WWW.TUNGZANGNEWS.COM

 
Thuthak Tomkimcing 23 July 2014

A. Hakha- Khuaibel- Manthaw kizopna lampi. Chin State Mangputal Pu Hung Ngai in Hakha pan Khuai bel- Manthaw lampi khuata khan tohna sum tha tawh akisem te 23 July nitak daak 2 kim pawl in ahoih hiam cih va en hi. Lam bawlzia, Hawklam pi bawlzia, lui leh Guam omna leidawh bawl zia va endik sittel hi. Hih Lampi kizo siang leh Hakha ah nuamtak kipai thei ding cih khuami te lamet en uh hi. Vompi sahawm nasep mah hi in Hakha khuakim bel kipuah mahmah phot hi. Sumbangzah kizeek khia cih gendikna omlo ahih man in mipi thei nuam veve hi. * Khuamin kigelh khial thei den hi.*

B. India- Myanmar sum bawlzia kizopna Yangon Sedona ah kibawl. Indian Chanter of Commerce (ICC) leh UMFCCI kikhop sumbawlna tawh kipawl Indian Investrade 2014 pen Yangon Sedona Hotel ah bawl uh hi. India Company 55 pan in bawlkhiat vante maimuakna pulak na nei uh hi. India pan in Shiv Siddhann TN kaul ( Vice president ICC in thupulakna tuamtuam aneih ban ah Ms Madhumta Saikia ( Beauty Therapiet ) Signature Training Center pan inzong kizep kipuahna leh cidamna tawh kizui van te maimuakna nei hi. UMFCCI pan in U Win Aung in India -Myanmar Trade Balance zawh ding myanman kisap hihang cihi. India tawh kizopna pen lampi mun 3 om a, Tedim; Champhai, Tamu- Mari leh Ledo lampi ahihi. Kumsim in hih lampi thumpan in mipi tampi nuntakna pia zo mahmah ta cihi.

C. Rakhine gamsung ah Chin ca sin kiphal napi’n Laibu omlo. Rakhine state sung ah Chin chapyi sin theihna kipia ahihhang in Chin chapyi sin ding laibu bang mah tudong omlo cihi. Chin ca pyi sinding tawh kipawl in Asho Chin capyi, Lautu Chin capyi, Zoutung Chin capyi cih dan hinianua hi cih U KoKo in cihi. Course pawlkhat aom te copy uh a Sangnaupang 30 te Sya khat ta in hilh uh hi. Achin capyi cih ding avek in kibanglosiat capyi ahih man in Sya ,Syama te buai tuam bilbel uh cihi.

D. Nih tuak thukimna mipi theihsak huai Myanmar gamsung tualgal daihna ding thuvaihawm NCCT leh Kawl kumpi lampan UPWC te in asep sa uh leh asep lai ding te lungkimna min akuih hunciang in gamsung mipi te gam leh nam vai party tuamtuam te in zong theihpih huai ding hi cihi. Final atun hunteh lang nihtuak holiim lungtuakna Parliament sung lut tolai ding in kigen hi.

Hau Thang

 


Comments




Leave a Reply