WWW.TUNGZANGNEWS.COM

 
Tulaai Leitung Thuthang Tuamtuam Updates July 10-11, 2014

·      Japan gam Okinawa kuamteng ah July 10, 2014 ni in guahpi nasiatak in zu a July 11,2014 niciang Tokyo leh akiim apaam mihing tamtenna munteng ah Nasiatak in guahzu in tuikhangding hi ci in khuahun lam siamte in mipitung ah theihsakna nei uhhi.

·      Afghanistan gam President kiteelna ah Mee tang simdan manlo hi ci in President ding a kidem ahi Dr Abdullah leh Mr Ghani te buaina vatsatding in US secretary of State Mr John Kerry July 11 niciang Babul khuapi tungding hi ci in US kumpi thuneite in taangkokhia uhhi.

·      Kawlgam kumpi te in Face book tungpan Kawlgam sung a Muslim leh Lutol biakna te kilemlohna ding laai tamkigelh cih paulap in Face book tungpan kumpi te akipho laakden adaalnopman un Face book pan sittel ding in Face book thuneite leh Kawlgam kumpi ten thukimna July 9 ni in neita uhhi. Face book thuneiten kawllaai theilo uh ahihman kawllaai siam mikhat face book company ten nasep piading ci in gen uhhi. Facebook tung laai gelh kidop huai mawhlo ta hi I inn phualzaang ah ongkanthei uh cihna ahihi.

·      Kawlgam President zum thugentheihna anei U Ye Htut leh makaai 4 te USA gam ah US te Foreign policy tawh kisai thusin ding in July 10, 2014 ni in ongtung uha, kaalnih sung taamding uhhi. US ongtunphet in kawlgam mi pawlkhat in tangkhatui tawh navaaitut pah uhhi.

·      Kawlgam sung thuthang khat ahi Unity thuthang makaai khat leh thukan 4 te kawlgam kumpi te in kum 10 thongkia ding leh Labor Camp kahna leh hagawina puakding in July 10, 2014 ni in thukhen uhhi. HIh thu hang in leitungbup in kawlgam mawhsakna nasiatak in nei uha, nawhsatak in akhah kikpah nading un ngetna bawl ciat uhhi.

·      Bangladesh gam thukhenzum saangpen te in Bangladesh gamsung a luutsim Rohingya te Bangladesh numeite in tenpih nawnloding atenpih peuh nasiatak gimna piading ci in thukhunthak khat July 10, 2014 ni in taangkokhia uhhi. Bangladesh gam thukhunpi ah gamdangmikhat gammi numei khattawh akiteenleh gammi suakpah ding cih ahihman in Rohingya ten zi hahzon uh ci hi. Bangladesh gamsung ah phalna omlopi a ateeng Rohingya mi 300,000 kiim om ci uhhi.

·      China gam gam Hunan Province Changsha khuakiang mualtung khat ah Mucu sangnaupang apua Bus khat July 10, 2014 ni in kibung a, atung a tuang sangnaupang 8 sangsia 2 leh ahawlpa avek un si uhhi.

·      Israel leh Palestine kikaal Tuesday July 9 nipan kipan tuni dong khawlnaailo a, Gaza pan Rocket thaupi tang 365 Israel gamsung atuding Israel Iron Dome in bengkhia in Lebanon pan tangkhat Israel atunglam atuzong bengkhia uhhi. Israel ten-asun azan in Vanlam leilam tawh Palestine gam a kibusa Hamas phualpi 100 nuaizan ta in Palestine lamte mi 90 vaal sita in mi 600 liamta uhhi. UN General Ban Ki Moon leh Russia,US,French  gam te in kilemna amanlaang in bawl un ci in July 10, 2014 ni in langnih tung ah ngetna bawl uhhi. 2012 kum Israel Palestine buailaai in Israel ten gaalkaap 10,000 bek zang uha, tu in 40,000 zangding in kumpi thunei te in phalna pia uhhi.

·      Germany gam Berlin khuapi a om US paali phualpi sung a nasem thukan department te in German kumpi naseemkhat German sungthu kansak hi cih tawh German pa Germany kumpi ten nungkaal in man uha, July 10, 2014 ni in US thukan pawl German gampan hawlkhia uhhi. Lawmta ki ummawh niloh cihpeen ci in German te US tung ah heh mahmah uhhi.

·      Malaysia gam sung a om Kawlgam mikheempeuh no mau le nomau nasihloh nading un kidopsiamciat un kuaman onghuhzolo ding hi ci in July 10 ni in mipitung ah theihsakna laai hawmkhia uhhi. Malaysia peen mikhat in ongthahsawm in nakiang ah mitampi a om hang kuaman onghonloding ahihman in kidop huai mahmah chiding hi. Miki that mi 4 phata hi.

Thuthang Updates July 11, 2014

·      Kawlgam Yangon khuapi sung Lataya vanzuakna sugn ah July 11, 2014 ni guah tamluatna hang in meikhau lei ah kiasuak a tua akiasuk meikhat sikkha numei 3 set in huup in si  uhhi. Kawlgam khantoh loh kumpi hoihlohna hang in Numei ten sihlawh ahihman Politics kuaman peel theilo cihthu kilang hi.

·      Palestine a kiphual Hamas migilo te leh Israel kikaal buaina ni 4 ongcingta a, misi 100 vaal cingto ta in aliam 675 cingta ci in Palestine thunei ten July 11, 2014 ni in genkhia uhhi. Tuni dong mah in asun azan khawllo in kido do laai uh a, Leitung bup makaaite in kiem in khawlding ngen uh himah  Prime Minister Benjamin Natanyahu in nasep kizo nailo ahihman Kilemna cihleh khawlding cihpeen Agenda ah omnaaikei ci in July 11, 2014 ni in genkhia uhhi.

·      India gam ah Bollywood kineihsiam numei a minthang mahmah khat ahi Zohra Sehgal kum 102  atenna Delhi  khuapi ah July 9,2014 ni zanlam in lungtang damlohna tawh zato kipuak a zato mahpan leitung nusia in apa kiang ah ciahta uhhi.

·      Afghanistan gam President kiteelna ah maaitaai kidem makaai nih ahi Dr Abdullah leh Mr Ghani  te kikaal mee tang guuktawh buaina alemtuah ding in US Secretary of State John Kerry Kabul khuapi July 11, 2014 ni in tungta a , Gualzawhna ngah ci a kigen masa ahi Mr Ghani tawh kimu in Mr Ghani in mee tang simkik ding sitpha kikding ci in Mr Kerry tawh thukimna ngah uhhi.

·      Ukraine gam nisuahna lam Zalenopolsk khuapi ah Russia deih thautawi te leh Ukraine gaalkaap te July 11, 2014 ni in nasiatak in kikap uha, Russia deih thautawi ten Rocket bekbek zang in nado uh ahihman in gaalkaap 19 si in 55 liam uhhi.

Lungdam

Internet Line neilo kahihman ninih ai ongkhah suak ing

Thang khawm Pauzomi

http://zomipausektak.blogspot.com/2014/07/tulaai-leitung-thuthang-tuamtuam_11.html


--





Thang Khawm Pau ZOMi
Bowling Green , Kentucky
USA
Cell- 270 -217 9593
Personal -joseptpau@gmail.com
School -tpau0001@kctcs.edu 

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply