WWW.TUNGZANGNEWS.COM

 

Tulaai Leitung Thuthang Tuamtuam Updates July 20, 2014

·      Zomi lasiam mahmah Pasian leh minam a it mahmah Sianu Cing San, Idol Paalnu leh Nashville Agape Mission Church khangno te July 20 Sunday ni ZMBC Bowling Green ah zingsang kikhop hun ah  Lasak na ongnei uha, Rev TL Mungbawi in hanthotna ongnei in Zomi Kikhawm kheempeuh in tha kingah mahmah hi. Video nitaak lamciang You Tube pan kongkhah khia ding hi.

·      Israel te in Gaza leilamtawh asimna uh zomtoto uha, July 19 zan in Israel gam ten Hamas tawh kidona  ah atamsihsuah peen uha akiciamteh  Israel gaalkaap 13 sihsuah uhhi. Hamas ten July 20, 2014 ni Israel gaalkaap pawlkhat kahingmat uh ci in taangko uha, ahizong Israel ten kiciannaaikei ci uhhi. Tuni ciangciang Palestine lam misi  July 19 ni bekbek in  87 si in avek in misi 425 phata in 3,000 liamta uhhi. July 19 ni a Palestine lam misi 87 te ahihleh mulkim huaitak in lampi tung ah kipah timtembek hi. Israel lamte ahihleh mipi 3 leh gaalkaap 15 akigawm in 18 sita uhhi. Israel Prime Minister Benjamin Natanyahu in hangsantak a gaaldona zoptoh ding in July 20, 2014 ni in thupia hi.

·      Typhoon huihpi leh guahpi kithuah in July 19 ni zan in nasiatak in China gam khanglam ahi Guangxi kuam teng nawkawp a, mi 17 si in p awlkhat mangthang hi. July 21 niciang nasiatak in Veitnam gamsung nawk leuleu ding in khuahun siamte in genkhia uhhi. Nungkaal sung Philippine gamsung nawkgawp a mi 94 si uhhi.

·      Nigeria gam nitumna lam a om Damboa khuapi sung Boko Haram migilote in July 20, 2014 ni in banhaal in busim gawp uh ahihman in tulian in misi 18 kimukhia a khuapi alangbang kangtum phial ahihman 18 sangtam zawtham siding hi ci in Kumpi thunei te in taangkokhia uhhi. HIh Boko Haram migilo te in nungkum in mi 1,000 bangthatlum uha, tukum sangnaupang 200 vaal amatcip ban uh ah mi 500 vaalthatlum ta uhhi.

·      Kachin gaalkaap KIO te phualpi ahi Laaizaa khuapi ah July 24-26 sung Mualtungmi thautawi makaaiteng kawlkumpi ngianvaat ziading kikumding in Mualtungmi makaai kheempeuh July 20, 2014 ni in Laaizaa tungkim phialta uha, Mipawlkhat te genna ah ZIA zong kithawithawi ta ci uhhi.

·      Nung Thursday ni July 17 ni a kikaap khia Malaysia Vanleeng tung atuang misi te luanghawm 196 te leh avantuamtuam te uh ban ah Vanleeng taangthukeem Black Box nangawn Ukrain gamdo Russia te mizatte in meileengtung ah guang in nawnkhia mang uh ahihman Netherland PM Mark Rutte leh US Secretary of State John Kerry te in hibang gamtat mahmah kilawmlo lua ban Russia ten nawhtak a vaaikhat ahawmkuulding in MR Putin thupia uhhi. Tuaban ah Ukraine thukante in Russia thukante leh Russia deih tapongte kihosim in Blackbox kuama kiang apiakkhiatlohding akihona te uh khahkhia uhhi.

·      UN Security Council te in July 20, 2014 ni in New York UN zumpi ah Israel leh Palestinian kikaal mitam silua mahmahta ahihman in bangci bang in khending cih thukin kikupkhopna neiding ci in taangkokhia uhhi.

Lungdam

Thang Khawm Pauzomi

http://zomipausektak.blogspot.com/2014/07/tulaai-leitung-thuthang-tuamtuam_20.html








-- 

Thang Khawm Pau ZOMi
Bowling Green , Kentucky
USA
Cell- 270 -217 9593
Personal -joseptpau@gmail.com
School -tpau0001@kctcs.edu 

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply