WWW.TUNGZANGNEWS.COM

 
Picture
A Thu: Zomi Khawmpi USA 2014 Media Committee pan Lungdam kohna


A Thu: ZOMI KHAWMPI USA 2014 Media Committee pan Lungdam kohna
Dear ZIUSA EC, State tuamtuam pan Zomi Innkuan makai khempeuh, Pawlpi tuamtuam pan Sia te leh Zomi Khawmpi hongpai/hong paizo lo akuamapeuh,

July 3~6, 2014 aki bawl Zomi Khawmpi USA 2014 pen akuamapeuh thungetna hang in, gualzo tak in bawl in, cidam lungnuam in, i omna inn-phual ciat zuan kim theitek ihih man in, i biak Pasian minphat masa hang.


Hih Zomi khawmpi hunsung in, Khawmpi limtak in i bawlzawh na ding in, committee tuamtuam ki khen in, tua committee te khat ahi, Media Committee in, hanciam tak in, a theihna te uh, a siamna te uh itsiit lo in hong zang in, leitung mun tuamtuam pan ‘Live’ in et thei ding, Zomi Khawmpi tangthu ciapteh nading in ZomiInnkuanMeida Youtube Channel ah, ahunhun in ki record ahihi man in, Media Committee member mimal akuamapeuh tung kilungdam mahma hi.

Khawmpi akipat akipan, atawp dong, Biak-inn hong zangsak FGA of Tulsa te tung, ki lungdam mahmah hi. Tuabek thamlo, camera, switcher media tawh kisai van khempeuh itna leh veina tawh hongzang sak, FGA of Tulsa pawlpi kem Senior Pastor Rev. Siama Niang, Associate Pastor Rev. Pau Mung, Rev. Dr. Dam Suan Mung (Sia Mungtawng) leh FGA pawlpi media group, FGA pawlpi mi khem peuhtung naakpi tak in lungdam hi. Minam na itna te uh leh, minam ading nasep, nabawlna te uh Pasian in azah tampi in hongthuksak ta hen.

Tuamah bang in, Khawmpi ni masa ni July 3, 2014 (Thursday) nitak in ZBCM media vante leh Biak Inn, phaltak in hongzang sak Rev. Kap Khan Mang leh pawlpi mi khempeuh tung lungdam mamah a, media hongletsak ZBCM pawlpi media group te tung, Zomi Khawmpi Media Committee pan lungdamna kong theisak uh hi.

Zomi Khawmpi USA 2014 kibawl zawhna ding in, avai hawmpi ZIUSA president Pu Go Sawm Khup leh asep pih EC akua mapeuh tung lungdam mahmah hi. ZIUSA President leh EC mimal in, Khawmpi Media tawh kisai vaihawmna khempeuh, thupi tak leh muan na tawh Khawmpi Media Committee te tung nongneih man unzong angtang ki lungdam mahmah uh hi. ZIUSA President leh EC akua mapeuh in, a hunhun in akisam bang in, ma nongpan pih man un zong kalungdam mahmah uh a, vaihawmna khempeuh zong picing mahmah in, thupha ngahhuai kasak na uh zong, lungdam ko kawm in, kongtangko beh lai uhhi.

Tuamahbang in, Zomi Khawmpi hongsim, zin leh leng do, ZIOK president Pu Mang Sen leh asep pih ZIOK EC khempeuh leh veng hausa teng tungzong lungdam leh thupi kongsa mahmah uhhi. Pasian in thupha hongpia ta hen.

State tuamtuam pan Zomi Innkuan makai te, Pawlpi tuamtuam pan Sia, Zomi khempeuh te, online Ustream “live” tungtawn in thahongpia akua mapeuh tung ah lungdam mahmah hi.

Khawmpi hunsung in, nisim in media tawh ki sai panmun hong la, Media Committee te tung, lungdam mah mah hi. Hun le ni, tha le ngal tawh, ma hongpang ka seppih, kavai hawmpi Media Committee teng tung ah, ka lungdamahmah .

Aki sap hunhun in, lawm aw honghuhpak ve ci a, thumang tak a, hun tom no sung ahi zong, mankal sung ahi zong in, Camera hong letsak, photo honglaksak, honghuh khangno akua mapeuh tung, Khawmpi Media Committee mintawh, lungdam kong ko uh hi. No huhna te uh ki lungdam mahmah hi.



Zomi Khawmpi Media Committee
Pu Gregory Kap Suan Lian (RC/ZOMI TV) : Director (Video), Editor, Camera
Pu Tual Sawm Lian (Seven Day/ZOMI TV) : Camera
Siapi Suumpy (FGA Media/PTM/ZOMI TV) : Chief Video Editor
Sia John Khualpu (MMC/ZOMI TV) : Camera
Sia Hau Mung (ZBCM) : Assistant Video Editor
Siapi Paupi (FGA) : Director (Sound System, Camera)
Siapi Kaptawng (FGA) : Director (Sound System, Camera)
Sia It Lal (ZBCM) : Sound System Technician 
Siapi Hau Lam (ZBCM) : Director (Sound System)
Sia NL Sang (FEMC/ ZOMI TV) : Director (Sound System, Photographer)
Pa Nuunpi (ZBCM) : Official Photographer
Lianpu (EBC) : Camera



Lawm leh gual seppih bawlpi te, Zomi Khawmpi USA 2014, Pasian hongpiak siamna, pilna te gam leh minam ading, leitung buppan pan et theih ding in, International level in i sepna pen lawhcingmahmah hi ci-in Khawmpi Media Committee mimal khatciat zong, khat leh khat i kipahtawi lailai hi. Zomi te media lam ah advance mahmah leh mawkmawk lo ci in tha la in, hongtung ding kumtampi te ahzong, mapang khawm ciat ni.

Agim atawl akua mapeuh Pasian in thadimna thupha te hongpia ta hen.

Lungdam na lianpi tawh
ZOMI Khawmpi USA 2014 Media Committee teng tang’
Gregory Lianpu (Director, Khawmpi Media Committee)


 


Comments




Leave a Reply