WWW.TUNGZANGNEWS.COM

 
Thuthak Tomkimcing 12 Aug 2014A. Hakha khuapi sung kongzin nasiatak in bawl kipan.Chin state Mangputal phalna dungzui in 2015-2016 ah State kumsumpi
tawh nasep ding Hakha khuapi sung kongzin Boyoke lamzin dung teng
kipuahta ding ahihi. Tua man in 12 Aug 2014 ni Zinglam hun in Myonee
Engineer te leh Khuasung Puah niinhuai siam ( Siipyin) te in lampi
adung avai akisam bangbang tehna nasep kipan uh hi. Tua ban ah
khuasung mite in tu in zong lampi phung ahoih bawl kipan uh hi.

B. Chin state leh Tamu vanlut ding nasep sum kikiamChin State ah van alut ding leh India ah zuak ding Tamu lut ding van
te Gun khawm pan in vankhia vanguang te in abeisa hun in tawikhat teh
Kyats 20 la uh hihi. Tam lak kisalua ahih man in Vannei te in lampi
dang zui in van namkim te lampi dang zong in pua uh hi. Tua man in
Kalay ah Van pai tawm mahmah ban ah Vanpua tuileeng gunkuang te 50
kibeh lap ahih man in Kalaywa ah vankhia vanguang te in thaman khia in
Tawi khat teh kyats Peek 14 la uh hi. Kyats peek guk khiam uh hi cihi.
Kalaywa pan in van tuamtuam atamzaw Chin state puak ding te in
Innlamna tawh kipawl vante leh Chin state pan akingah lo innsung
vanzat tam pen cihi. Tamu pan India ah’ zuak ding ahih leh Kuhva ahing
akeu, Kizepna nam kim leh neek leh dawn lam tawh kipawl manniam nono
nek theih te kihel ahihi.

C. 436 Gambup thukhun bawl phatzia ding Zekailua’ Pu Zo Zam in cita.Pi Aung San Shu Kyi in 436 gambup thukhun bawl phatding minkuihna
minkhumna 2014 July 19 ni dong la in kaikhawm a, Awn nga kiim in
minkuihna nei khin uh hi. Ahizong NCCT ahi a, MPC ahi a, tulaitak
kumpi USDP ahizong in bawl ni cinailo sese hi. Tua kawmkal ah CNP
party lutang pi leh NBF Member Pu Zozam in 436 puah dingvai ahunzekai
saklua hi ci in tangko khia hi. Gam leh Nam Makai te bel amau muntek
ah amau khomkhom in buai vingvung hial ahihi. 436 thukhun bawl phat
ding ni 60 sung in Awn nga kingah hi zen ahihi.

D. KIA galkap 6 bek omna Kawl galkap 50 in buluhKIA galkap Duty camp ahi KIA galkap mi 6 omna mun KIA dap Dung 27 pen
12 Aug 2014 zinglam daak 8:15in Kawlgalkap 50 apha Kha-lah-yah 77 te’n buluh
miaumiau uh hi. Thakhat in linphawn in lutvat uh hi. Gambup kikap kido
khawl dingvai aom laitak in hicibang in Kawl galkap te in mualmite
liinphawm thawmvau sese zel ahihi. Tuabek hilo 11 Aug 2014 ni in KIA
galkap kiphualna 26 mun pen Kawlgal kap te in 11 Aug 2014 Zinglam daak
5:10 in lut uh a, Kawlgalkap te tam lua ahih man in KIA in 5:30in
kiphualna mun taisan ta ci hi.

Hau Thang


 


Comments

05/15/2017 12:16

We like to read this issue.. Thanks you've made it clear!

Reply



Leave a Reply