WWW.TUNGZANGNEWS.COM

 
IDEAS Academy ah Malaysia Refugee te ki kahthei tading

Malaysia gamsung aom gambel Refugee sangnaupang te sangkahtheih nadingin Primary School tampi omkawikawi a, ahi zongin Secondary School azopsuaktheih nadingin Malaysia kumpi sangah ki kahtheilo ahih manin abingkhawl pawlkhat om hi.

Tuabang in Secondary School azomtheilo te adingin deihsakna tawh IDEAS Academy panin gambel Refugee sangnaupang te ading Project khat kipanding cihi.

Hih School Project pen Malaysia gamsung aom Atlas Network tetawh aki pawlkhawm ahi atom in IDEAS kici “Institute for Democracy and Economic Affairs” te’n hong makaihding cih Atlas Network in tangko khia hi.

Hihbang in Refugee te adingin Secondary School zoptheihnading gelna pen nungkum December kha akipan akigel hi a, Secondary School kahtheihlo, zopnading omlo Refugee sangnaupang tampi om cih atheih ciangin IDEAS pan hong vaihawmkhiat uh ahih manin lungdamhuai mahmah hi.

IDEAS Academy General Mananger Trine Engskov


Gambel Refugee ihhiphial zongin sangpangno te adingin pilsinna pen thupi asak mahmahlam IDEAS Academy General Mananger Trine Engskov in “We want to make education accessible to everyone” ci’n genkhia hi.

IDEAS pen Dutch NGO khat hi a, UNHCR (United Nations High Commissioner for Refugees) tawh ki kumkhawm in hih Secondary School patkhiatding agel uh ahihi. IDEAS Academy pan Class khempeuh pen Manglai leh Mangpau tawh hilhding cihzong kiza hi.

Tuciangciang IDEAS Academy ah sangnaupang min apiakhin, Sign Up sa mi 20 valkhin ci a, kumbeima in mi 100 val hamtang in minpiading un lamen uh cihi.

Secondary School pen tukumbei ciangin kipanding cihzong kiza hi.

Secondary school education will soon be a reality for refugees and stateless children in Malaysia when the Institute for Democracy and Economic Affairs (Ideas) opens its academy in Kuala Lumpur by the end of this year.

ZD Sawltak

 


Comments




Leave a Reply