WWW.TUNGZANGNEWS.COM

 
Thuthak Tomkimcing 14/15/16 Aug 2014.
**************************************************
A. Chin State sung Vanleng tualvai thu meizom

Zogam ( Chin) state ah' gamsung gampua khualzin alemtang abaih olsaam nading in abeisa Feb/Mar hunsung in Tedim, Falam, Hakha mun thum vanleng tual ding in ki en zo a tua thu tawh kipawl in 15 Aug 2014 in hih mun thumsung sittel etkaak na vanleng lam thusa te in nei zo cih ki za hi. Chin state vanleng tual vai thusa haaitawi Minister Pu Ngun Sang Aung in amunpen naikei ci hi. Hih Zogam Airport ah zeek ding gambup sumpan in Kyats 200 million kizeek ding cih kithei khia ta hi. Abeisa kum Oct 30 ni in State Innteek Pu Hung Ngai leh Mission Aviation Fellowship (MAF-USA)te vanleng neute zat theih zinkawikawi nading thu kikupna nei zo uh hi. Zogam ah khualzin mi namdang tam semsem ta hi. Zogam khua hun votlua lumlua omlo khua hun nuam sa mahmah ban uh ah huih mahmah siangtho sa mahmah uh cihi.

B. Tamu Palik te'n Vankham zatang leh Zakaang man

Tamu myonee Narcotic No.7 te in 2014 Aug 13 ni in Tamu khuapi huam Kahmakyi khua ( Tamu- Kalay) kongzin pi ah Cycle lampai te asit leh Ko Kyaw Ba Lah in ahawl Cycle man in asit mawkmawk uh leh Zakaang 11g leh Vankham Zatang 170 mu in Cycle tawh man khawm pah uh hi. Ko Kyaw Ba Lah leh Ma Or Ma Win gilbeem ah palik te'n koih phot uhhi.

C. Siamsin te ading Gamdang huhna omleuleu.

Myanmar gamsung ah siamsin sang naupang 8.2 Million te sung pan azawng penpen siamsin sang naupang Then sawm val te ding in World Bank leh Australia te ki pawl in $ 100 Million huhna pia ding cih kiza hi. World bank pan $ 80 Million leh Australia pan in $ 20 Million hi ding ci uhi. Hih World bank pan in $ 80 Million pen hong leitawi ding uh hi in Ausie te hong piak $ 20 Million pen akhonkhawng ding ahihi cihi. Myanmar gamsung ah Adawl niam siamsin na sang tul sawm thumval om in Adawl lai siamsin na sang tulthum val leh Adawl tung siamsin sang tulnih zathum val om hi. Adawl nuai siamsin sang naupang Awn 5.2 val om hi. Adawl lai siamsin Awn 2.3 leh Adawl tung siamsin Awn 0.7 sangnaupang Myanmar in nei hi. Azawng te kihuh na hina pi azawng pen omna mun ah kizanglo, tung ngeilo den thei pilna tawh kipawl huhna sum hi thei hi. Kawl lutol siampite makaihna sang 1400 val om hi. Hih lai mun siamsin te kumpi sang siamsin te ii 1% pha uh a, azawng taktak leh Nu leh Pa neilo te ahihi cih thuthang in gen khia hi.

15 Aug 2014.

A. VISA bawltawm tawh akiman mi 75 te

Malaysia ah Visa bawl tawm tawh akiman mi 75 leh Agent 3 te lak pan in Agent khat leh Visa bawltawm azang mi 60 te sung pan Pasal 35 leh Numei 16 te 12 Aug ni in Malaysia Immigration te in kumkhat hunbit gilbeem koih ding uh cihi. Mi 20 te ahih leh Aug kha bei ah Myanmar puak kik ding uh hi. Adiak in Agent te in VISA bawltawm sim thei ahih man in kidop huai ahih na tawh i ki gen sawn hi.

B. Rakhine gam Mawngtaw kiim Sang Sya te Palik in cing.

Rakhine gamsung ah Vai minam tam mahmah na Mawngtaw khuapi kiim teng ah Vai nam singnuai mite in zawh tawh thu tawh Myanmar kumpi Siamsin Sang syamah te nakiphatsak uh leh gamsung ah hong kikai ziauding cih laihawm ahih man in 15 Aug pan kipan Mawngtaw kiim khuata Sang Syamah te Myanmar palik in cing uh hi. Myanmar palik te zong gamgi cing duty ding sang in utzaw tek dan ahihna thu khuami tangval ten phunsan na gen khia uhhi.

C. Federal System khit ah' Galkap vai thulian pi

NCCT leh UPWC gambup huam kilem na vai Federal tawh kalsuan ding ki thumin ta uh hi a, Alang nih tuak galkap nei tek uh ahih man in galkap vai kiho tuak na ah thu haksa mahmah tampi om ding in um mawh lai uhi. NCCT lampan agalkap tek uh bangcih ding amuntek mah ah om in kumpi khasum tawh om ding maw? Ahih kei leh amau leh amau kitodelh ngeisa bang in pai ding? Federal Army om ding hileh kipawl na sawm le guk te in agalkap te uh koicih ding? Myanmar kumpi galkap te tawh munkhat gamkhat ah nasem khawm ding ahih man in bangcih ding cih thu haksa om thei lai ding cihi. Ahihang in Federal vai ah kalsuan lian theih leh amuntek uh kem cing ding in thu paipai zaw uhi.

14. Aug 2014

A. Intel te in Myanmar sung ah' Broadband Services kipat sawm.

USA Kumpi in Myanmar sumbawlna vai them khat ngakcip pian ahihhang in USA gam mi sumbawl te in Myanmar gamsung ah nasep ding lunglut veve ta uhhi. Intel company USA phualpi sat te in zong
Intel Semiconductor mintawh Myanmar gamsung ah Broadband Services nasep kipan ding in, Intel Asia-Pacific & Japan pan Vice President & General Manager Gregory M. Bryant in media te tung thu vai khak ta hi.

B. Naupaai te in azat loh ding Sabaan om.

Lungno thatna zaa tawh akihel sabaan nam ahi (Antibacterial
Soap) te naupaai te in kisilna te ah zatlo ding hoih zaw cihi. Banghang hiamcih leh Nu gilsung om nau no pen Pound cingzolo in neu keukau in suak thei hi cihi. Tua hi in Triclosan leh Triclocarban kihel Hazaa, Sabaan, Sabaan vui nam te zat loh hoih zaw ciuhi. Nu gilsung om nau no pen apumpi akilam hunsung ahih man in adiakdiak nauno ngaihsutna khuak zekai sak hamtang hi cih Pilsiam ciim te'n muh khia hi. Bangci bang in gilsung om Nauno tung lut thei hiam cih leh Nu gil tung om napianpih Laii mong pan in ahuu lutsuk a, nasung om nauno akilam na siivui te tawnsuk ahih man in nauno in haksat na thuak mahmah cihi. Tua man na haaza, Na sabaan zat te naupaai te in pilvangtak in zat kul hi.



 


Comments




Leave a Reply