WWW.TUNGZANGNEWS.COM

 
A. Gamvai kiho liimma in Galkap te koi ah koih ding?

NCCT leh UPWC te kiho tuahna 15-17 husung aman khit 18 Aug 2014 ni in Party tuamtuam tawh maithum ki shutuah holiimna nop citak in bawl thei uh hi. NCCT leh UPWC pan in Single Text 122 kikup ding aneih lak uh ah Thulu 3 leh 4 tangding om lai bek hi. Adiak in gamvai kiho man in galkap te panmun leh omna munvai siangsak ding thu kilem ki thumiin taktak nailo hi. Mualtungmi galkap te gamsung hinawnlo in khuapi sung ah tualteek om nading vai hong kihel ahih man in Kumpi in sang thei paknailo kici hi. Tuaban ah thau tawi tampi ki om a, kuateng in tualteek tang in khuapi sung ah omding cih zong masuan nei lai uh cih Pu Nai Han Tha in gen khia hi. Gam vai Political Dialogue kikup hunciang in Party kuateng kihel thei ding cih zong ngaihsut huai thu om leuleu hi.

B. Zomi ading masuan vaituamtuam lam honsakna.

Zomi ading eite neihsun gamvai leh namvai party ZCD thusapi Pu Gin Kam Lian zong ZIUSA te tawh kikop in 27-28 USA khuapi Newyork om UN zumpi ah meeting kihel thei ding cih thu kizapian hi. Tua vaithupi kipat madiak in Yangon ah Zomi Forum nasiatak in kibawl ding ahihi. Tua mun ah Pu Thang Cin Thawng ( Senior Programe Manager Peace Dialogue) Prof: Pu Pau Khan En ( GZA President), Pu Cin Sian Thang (ZCD President), Pu Hang Za Thawn (Country Programme Manager) te in 23 Aug ni-in daak 13:00-17:00pm hunsung Zomi khangno te mailam ding thapiakna nei ding ahih man in lunglut huaitak khangno te kizawn ziahziah ta uhi. Zomi avei thu ngaihsun thei peuhmah pai huai ahih ban ah minzong 09 42112 9829 ki pia khol thei ta ahihi.

C. Rakhine gam ah Nitha lawh' Khaci'n sumpiak Sangsia 4068.

One Plus Four cih gel na dungzui in Siamsin amakhin nasep neilo te Rakhine gam sungah siamsin te laihilh ding in nasep kiguan a, nasep nei thak 4068 pha cih kiza hi. Aug 1 pan kipan hi in tun in tulli val pha ahihi.

D. Mipi alinglawng sak Baak hon lompi.

Mandaly khuapi huam Kyaukpaduang gamsung, gammang tuulak pi ah' akilam Seihtah pahlagu Kawl phungyii sang nei a singkungpi te tungah Baak bekbek alomhonpi in khat 18 Aug 2014 ni in a tawlnga kimu hi. Tua telak ah Baak Maangpi khat om in lian mahmah cihi. Tua baak te avek in akha uh avom hang in apumpi tek san au mel pua uh cihi. Khuami te in en ngeingai uh a, Hih baak te anneek ding thei lo a, mundang pan in honglal khia Baak refugee hi gelgel ding ahih man in Ebola lungno pua ding in muangmawh in lau simsim uhi. Ebola pen Combodia ah kilawh ta ahih man in mipi hong lauthawng sak baak te hi ci uhi.

E. India tawh gamgi khua te ah Bazaar kihong ding.

India leh Myanmar kizopna lampi om khuata te khantoh nading in Chin State Finance Minister Mung in theihsak gen khia zo ahihi. Bazaar bawl na ding in Cikha gam Khen maaan, leh Baheel khua, Tonzang gam huam pan in Dalkhai leh Nahlan, Tedim gam huam ah Phaltaang khua, Falam gamhuam ah Thenglet khua, Thantlang gamhuam ah Darlawn khua leh Paangkhur khua hi ding in gelna om zo ahihi. Hih khua te ah India sum, Myanmar sum kizang kawikawi thei khua hi cih Lal Muan Chunga in gen khiazaak hi.

Hau Thang

 


Comments




Leave a Reply