WWW.TUNGZANGNEWS.COM

 

Tulaai Leitung Thuthang Tuamtuam Updates July 16, 2014

·      Yangon khuapi pan Malaysia gam zuan a ongzinkhia Zomi pawlkhat July 9  ni a Yangon khuapi pan ongdingkhia hi in tunitan Malaysia gam tunglo athu kiza naailo hi. Hih Puaisa te mah in abeisa kha 6 laaipawl in Zomi honkhat Malaysia ongpuak uha, Lamkaal ah kiman in tu in thongsung ah omlaai uhhi. Numei naupang zong kihel ahihman in hehpih huai mahmah hi Puaisa te peen Zomi te mahhia, mawhsakna hilo zaw in akuama ciat pilvaangding kisam khading in ka um hi. Vanlam pan a pai Zomi 60 kiim zong tulaaitak in KLIA Immigration tekiang ah a awkcip laaitak ahihi. Malaysia paiding ten theiding in Kawlgam pan Puaisa kua Malaysia ah kua cihte akipan azenzen in akimat leh bangcihding, cihte pawl hoihtak kiho masa a tawmbei tah manlang tah ci  a mawkpai ziauziau ding hilo hi.

·      Israel leh Palestine gam sung Gaza khuapi auk Hamas pawlte in July 17 ni nai 5 sung khat le khat kikap lo in Khuasung mite kihepnading hunpia ding langnih thukimna July 16, 2014 ni in nei uhhi. HIh nai 5 sung mipi te hunpia a khawlpakna peen UN leh Leitungbup gammakaai tuamtuamte ngetna hi in kinaak dosawm luazaw a mipite kipaikhiasak hi ci in Israel Gaalkaap Maangpi Brig Gen Yoav Mordechai in genkhia hi.  Ahizong in hi nai 5 sung in Israel gamsung thautang ongtuk leh kithuk veve ding hi ci in Israel ten kamciam uhhi. Tuniciang ni 9 kidona sung ah Palestine lamte mi 220 si in 1,240 liamkhin uha, Israel lampan mikhat bek  sipan hi. Zing ni taak lampan bel ithu zaknop toto mahmah kha ding hi. Israel Prime Minister Benjamin Netanyahu in bel Hamas tetawh kilem nading Egypt gamte palaai sepna kamang uha, Hamas te utlo ahihman in Leitungbup in zong ongmawhsak theilo ding hi. Kokhialhna om kilkel lo hi. Kilemding utkei leh adawnkikna peen haaltumding cih hilel hi ci in gen giapgiap hi.

·      Philippine gam Khuapi Manila khanglamteng South China Sea pan ongkipan huihpi leh guahpi in July 16, 2014 ni in nasiatak in nawk ahihman in mi 20 si in 5 mangthang in mimal 370,000 in mei ngahlo uhhi. Inn le lo mawtaw tampi taksia a nibup vanleeng kileengsaklo in zum kheempeuh kikhak khin hi.

·      Afghanistan gam khuapi sung a om International Airport thautawi migilo te in July 16, 2014 ni nitaaklam in Rocket leh thaunam tuamtuam te tawh nasiatak in sim uha, asi liam bangzah cih kithei naailo hi ci in Afghanistan palikte in taangkokhia uhhi.

·      Tualgaal kum 3 sungpiangsak in apanmun pan khawlding mipi in anget uh ahi Syria President Bashar al-Assad  in nungkha sung kiteelnapan gualzawhna ngahkik in kum 7 term a term thumna President seemding in July 16, 2014 ni in Damascus khuapi aom President Innpi pan kiciamna nei hi. Kum 3 tualgaal sung in mi 170,000 si a, 9 million in inn le lo nuasia gaaltaai khia uhhi.

·      Leitungbup AIDS natna veengpawl ahi UNAIDS te in July 16, 2014 ni in leitung a  AIDS neitetawh kisai pulaakna suakkhia sak uha, leitung pumpi ah AIDS natna vei mi Aw 35 om a tua Awn 35 lak ah Awn 19 te in natna aneihlam uh theikhalo ci in genkhia uhhi. HIh thu sung ah Kawlgam zong hel uha Kawlgam ah AIDS natna vei Saangnih vaal om ci in genkhia hi.

·      Singapore gampan Malaysia gam Sandakan Tembaw khawlna lamzuan a ongpai MT Oriental Glory kici  Malaysia Tembaw Meitui pua khat July 16, 2014 ni sanggam meelmak hunpawl in Tuipi migilote  in man uha Tembaw tung a meitui Ton 2,500 alakkhit uhciang atung atuang mi 15 ek nusiat uhhi ci in Malaysia Marin te in genkhia uhhi. Hibang a Malaysia tembaw kisuamna peen tutung a a 9 veina hita ci uhhi.

·      UN Human Rights pan Kawlgam palaai Ms Yanghee Lee July 16, 2014 ni  in kawlgam ongtung a ni 10 sung kawlgam ah taamding hi. Kawlgam ongtaam sung in minam khat le khat kikaal buaina ahi Rakhaing gam, Madalay leh Kachin gam a gaaltaaite kiang hawh in kawlgam a amuhkhiat thukheempeuh a 69 veina UN khawmpi ah vasung khia ding hi.

·      Britain gam sumzon siamte leh Sik le Khut lam pilna naseemte ahi British Chamber Of Commerce Myanmar te in Kawlgam sung ah amasapeen Zum honna July 15 ni in neita uhhi. Hih zumte in kawlgam sung a sumzong Britain company te masuan ding geelsak ding ci uhhi. Kawlgam ah tunitan phalna angah Britain company 40 kiim omta ci in gen uhhi.

·      Kawlgam gaalkaap te neihsa ahi Myanmar Airline te in Europe gam piang ATR 72-600  vanleeng namte 12 leiding in July 16 ni in London khuanawl a kibawl leitung Vanleeng kilahna pawi ah Myanmar Airline ten suaikaai uh ahihi. Hih vanleeng te peen 2015-17 sung in kawlgam ah ciahpih in leen kipansak ding ci uhhi. Akizom mah in Air Mandalay te in zong Japan bawl MRI vanleeng nam mi 70-90 atuangthei te 10 leiding in July 16, 2014 ni in khensat uhhi.

·      USA gam California state  sung Stockton khua sung aom Bank khat a nasem numei thum te migilo 4 in July 16, 2014 ni in man in tawhteng alaaksak khit uhciang Bank luh ongkipat uhleh Palik ten nadelh pah a nasiatak kikap uh ahihman Bank luhsawm mi 3 si in khat khat zato kipuak hi.

Lungdam

Thang Khawm Pauzomi

http://zomipausektak.blogspot.com/2014/07/tulaai-leitung-thuthang-tuamtuam_16.html


-- 





Thang Khawm Pau ZOMi
Bowling Green , Kentucky
USA
Cell- 270 -217 9593
Personal -joseptpau@gmail.com
School -tpau0001@kctcs.edu 

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments

06/25/2016 05:36

Superb blog post share with us and this blog site is excites more individuals to reading that blog.

Reply
11/05/2016 16:57

The article is very nice and have a great and impressive source of information for the people like me . I learn many good things after reading your this article.

Reply
12/17/2016 02:56

Reply
01/07/2017 21:33

I am so impressed with the way you write this story... It's so simple yet can be easily understood.

Reply
05/25/2017 03:45

Hi I found your site by mistake when i was searching yahoo for this acne issue, I must say your site is really helpful I also love the design, its amazing!. I don’t have the time at the moment to fully read your site but I have bookmarked it and also add your RSS feeds. I will be back in a day or two. thanks for a great site.

Reply



Leave a Reply