WWW.TUNGZANGNEWS.COM

 
Thuthak Tomkimcing 11 Aug 2014

A. Pegu gam huam tui tamlua Siamsin Sang 175 kikhak.

Myanmar gamsung Pegu gam huamsung ah guahtui tamlua in khua sung tui
kivung mahmah ahihi. Koi mah ah kipai theilo ahih ban ah An neek tawm
ding naleng kileithei lo in kibuai hi. Adiak in Siamsin na Sang te ah
Sang innsung tui kicing in lai kisin theilo hi. Pegu gamhuamsung ah
Sang sung tui kivung 175 pha in Sang kikhak phot ahihi. Pawl 10 sang
16, Pawl 10 Sang khen 10, Pawl lai sang 2 leh Pawlai sang khen 20,
Pawl Lai dawlnuai sang 32 leh Pawl nuai gual sang 94 leh Sang khen 1
kikhak cip a hihi. Siamsin sang naupang vekpi 54847 pha uh a, Sangkah
lo laitak in om tek uhhi.

B. Kawlgam pen Pianthakna leh Kikhelna kisam ci’John Kerry in.

USA gampua palai Mr John Kerry in Kawlgam pen Sum bawlna, Ki ukna,
Kima kaihzia lam ah Pianthakna leh kikhelna kisam hi ci-in gam makai
te tungah thuhilhna gen khia hi. Myanmar Innteekna tawh kizui in ASEAN
gamsung adawl tungnung thunei Milian kimuh khopna ninih hun sung in
hih thuteng mu khia ahihi. Mipi deihna leh Mipitung ah kamciam bang
lian in upna leh zahtak na , Muanhuai na gam makai te’ mipi tungpan
ngah khiatna kisam hi. Mipi te kitangsap na theihpih bawlsak na in
Pianthakna leh Kikhelna piangsak bek ahihi. Athu tawh Peuhpyin
Biangleeyii cih niloh kisam lo hi cih mu khia hi.

C.Federal ah Pianthakna aomkei leh MNDO sona vingveng ding

Kum 60 valsung ah gam leh nam a ding in nuntakna abei lawh MNDO pan
salpha1200 val sisan te hang in Myanmar gamsung ah Mualtung singtang
mite lungdeih Federal tawh kiukna Pianthakna aom kei leh MNDO te
tangtel sihtan bang velvel in kipei sawm lai uh hi. NCCT in zong
tamveipi Myanmar kumpi vahel a, ahih hang in Gam leh Nam vai kician
holiimna nei nailo ahih man in MNDO in Kumpi te dinmun encik mahmah
lai uhi.

D. Eiteng tapkual han kisia

Zomi ahih nak leh Gam leh Nam it tek uh hi. Mite hong khenkhap zia
thupaizia a kitel dikkan sese lo in hong cih na bangbang nui heihai in
hee akici suk te ihihi. Na pa vaa that in ci leh zong Tualthat nuam
thu tel theilo ahon bulom om minam te sung ah kihel lai ihihi. Ei leh
Ei hong kilutuahna atheithei lo mipil miciim ding a’ upmawh huai nono
kipheng phi khellel hi. Kawl mangpa innpi sungpi ah thu agen dingsang
in Kawlmang pa zumpi sung ah Unau Pata zum kitun nuam in Kawllai
siamna ciangciang alau hial lo min hongsut aci nuam heihai zah dong in
amawlpil te in Gam leh Nam hong makaih ahih man in thuvang kim amulo
khangthak te in um baih hi. Eiteng Tapkual han kisiam ihihi.

Pawl khat te Tuipi mong pan Leitungbup huam in thu igen hang in
athulam tawn leh athupai zia akizui tonkhawm’ zumthu lampai ki makaih
na omlo ahih man in ciimphawng in online tawh nitumtum lellel ihihi.
Tua kikal in Innsungpi aluh phei te in Ageei penpen leh atam man
theithei alimtata zukhum Million miliion in zeek liauliau uh a, eite
ahih leh sum kidon tawh ikivangsa lelel gampuah sawm sawm te kisuak
hi.

Hau Thang


 


Comments




Leave a Reply