WWW.TUNGZANGNEWS.COM

 
Thuthak Tomkimcing 15 July 2014


A. A(67) kumcin Kawlgam Salpha te ni ding laigelh siam kidem

Hong tungding July 19 ni Kawlgam salpha te nuntakna abei lawhna kum 67 cing ding hita hi. Tua thuzom in kawlgam sung ah siamsin sang naupang te guallai pawl leh gualtung pawl laigelh siam kidemna sang khempeuh ah om sak hi. Kumpi in gambup ai in nuntakna apia salpha mite tangthu siamsin khangno te lungsim sungah aguanguang hi gige hi. Zomi te ading in zong Salpha te phawkna hun aom ciang in Zomi salpha te tangthu leh nasepna laigelh siam kidem sakna bawl in hileng khangno te lungsim sung ah a thuhoih aguangguang kisuak hi.


B. Game kimawl na ah' azat ding sum neilo ata zuak

China gam Guangdong State ah Nupa khat (Awei leh Amei) in online ah Game kimawl uk lua uh a, asumzat ding omloh hun in ata no zuak uh hi. Fujian State ah nih vei azuak uh teh palik te thei ta uh hi. Nauno asuah zawh ni 4 pha phan hi a, Yuan 20000/- zuak uh hi. Apian na pa Awei iipa - Nauno ii pu' in azuakna pan in atu Yuan 30000/- tan kik hi. Awei te nupa game kimawl khawl tuan lo in June kha sung in ata Yuan 16000/- tawh zuak kik leuleu hi. Anih vei na ciang in Awei leh Amei tenupa kiman ta uh cih kiza hi.

C. Chin State University ding Bungzung ah kikoih ding.

Chin state University ding in Lampi atun kimna, Vanleng tualnai na mun Pakukku - Gangawm Meileng lamtun na mun Bung Zung khua ah koih ding Pu Hau Khen Kham in thusunna nei in Pu Tam Aung in thukimpih na na om hi. Hakha pan in miles 80 kihal ding kicihi. Gangaw pan in miles 8 kigam latna mun hiding kicihi. Asawt lo in Kalay mahbang in Gangaw College hikha thei ding a, Chin state heek semsem in Magwe in huam ding ki um mawh hi.

D. Kalay gilbeem kici Mawlaih ah Laisimbu kipia thei.

Kalay gilbeem aminthang Mawlaih khua ngei om gilbeem ah nisim thusuak thuthang laibu kihawm te, Biakna lampan laisim bu tuamtuam te Zolai, Kawllai , Mikang lai kigelh te simsak nophuai laibu te ki pia ding ahihi. Abeisa in Pyidawta, Naw Niang pin, Endaily, Pauhkhung, Thuuma, Aung Myanta cih pan in thuhoih laisim bu kikhawm thei ngei cihi. Tua gilbeem ah Zomi zong ki om a, Biakna sia te in alaihawm uh hong kipuak ngei hetlo hi cihi. Tuaban ah Zomi sung thuthang Journal zong hong kipuak ngeilo cihi. Hong kipuak lohna bel Gilbeem om te in laibu lei nang sum kineilo ahih man hi a, Minam it leh Pasian ki umsak te inzong hong mawk piak hetlo bilbel hi cih thu kiza hi.

Hau Thang



 


Comments

09/09/2016 12:24

News is the main source to touch with all over the world issue and your site provide some authentic new every week and this is good for you to post latest news which your visitor like more. I read out its new post at every weekend but i collect many useful news about the current situation of the world that is easy to understand. I am too much exited with this blog post and i appreciate the site owner for post such all great news and thanks for this great help.

Reply



Leave a Reply