WWW.TUNGZANGNEWS.COM

 
Tulaai Leitung Thuthang Tuamtuam Updates July 13, 2014

·      2014 World Cup Tukpeeng kisuihna ah Germany gamte  Argentina tawh akhatna kituh uha, 1:1 tawh Germany in akhatna ongnah thei uhhi.   Argentina te khup goal 1 peen aluutkhit ciang anawl a dialtawi pan nalam mawkmawk ahihman in kisimsak lose hi. Argentina agumpawl kahihman in keimimal muhna pong ah Thukhenpa in Germany te gum, Haft Time sung zong Germany tetawh kituah hi. Germany kungpangpa in Argentina maikahkhat apangbuk akhuktawh akhawnsak zong bangmah kipia lo sawnsawn hileh kilawm kasa hi. Akhua ngaih huai bilbel ah bel Germany number 7 pa peen 7 vilvel kisupaai ahihmna man asi anaitawh world cup champion thamang lading kahbiaibuai hi.

·      Thailand leh Kawlgam gamgi khuapi khat ahi Tachileih khuapi sung July 12 nipan guah nasiatak in zu in zanthapaai kitatsatlo in zu ziahziah ahihman in men kicim ziahziah a mi 7 sita in adang asi akimunaailo pawlkhat zong omkha maithei ding in kilam en hi.

·      India-Kawlgam gamgi ahi Tamu kiim teng ah India leh Kawlgam aki kamtamsa thukhat ahi India ten gamkeek in Inn le lo lam zomtoto uh ahihman in Kawlpi kiim a om kipawlna tuamtuam pan India gam deihlohna lungphona khat July 13, 2014 ni in nasia tak in neikhawm uhhi.

·      Gaza Khuapi sung a om gamdang mite kheempeuh kiheemkhia mengmeng ding in Israel thuneite in July 13, 2014 ni in thupia uh  ahihman atulsawm lom a sim gamdangmite agamciat uh zuan in kiheidiamdiam uhhi. July 13, 2014 ni mah in Israel commando te Gaza khuapi sung lutzetzet ta uha, leilam vanlam tawh khutziahziah  uhhi. Tuni ciang Palestine te misi 172 bang cingta in aliam ahihleh 1,7000 vaalta hi.

·      USA gam New Jersey khuapi pan India gam Mumbai khuapi abawhding  khualzinmi 313 apua Vanleengpi khat July 13, 2014 nikaai nai 4:35 Pm lian in a set kaang ahihman in alenkhiat zawh asawtlo in alenkhiatna vanleng tual mah kibawksak kik a kuammah liamlo in meikaang kiphelhzo hi.

Lungdam

Thang Khawm Pauzomi

http://zomipausektak.blogspot.com/2014/07/tulaai-leitung-thuthang-tuamtuam_13.html

 


Comments




Leave a Reply