WWW.TUNGZANGNEWS.COM

 



TEDIM POST

T E D I M T H U K I Z A K N A L A I

A Weekly News of Zomi Youth Association

-

Tedim Post Vol.1, No. 8, August 30, 2014 Estd. 2014

Motto: "Kipumkhatin mainawt khawm ni"

Editorial....

AMERICA GAM A ETTEH HUAI ZIA TAWM

Leitung gam khempeuh lakah America gam mah kipai nuam pen hi, ci leng kikhial lo ding hi. Hi bang a leitung bup in a tung et leh a pimuh dinmun atun theihna ahang tampi a om thei dingte sung pan thu 5 en suk dih ni.

(1) A gam phut khiate pen nopna le daihna a zong Khristian piangthakte na hi uh hi. Zomite pen ahuam-pi-in Khristian percentage atam pen hi kha ding hi. Zomi Khristiante zangin Pasian in Zogam, Myanmar leh Leitung ah nalian tampi sem lai ding hi.

(2) Lungdam kohna ni ‘Thanksgiving Day’ ci-in kumpi zum khak ni nithupi khatin zang uh a, gam-bupin Pasian’ tungah lungdam ko uh hi. Khristiante makaihna peuh ah lungdamna om a, tua tungtawnin lungdam nading thupha mah kibehlap zel ahi hi.

(3) Pasian liansakin a sum tung uhah ‘In God we trust – Eiten Pasian ih muang hi" cih thu tuangsak uh hi. Sum tung nangawn ah Pasian’ min tuangsak uh ahih manin leitungah tua sum mah manpha pen, ki-deih pen a, vang nei pen hi kici thei hi.

(4) Mimal, biakna leh kumpi in huhna ngahte hih ding sangin huhna piate hih ding lung puakin nei uh hi. Ngah ding bekbek tawh buaina pen sila lungsim na hi gige a, hawm khiat ding zeek khiat ding lunggulhna pen thupha ngah Pasian tate’ zia ahi hi.

(5) Dan (upadi) in kumpi ulian pente akipan daipam mizawng pen dong huam a, Dan bawlte zong Dan sungah nungta uh hi. Dan in miliante taisuak sak a, mineute man cip hi, acih dan hi loin ulian uneu dan sungah om uh hi. Milian mineu deidanna om lo bek tham lo mihing khat ciat ii suahtakna zahtakin thusim ngiat uh hi.

YANGON KHUAPI AH ZYA DING TA

Yangon - August 27 Yangon Khuapi, TBC-Y Biakinn ah August 27, 2014 ni-in Zomi Khangno Kipawlna (Zomi Youth Association-ZYA) kiphuan khia a, a nuai a bangin pan-mun kiteelna zong kinei pah cih thu kiza ahih manin ZYA-Tedim min tawh TEDIM POST pan lungdampihna ih puak hi.

President: Sia Peter Khual Lam Mang

Vice Pre:1: Rev Dr. Nang Sawm Piang

Vice Pre:2: Steven Gin Lal Mang

Secretary : Tg Chin Suan Kap

Asst Secretary 1 : Sia Do Khan Khup

Asst Secretary 2 : Pa Ngo Thawng Mang

Treasurer : Lia Ngai Tawi Lun Cing

Accountant : Dr. Cing Zeel Niang

Audit 1 :Tg. Sian Khan Dong Audit 2 : Mr. Kam Lam

Members: 1. Dr. Suan Za Khup 2. Lia Vung Lun Dim 3. Pa Song Thawn Mang 4. Pa Do Khan Sing 5. Sia Kam Khan Dal

ZYA Yangon phuhna le EC kiteelna ah Prof. Dr. C. Thang Za Tuan, Rev. Dr. Do Suan Mung leh Rev. Dr. Simon Pau Khan En te zong kihel thei bek tham loin thapiakna le thugenna tomkim nei uh a, Rev. Dr. Do Suan Mung (General Secretary-GZA) in ZYA Yangon-Executive Committee te thungetsakna le Topa’ tungah apna nei hi.

