WWW.TUNGZANGNEWS.COM

 

Thuthak Tomkimcing 19 July 2014

A. U Tay Yah nei sa AGD bank 60% U Kyaw Ne Win in lei.

Kawlgam sung ah sumhau minthang U Tay Yah neihsa Asia Green Development ( AGD) Bank pan in 60% U Newin tu pa U Kyaw Ne Win in lei hi. U Kyaw Ne Win in agen na ah 85% leiding cih thukim na nei khin zo uh cihi. AGD bank pen Kawlgam sung ah mun 40 val om in nasem 2300 tawh aki sem khawm hi. Bank hon dingtawh kipawl in sum koi pan ngah cih thudot na om thei a, sum mahmah zong bank ah lah khiat kul cih U Kyaw Ne Win in gen khia hi.

B. Kawlgam ASEAN lutang hi zawh Malaysia vanleng nih vei tuahsia

ASEAN adawl tungnung sumbawl kipawlna leh 3/45 veina khawmpi 19- 21 July ni
Yangon Enliaakan Hotel ah bawl ding uh hi. Tua mun ah China, Japan, Korea, India, Australia, Newzealand, Russia , EU, Cannada, American Sumbawl mipil misiam te kihel ding uh hi. Tangmi palai 107 kihel uh a, Nimasa ni in Daw Than Than in hun leh vai te makaih hi. Kawlgam ASEAN lutang ngahzawh Malaysia van leng nih tuah sia in khualzin mi MH 17 ah 298 si in, MH 370 ah 239 simang cip hi.

C. France thu kante Kalay leh Chin state ah paiding’

France thukan minih te in ‘Les routes de l’impossible (Burma)’ cih thulu tawh Kalay leh Chin state ah thukan in pai uha, Ko Seo Meo kamphen in zang hi. Japan gal hun Leitung galpi nih hunlai in akizang lampi tuamtuam te leh thuamvum a mawtaw lampi lui teng ah video zaih ding kipat sawm in lampi ah koici dan in mawtaw hawl in kipai thei ding cih Mr SULIEN BOLUEN gen khia cihi. Kalay, Kalaywa, YaKyi kim teng man khit ciang in Tedim- Rih lampi teng leh Zomi te ngeina, lasakna lam namtuamtuam te zaih ding uh cihi. Galpi nih hun lai in France gam ah Zomi tangval sitset mi 1000 khat va khuan khia mi te hong kipat khiatna gam mun teng azaih nuam in kigen hi.

D. Kalaymyo Media pan in TV kipan baih khading.

Leitung thuthang tuamtuam te ban ah ikiim leh paam thupiang te ki hawmsawn na Journal bek hilo in aliim leh athu hunhun in hawm khiat nading in Kalaymyo Media pan asawt lo in vai ding khia baih ding uh hi. Tua man in thuthang vaihawmzia gen zia te amasa pen kisinna leh mipi te in akisam asak bang in aphunsan na te kai khawm ding kipan khia ta uhi.

 


Comments




Leave a Reply