WWW.TUNGZANGNEWS.COM

 
Tulaai Leitung Thuthang Tuamtuam Updates July 2, 2014

·      Hongkong ah Deomcracy diktak ngahtheih nading in July 1,2014 ni khualaai ah lungphona anei mipi telak pan mipi 500 te July 2, 2014 ni in Hongkong palikten mankhia uhhi.

·      America gam Great Britain te khutnuai pan suahtaakna angahni July 4  niciang in America gam North Carolina state leh Florida state  te ah Tuipi sungpan ongkipan ding ahi huihpi leh guahpi kithuah in nawkkha ding a lauhuai mahmahding ci in July 2, 2014 ni in mipi tung theihkholh sakna nei uhhi.

·      Iraq gam sung ah khuapi tampitak kumpi khutsung pan alakhia  ahi Sunni Muslim thautawi te leh ISIS migilote doding in Iraq gaalkaap te Iran gamte in Gaalvaan leeng SU-25-26 te pawlkhat tawh July 1,2014 in dopih uha, Russia te in zong July 2, 2014 ni in Vanleeng pawlkhat puak uhhi ci in IISS te in July 2, 2014 ni in taankokhia uhhi. US ten bel hih atung agamnih te huhding deihmeello uhhi.

·      Kawlgam sung a khuapi gol nihna ahi Mandalay khuapi sung Lam 81 na kiim tengah Facebook hangtawh., Muslim leh Lutol biakna te kikaal Buaina July 1,2014 ni zanlam in piang a tawlkhat kivat man uh ahihman in mi 5 naakliam mahmah uhhi. Alaai lakkhat ah bangmah atheilo dankhat in Palikte ongpai in miteng khenkham uhhi. Ataktak in amau bawl higige lelding hi. July 2, 2014 ni in lamkiim sai atamzaw kikhakphot a  Palik te lamkabom teng dimphot uhhi.

·      North Korea gamte in kiim leh paam toding kipan leuleu uha, July 2, 2014 ni in tai 111 ciang kaaptheihna thaupi tangnih tawh South Korea tawh akikaal uha om tuipi sung kaap leuleu uhhi. Tusung abeisa ni 7 sung in thumvei hihbang in kiim leh paam atoto uh hizen hi. Cikciang vut le vaai ongsuaktammaw lungluut huai mahmah sa ingh.

Lungdam ei

Thang khawm Pauzomi

http://zomipausektak.blogspot.com/2014/07/tulaai-leitung-thuthang-tuamtuam_2.html

--

Thang Khawm Pau ZOMi
Bowling Green , Kentucky
USA
Cell- 270 -217 9593Personal -joseptpau@gmail.com School -tpau0001@kctcs.edu 
Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply