WWW.TUNGZANGNEWS.COM

 
A. Chin State Kiallap Antang hawm ziading sum zeekna.

Nippon Foundation pan in Chin State kiallap Antang hawm nading in Kyats tein 1800 pia in CNF khut matawh hawm ding cih kiza hi. Tua sung pan in Khuapi huam in sum zeekna khen kik uh a, Hakha ah tein 200, Falam Tein 200, Tedim tein 200, Thantlang tein 300, Tonzang tein 75, Mindat tein 200, Paletwa tein 300, Matupi tein 250 cihbang in khen uh hi. Kanpetlet , Tonzang pen semkhin uh hi.

B. Tedim phone tower omzawh GSM phone line om vetlo

Tedim khuapi huam Sezang khuakhung ah phone tower kibawl hi in vaituamtuam teng semsem lai uhi. Alamdang diak in phone tower kiphut zawh Internet line genkei o Phone line GSM te a bang om vetlo cih Tedim sum vanzuak te tungpan kithei khia hi. Tuaman in Tedim khuapi sung thupiang te ahunlap kingah ngeilo kihawm theilo cihi.

C. Kalay University ah siamsin bekbek 5300 val kipha.

Kalay University ah 14 Aug 2014 in Lai uuk lai kin misuah nading thu genna University hall ah liimci tak in bawl uhhi. Thugen siam te pen Mandaly pan hi in U Kolay,Nay Win Myint, Nay Poh Lay te hi uh a, thu gen na ah thungai Siamsin te tampi kihel uh cihi. Chin state sung teng leh Sagaing gam Homalin sung om Sangnaupang vive uh uh a, tulaitak in Kalay University ah siamsin bekbek 5300 val pha cih U Aung Aung Seo in gen khia hi.

D. Kikup ding thulu 12 omlai.

NCCT leh UPWC 15 Aug pan kipan gambup kilemna thu kikupna kipan kik zel uh a, Thulu 31 lak ah thulu 21 mansiang ta uhi. Adang thulu 12 omlai neilai uh hi. Zingciang 18 Aug 2014 in kikupna kipan kik ding uh a, gamvai party USDP, NLD, State minpua Mualmi party 30,leh Division bulphuh Zaangphai gam kawlmi party 4 cihbang kibeh lap ding uhhi.


Hau Thang

 


Comments




Leave a Reply