WWW.TUNGZANGNEWS.COM

 
Tulaai Leitung Thuthang Tuamtuam Updates July 7, 2014

·      Kawlgam khuapi nihna ahi Mandalay khuapi ah Muslim lutuun leh Buhdha Lutol te biakna vaai buaina hang in minih si a tampi tak liam ahihman in hithu apiangsak mi 400 kiim kimanta hi ci in Mandalay Palik zumpi te in July 7, 2014 ni in taangkokhia uhhi. Kawlgam President U Thein Sein in July 7, 2014 ni in hibang a biakna khat le khat kikaal buaina apiangsakte nasiatak a mawhpiakding in thupia hi.

·      China gam ah nithum sung angaih hawh ahi Germany Prime Minister Ms Angela Merkel China Prime Minister Li Keqiang tawh July 7, 2014 ni in Beijing khuapi ah kimukhawm uha, Sumvaai, Gam nih kizopna vaai adiak in kikumkhawm uhhi.

·      Mexico gam leh Guatemala gam 6.9 Magnitude ahaat zinlinna in July 7, 2014 ni in nawkgawp a , San Marcos ah mi 2 si in Huixtla khuapi ah mikhat si hi ci in Mexico meiphelh pawl in taangkokhia uhhi. Tuaban ah inn le lo neih le lamp tampi mahsia in mitampi taaikeek uhhi.

·      Nungkaal sung a kipan Terrorist migilo te in US doding cih thukante muhkhiatna pan US kumpi te in gampua pan US gam aluut Vanleeng te leh atuangmipi te electronics tawh kisai nasiatak in scan bawl uha, khualzin tampi ziakaai saktuam ban ah tuni tan bangmah muhna thak kineinaai kei ci in Transportation Dept ten July 7, 2014 ni  in genkhia uhhi.

·      June kha 14 nipan kipan Afghanistan gam President kiteelpina ah nidang ah sum le paai lam ah zalian luikhat ahi Mr Ashraf Ghani in 56.44% tawh President ding in gualzawhna ngah hi ci in Election committee te in July 7, 2014 ni in taangkokhia uhhi. Akidempih ahi Dr Abdullah in 43.56% ngah a, mee piakna ah golh guuk omhi ci in gensia hi.

·      Veitnam gamte khuapi ahi Hanoi khuapi sung ah July 7, 2014 ni in Veitnam gaalkaap te Helicopter khat gaalkaap tentan abawllaai tak un kiamawk ahihman in atung a tuang gaalkaap 16 te si in adang mi 5 zong liam uhhi ci in kumpi thuneite in genkhia uhhi. Hih asi teng ahihleh gaalkaap zalian tata ci sawnsawn uhhi.

·      Nungkum sung a Philippine gam nasiatak a anawk ngei leh mi 1,000 vaal agolum Typhon Huihpi leh guahpi kithuah in Japan gam Okinawa tuikulh   dungteng July 8 nipan nasiatak in nawkding ahihman ngasabeng te kiheemding in Japan Meteorological Agency te in July 7, 2014 ni in taangkokhia uhhi.

·      Ukraine gam nisuahna lam a Russia deih thautawi te ukcipna khuapi ahi Donetsk khuapi luutnading Lei golpi thumte Ukraine gaalkaap te aluut theihloh nading in Russia deih tapong te July 7, 2014 ni in kapsia uhhi. Tua ban ah hih khuapi sung a om mite gaaldo ding leh ataai ding in kilim gin mahmah uhhi ci in kigen hi.

·      Palestinian te lak a migilo aseem ahi Hamas migilo te omna phualteng Israel ten vanlam tawh July 6 ni  zanthapaai azialna hang in Hamas galkaap mi 5 si ahihman nasiatak in kalehdo ding uhhi ci in Hamas ten July 7, 2014 ni in taangkokhia uhhi. Israel ten ahihleh nangap naak uhleh kithawitek mah ni ko gaaldokhawng Aksa meh limpeen neek bang a kangaihsut uhhi cihsan in gaalkaap tha Gaza gunpang kuam ah behlap niahniah mai uhhi.

·      June kha 14 ni a Nigeria gam migilo pawl ahi Boko Haram ten numei 60 amat te uh July 7, 2014 ni in ongkhahkhia ta uhhi ci in Nogeria kumpi thuneite in taangkokhia uhhi. Ahizong in April kha sung a amat uh ahi sangnaupang numei 200 vaalte ahihleh aomna kitheizo tuannaailo hi ci in gen uhhi.

Lungdam ei

Thang Khawm Pauzomi

http://zomipausektak.blogspot.com/2014/07/tulaai-leitung-thuthang-tuamtuam_7.html

--

Thang Khawm Pau ZOMi
Bowling Green , Kentucky
USA
Cell- 270 -217 9593Personal -joseptpau@gmail.com School -tpau0001@kctcs.edu 
Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply