WWW.TUNGZANGNEWS.COM

 
Picture
Thuthak Tomkimcing 21 July 2014 22 July 2014

A. Hotel leh Khualzin tawh kipawl thusinna (6) vei sangtuah pawi kibawl.

Kawlgamsung khualzin te lam hilh zia vaidawn zia tawh kipawl phalna nei mi 51 te atuam vilvel thusinna (6) kumpi pan in bawl in July 18 ni in Pada hotel ah thusin zawhna sang tuah pawi bawl uh hi. Kawlgam sung ah abulpi khualzin vaidawn zia leh lamhilh avei 45 dong kihong in mimal 8203 in thusin na nei khinzo uhhi. Khualzin na tawh kipawl hawm leh gelsiamna thusin na 11 vei om in mimal 1033 in gualzawhna ngah uh hi. Khualzin in vai dawn zia cih pen gamsung gampua biakna lam ,kumpi thunei lam, Sumbawl mihau company nei te hongzin sim in akisam Zintun vai muakzia, Neek leh dawn minam zui in khensiam zia, Apai nopna mun leh meeting na ah akisam nasep ding te kihilh uh hi.

B. Myanmar gamsung Lokho te tuuk hun sung sum leitawi na kipia.

Myanmar gamsung buhtang tampi pianna Irrawady gamsung khuapi 7 ah lokho kipawlna pawllut 752 te tung ah sum leitawi 53776,00000/- leitawi na kumpi pan in vai hawm sak hi. Hih sum leitawi pen Minister U Thein Aung leh U Hla Khine in Patein District ukpi pa leh myonee ukpi pan tung ah apna

C. A(24 )veina TTBYU kumcin CMBC ah kibawl

July 20 2014 ni in TTBYU kumcin CMBC ah kibawl thei cih thu kiza hi. Biakpiak hun ah TTBYU makaite in makaih natawh Biakpiak hun noptak in zang khawm thei uh hi.Biakpiak hun manciang in Kumcin meeting nei uh aa tua sung pan kum khat hong makaih ding in a nuai aa bang in Panmun telna zong nei uh hi.

2014 – 2015 Kum TTBYU panmun len dingteng

President Pr Dal Sian Thang ( LbBC)
Vice Pre. Pa Suan Lian Kim ( CMBC)
Secretary Pr. Go Lam Niang ( Leilum )
Assistant Secretary Tg. Thang Sian Hau
( SBC )
Treasurer Lia Cing Deih Dim ( LttBC)
Accountant Lia Ngul San Mang (ZBC)
Maikum ciang TTBYU kumcin leh Silver Jubilee ding pen Sakollam BC ah nop citak in kibawl ding cih thuzong kizak beh hi.Nitak ciang in Lasak natawh zai ziahziah uh cih uh kiza hi.Khangnote in nuam sa thei mahmah uh cih kiza hi

D. Mualman ( or ) Leiman kilim zon

Hih a tung aa leiman , mualman cihte tedim khua kim ah ki lim zon mahmah cih thu kiza hi.Hihte pen singbuk phung limsing , nai sing , sing tak nuai ah om hi.
Nung kum pan in a kizuak theih lam kithei hi. A mal neute tawi khat3500 kyats , a malgolte tawikhat 700 kyats man hi.

E. Ka Zaitha Company te nasep na

Ka zaitha Company in Lailo khua leh Tuithang gun kikal lampi bawl in phuah pha uhhi. Lampi lian n zai a, nop mahmah hi. Pasian in thupha hongpiak sak hen. Tuaban ah Tuithang leh Tuithang gun lei kikal dang keu dangtak na mun lian ah tuikuang kibawl in mipite khual zinsuk zinto te in nuamtuam kisa mahmah hi.
Min tuamtuam tawh ii buaibuai sang hi bang na hoih semte pen mipite in ki-it zaw hi. Kipaak ta zaw sop hi.

Hau Thang


 


Comments




Leave a Reply