WWW.TUNGZANGNEWS.COM

 
Thuthak Tomkimcing 25 July 2014′ Issue

Sya Suan in Apension behlapna in, a inn’ CNF te sap sak.

Tedim township Education Officer (TEO) pan atawl ngaa Zomi sung ah mipil Sya pipa Pu Thang Za Suan’ Ma/186 Tedim vengpi a inn ah CNF te anih veina zum honna bawl theih nading panpih in ainn ‘CNF zumding in honna 25 July 2014 ni zinglam 10:40 Am in pia hi. Zinglam daak 10:00 kipan ding lempak lo in 10:40 teh kipan thei uh a, Rev Suan Khen Mung in thungetna tawh apna nei hi. Mipi apai 36 pha uh hi. Thumopna hunpi Pu Talun Ceu ( ပူး တလြန္ က်ဲအို ) in nei hi. CNF zum keekee Tedim myonee sung mun 6 ah’ hong tuah kik laiding in gelna nei khin uh hi. Amun kician ahih nailoh hang in Sozang, Haimual, Lenuupaa, leh Leitung khualzin mite lunglutna munhoih leh Sumbawlna lampi kong zinkim gim khikhe uh hi.

Mipi te leh khangno te muh na ah Tedim khuapi sung Tansawn Siapi, TEO leh mipil pawl khat te in pension khit uhteh Biakna lam kihelna picing neilo ban ah Company nasep luthei ding hilo ahih man in’ teek ta uh aa, gam leh nam vai ah Pension behlap theih nading in amit uh naang kual kaamh bang hi in, a ngawng uh saang zeza diak uh tawh kibang cihsan hi.

Sya Suan bek hilo in pawl khat ki zanzeezaat mai uh hi cihi. Party min tuamtuam ding nuam uh’ cih kiza hi. Hih te GZA, ZYA, CPP, CNP, USDP , ZCD ZRDP, te leh NGO te ah kihelna gina anei zong omlo cihi. Minam leh Gam ading nasem tak pi maw?, Gilpi bek maw? Pension behlap nabek maw? kithei tel nailo in om uh hi kicihi. Sakollam leh Tedim CNF zumte zong kipeet baih mahmah ding hita uhcih mipi in mu hi. Banghiam cih leh Sakollam leh Tedim CNF km’ gentak ding in ki ngamla vetlo cihi.

CNF pen Census ma in Chin ah ki khumding cih Hakha ah khawmpi bawl khin hi a, A hih hang in code tuamtuam tawh kumpi in kikhum ding hong gel na tungtawn in tukum Census leitungbup theihpih mimal simna thu leh mimal kisimna CNF in Chinstate sung leh muntuamtuam om nate pulakna aneih loh ding in kumpi langpang bawl in laikhia khinzo ahihna online pan mipi in theih khitsa ahihi.

Tua kimlai TEO in ainn asap sak pen CNF pan in apension behlap nakop innsap lametna bek in mipi in mu hi. Banghiam cih leh CNF zumhon ni tu ni- in Pu Talun Ceu ( ပူးတလြန္ က်ဲအို )thugen zom in Sya Suan in mipi theih kop ding in thugen na kician neilo cihi. Member khat in om pelpol kicihi. Banghang in CNF te zum ding in’ ainn pia,phal hiam? Gam leh nam ading adeihna banghiam?

CNF in ainn sap maan bangzah piak ding in gel hiam? Gam leh nam ading in encikna leh kilemna Sakol lam CNF kiciang saklo ahihiam? CNF in Sakol lam leh Tedim uino lutuah ahih lam tel theilohiam? Tua ahih leh Sya Suan gimna in banghipen hiam? Kawlgam kumpi Census vaihawm na leh Leitung UN sum tampibei in a vaihawm na, Census result out ding akamtam CNF tebek banghang ainnsung ah sang lutumsak hiam?

CNF pan in golhguk bangzah nei hiam? Mipi in theinuam ta miaumaiu hi. Maikum kitel ding teh CNF party Tedim ai awh in dinsawm hiam? Sakol lam CNF zum kihongsa thusim lohna hiam? Ahih kei leh Tedim phel nih hong kisuah na thu Zum inn nei pa leh Rev thu genpa in mutel thei nailo hiam? mi in cihi.

Leitungbup muntuamtuam ah Kampau kibang Ngeina kibang tat leh heek kibang Zomi kipawlna te ah asisan kinaipih te ama pan nopna pulakna mipi tungah akilang tak tak in Press Conference neih kei leh uphuai nailo hi kicihi.

Hau Thang



 


Comments




Leave a Reply