Tua banah Rev. Dr. S. Pau Khan En (Presi-dent- GZA) in hun zawh lungdamkohna le thupha piak-na nei hi. Hun man khit ciangin Pa Do Khan Khup (OM Sports), Pa Kam Suan Mung (Secretary- ZYA Kawlpi), Pa Vungh Za Khup (ZOFA EC-Kawlpi) te in Nan Thi Dar kici Kawl ansai khatah nitak an vak uh hi. (ZOMINAM)

UNITED NATIONS CONFERENCE AH ZOMI MAKAITE

New York - August 29 A 65 veina UN DPI/NGO Conference pen UN Headquarters, Trusteeship Council Chamber (Confer-ence Building), New York, USA ah August 27-29, 2014 ni thum sung kinei a, gam 117, NGO 900 pan Tangmi (Representative) 4000 val kihel thei hi. Tua sungah Zomi Innkuan USA zong NGO Taangmi (Represen-tative) le Consultant hihna tawh Pu Go Sawm Khup (President- ZIUSA), Pu Do Khan Khup(GS-ZIUSA), Rev. Pau Khan Khai le EC sung pan makai vekpi 30 bang tangmi kihel thei uh hi. Tua banah Kawlgam pan Pu Gin Kam Lian (GS-ZCD), le Lasiam Esther Cingsan-te zong va kihel thei uh, cih kiza hi.

Ref: UN Live Webcast & Pu Do Khan Khup

TEDIM TECHNOLOGICAL HIGH SCHOOL INMANAWT ZEL

Tedim - August 30 Chin State leilu lam khangnote in nuntak na ding nasep zonna ah siamna angah ding uh ngimna tawh akihong Government Technological High School, Tedim pen January 12, 2009 ni-in Technological Train-ing School tawh kipan a, June 16, 2012 ni ciangin High School dinmun ah kilamto hi. 2014-15 siamsin kumin siamsin vekpi 89, laihilh sia/siamah 16 pha hi. 2012-13 kumin sangzo mi 23 pha a, 12 in distinction ngah uh hi. 2013-14 kumin sang zo 8 pha a, 2 in distinction ngah hi.

Tan 8 zo khinte a ut khempeuh kikah thei a, hih GTHS panin laisiamte in asangzaw siamsinna zom to suak thei uh hi. Laisinna innpi 2, nasemte omna inn 2 omsate banah tulaitakin Myanmar Pine Hill Company-te in kumpi tung panin laisin nading innpi khat leh na sepna ding innpi khat (100’x52’ tuak) Ks. 146000000/- tawh alam san laitak uh hi, cih thu kiza hi. Principal pen Siapi Thang Kim Khai ahi hi. (TP Reporter)

MYANMAR TCHOUKBALL TEAM IN A 4-NA NGAH

Singapore - August 24

Singapore khuapi a kibawl Asia Pacific Youth

Tchoukball Championship ah Myanmar gambuppi tan-gin Zomi vive vai akuanna uhah a 4-na hong ngah thei uh hi, cih kiza hi. 2011 kumin Vietnam gam a kibawl The 2nd SEA Tchoukball Championship ah Pu Mung Thawn Khai makaihna tawh Zomi khangno (numei team le pasal team) Thailand ah va kimawl ngei uh hi. 2015 SEA Games pen Singapore in innteekna la ding a, tua lai ah zong a kihel dingin Olympic Committee tawh a kikup laitak uh hi, cih kiza hi. (zominational.com)

LUNGDAMPIHNA LEH ANGTANPIHNA

1) Doctor of Theology: Rev. Pau Lian Mang in Divinity School of Chung Chi College, Hong Kong pan August 25, 2014 ni-in Th.D lukhu neelkai ngah ta, cih thu kiza hi. Sia Mangno (B.A., M.Div., Dip. ELTM, M.Th., Th.D) pen Tedim Christian College, Yangon ah Lecturer asemsa hi a, a nasepna zom kik ding, cih thu zong kizak beh lai hi.

2) Master of Civil Engineering: Tedim khuapi a teng Pa Zel Za Dal leh Nu Niang Khaw Dim te tapa Tg Zam Lian Khup (Khuppi) in 2010 pan 2014 dong kum 4 vilvel asin khit ciang Master of Civil Engineering tawh August 27, 2014 ni-in University College London (UCL) pan Master of Civil Engineering lukhu neelkai hong ngah thei hi. (ZOMINAM)

BIAKNA MAKAITEN SINGLAMTEH KHUAMBUL PHUT



Tedim – August 30 Tedim khuapi khualai veng thungetna mual ah 1984 kum a kiphut singlamteh pen galkap uk hun 1994 kumin khatvei, 1999 kumin khatvei hong kiphuk sak hi. Tu-in Nu Dim Kang (USA) makaihna tawh Ks. 5000000 bei-in Pu Tunta’ Company in nasep kipan ta a, August 30 ni-in BAG Pawlpi in Tedim khuapi sung a om Pastor teng samin thungetna tawh khuambul kiphut ta hi, cih thu kiza hi. (Dr. Thuam)

ZYA-DALKHAI NASEPNA

ZYA-Dalkhai in tukum thubulphuh dingin 1Tim 4:12 nei uh a, lampi bawl, lam zik beh, sing ek… cih bangin taang nasepna nei uh a, khua le tui hoih nading hanciam mahmah uh, cih thu kiza hi. (ZYA-Dalkhai)

LAIKHAK

Dear Editor, Ko kiangah hausate in zukhamte man uh in amante zong zukham vive mah hi zel. A kimante kan dingin apai mite tungah khut lum khawng suang lai ve uh aw… (………, Buan Khua)

SAPNA

"Open Talk on Literacy Facing Zomi Youths Today" kinei ding ahih manin lai lam nasep alunglut khempeuh kong sam uh hi.

