WWW.TUNGZANGNEWS.COM

 
 

Zomi D.C News: Zomi Khawmpi USA 2014 picing takin kizo, photos pawlkhat kien thei ta

Zomi Khawmpi USA 2014 picing takin kizo

 

Zomi Innkuan USA (ZIUSA) te makaihna tawh Zomi Khawmpi USA 2014 pen Tulsa, OK ah July 3-6 sung nasia tak leh picing takin kibawl aa, tualai ah Zomi Idol kidemna, Zomi Innkuan USA Cup kidemna, Zolia Zotaang kidemna leh Zomi/Siamsin/Youth forum bawl na tuamtuam te picing tak leh gualzo takin kinei thei hi. Tualai ah Zomi tampi in vamuak thei uh aa, USA gam sung Zomite bawl pawi lak pan a nasia pen leh mi a tam pen ding in kiciamteh hi. Tua bek tham loin, Zomi Innkuan USA Cup tukpeng kidemna ah a kihel pen State tuamtuam pan team 18 pha aa, tukum pen akihel team atam pen hi kha ding hi. Kawlgam pan Zinmangpi te ahi, Pu Gin Kam Lian (ZCD), Zomi Lasa minthang Sianu Esther Cingsan leh Zomi Siamsin Kipawlna, Kawlgam makai Tg. Bia Mung te zong hong kihel thei uh hi. Zomi Innkuan Washington DC Area (Zomi DC) kipawlna pan zong General Secretary Pa Thomas On Sian Mung leh Khangno pawlkhat te zong tua khawmpi ah va kihel thei uh hi.

 

Tukum pen abeisa kum te sang picing zaw leh nasia zaw bek thamlo in mipi akuamah ciat kilawp tek leh tha kingah tek aa, picing takaa hong vaihawmkhia ZIUSA makaite leh ZIOK inntek te tung kilungdam mahmah hi. Mailam ah zong hisang apicing zaw leh a nasia zaw semsem aa i bawl zawh semsem nang hanciam ciat ni.

 

Zomi Khawmpi photos pawlkhat:

https://picasaweb.google.com/osmung/ZomiKhawmpiUSA2014PhotosPawlkhat

 

Brought by

Zomi DC News Group

 


Comments




Leave a Reply