Myint cihte pawltawh Nipydaw ah June 5, 2014 ni in kimukhawm uha, Singkuang leh Aikuang ( Thungkuah leh Ngapik ) kikheek zialzial nong uhhi.

·      Leitung Gam thahat 7 te ahi G7  te thukikupna Belgium gam Brussels khuapi pan June 5, 2014 ni in thusuah bawl uha, South China Sea tung a China te gamkeek dik asakhetlohna uh leh Ukraine gam a Russia te dik asaklohna uh pulaak khia uhhi.

·      US gam California state San Diego khuapi pan tai 90 na  Imperial khua sung a om inn tung khat ah June 5, 2014 ni in Gaalvanleeng   AV-8B Harrier Jet khat kia a vanleeng hawlpa bel bangmah cilo himah leh zato kipuak a inn leh Vanleeng bel kang in meiphet ten phetzo uhhi.

·      Afghanistan Taliban migilo te mat US gaalkaap Sergeant Bowe BergdahL akihel mi 5 leh US te mat Taliban migilo 5 akikhek na ah President Obama akilawmlo pi in vathum hiding hi ci in US mipi te leh kumpi sung mahmah pan gensiatna gingziahziah ahihman in June 5, 2014 ni in Obama in Brussels khuapi pan hih vaai ah tawmzong kathum kei a gaalkaap ah azalian peen kahihna tawh katate suahtaakding ageel ka hi hi ci in genkhia hi.

·      Maikaal sung akipan tading ahi World Cup deihlo Brazil gam a inn le lo aneizolo mizawng daaipaam mi 10,000 in lampi tung ah paikhia in Sao Paulo khuapi sung Corinthians Stadium kiim kot in lungphona nasiatak nei ziahziah uhhi.

·      D-Day kici Nazi pawl French te aphialpaih kum June 5, 1944 kumpan kum 70 cin phawkna pawi June 5, 2014 ni in Portsmouth Camp pi ah kibawl a President Obama in thukonghona thu gen in Gaalpi nihna hunlaai a gaalkaap adamlaai 100 vaal zong kihel uhhi.

·      DR Cargo gam Bukavu khuapi kiang ah aom thong innpi khat June 5, 2014 thongngak te in acing palik te thausut in athong kongkhak te kapkham in hongkeek uh a thongkia mi 250 taaikhia man in mi 3 si hi ci in Cargo official in taangkokhia uhhi.

·      Nigeria gam ah April khasung numeino 200 vaal amancip Boko Haram migilo te in June 5, 2014 ni in Maiduguri khua ah mi 45 thatlum uha, tukaal sungbekbek amithah uh 200 vaalta ci in thunei ten genkhia uhhi. Amat uh numeino te lah kuaman honkhia zonaailo tadih hi.

·      India gam ah mipi teelthakna angah liklek Prime Minister Narendra Modi in ama ading amasapeen ahi US gam zin in President Obama tawh September kha sung in kimu ding hi ci in June 5, 2014 ni in taangkokhia hi. Hih peen President Obama saap masak hi ci in genbeh hi.

·      Philippine gam leh China gamte buaina ahi South China Sea sung gamkeek buaina hang in Philippine gamte in Leitungbup thukhenzum ah athu puak uha, China te in Dec15,2014 ni ma athu ala acing in Leitungbup thukhen zum ah puakding cih hina pi June 5, 2014 ni in China te in athupi simlohna thu uhleh a awlmawhlohna thu pulaak khia uhhi.

·      Palestinian gam sung thautawi nanih ahi Fatah leh Hamas te kigawm uh ahihman in Israel kumpi ten zong West Bank kuamteng ah Inn thak 1,460 lamthak ding in June 5, 2014 ni in khensat uhhi. Inn le lo tawh kisai Ulian Uri Ariel in hihpeen Fatah leh Hamas te muahna hi a akipatna hipan hi ci in genkhia hi.

Lungdam ei

Thang Khawm Pauzomi

http://zomipausektak.blogspot.com/2014/06/tulaai-leitung-thuthang-tuamtuam_5.html

 


Comments




Leave a Reply