Speaker : Sia G.S Pau

Amun : CSO Hall, Zogam Villa, Sakollam

Ani : August 31, 2014 (Sunday)

Ahun : 2:00 PM

Tedim Post Word Game

Hih anuai a laimalte Mikang kammal suaksak in.

Gtn. NEESS = SENSE adt.

(1) MYERH = ?

(2) CAZIDO = ?

(3) LANUNA = ?

(4) TONBUY = ?

ZOMI SIAVUAN LASIAM MANGSAN IN ALBUM THAK BAWL

Zomi sung pan MBBS a zo khin lasiam Mangsan in "Thupha Ngah Minam - The Blessed Na-tion" cih min tawh tunai-in album thak khat hawm khia hi. Mangsan pen Sia Zogam Lalpu’ tapa nihna hi a, Lasiam Tua Tuang’ nau zong ahi hi. Aneu aki-pan music alunglut den, atum, aphuah le asak asiam khangthak lasiam khat hi a, Naupang Manpha SAN-SIIP khui sung a lasa pen ahi hi. "Thupha Ngah Minam" khui tha pia ciat ni.

LUNGDAMNA

Tutung Tedim Post laihawmna sumbei khempeuhTg. Thang Lian Suum (a) Sumpi,Blue Hill Company te innkuan in hong sik uh hi.

DAHPIHNA

1. Nu Vum Za Cing (K. 63), Lawibual Veng, Kaptel Khuami, LbBC Pawlpi mi in August 26 ni-in hong nusia hi.

2. Lia Cing Neih Dim (K. 12), apa Gin Min Thang, Tan 7, Gamngai Khua, Khualai Veng, BAG Pawlpi mi in August 27 ni-in hong susia hi.

Published by Pa Tuang Gin Mang (Gi Gin), President, ZYA-Tedim, Lawibual - 32, Kam Hau Road, Tedim. Ph : 50562

 


Comments

05/24/2016 05:01

Actually this blog maintaining a special and appealing information.Thanks for share with us. Keep it up.

Reply

Hi, I log on to your new stuff like every week. Your humoristic style is witty, keep doing what you’re doing!

Reply
08/15/2016 06:55

The overall game has over 60 trap rooms with different opponents and even more. This is an extremely addictive game that players prefer to play all night on end. The overall game is absolve to download but offers only limited cash and gems in the beginning which soon go out. After this players need to get more coins and gems from the in software stores. This game is on all leading platforms including Windows, Android and iOS. When you can purchase extra cash and gems there's always the choice of using the Dungeon Hunter 5 Hack which gives players with unrestricted free cash and gems.

Reply

Composite organization is also an engaging offer for clients. Since a huge part of the clients searches for a multitasking writer who can make differing sort out of stuff like paper, work, article, content, hypothesis forming and others too.

Reply
09/12/2016 02:04

These days, there are several free android apps offered for Android devices. But if you don’t download these apps from the right store

Reply

never found any interesting blog like yours. It is pretty worth enough for me

Reply
05/16/2017 00:51

Everyone share their experience here and this is really nice to read different kind of theories related to same topic. Everyone placing their different opinion and it shows diversity. Appreciate this platform.

Reply

This blog aware me about different programs which can become very useful for our friends and kids. Few websites provide combined courses and few of the are separately for single subject. Glad to get this information.

Reply
05/18/2017 02:28

I am grateful for this blog to distribute knowledge about this significant topic. Here I found different segments and now I am going to use these new instructions with new enthusiasm.

Reply
05/18/2017 23:56

Everyone share their experience here and this is really nice to read different kind of theories related to same topic. Everyone placing their different opinion and it shows diversity. Appreciate this platform.

Reply

Thanks for sharing the facts. You truly impressed me by this post of yours. And what exactly is additional commendable will be the authenticity in the content material.

Reply

I'm so amazed together with you that will make your blog like this to be really great so we truly wanted to have a nice and interesting blogs such as this.

Reply



Leave a Reply